Luka 14:11 - The Holy Bible In Alur (Lur) Revised Orthography

¹¹ Kum ku ba dhanu nzu m’utingre gire jubijwige: man ng’atu m’ujwigre gire jubiyunge.

Luka 14:11 ပူးပေါင်းရင်းမြစ်များ

2 Samwil 22:28

Man ibibodho dhanu ma jusendogi; Ento weng’i ni wi ju m’utingri, kara ijwiggi.

Ester 6:10

Ubimo lund uwacu ni Haman kumae, Tim pio, man igam kendi ku riuni calu iwacu, e itim cil kumeni kum Mordekai ma Jayahudi, m’ubedo dhugang’ p’ubimo: kud iwek lembe moko m’iwacu dong’.

Kitabu Pa Yob 22:29

Kinde ma giredhi piny, ibiwacu kumae, Ting’omalu nuti; Man ng’atu ma mol ebibodho.

Zaburi 138:6

Kum kadok Yehova ni malu, ento ene no ng’atu m’ujwigre; Ento eng’eyo jakuhaya ku bor.

Zaburi 18:27

Kum ibibodho ju ma jusendogi; Ento wang’ mi kuhaya ibijwigo.

Lembrieko 15:33

Lworo Yehova en e ponji mi rieko; Man cwiny ma mol lar telo yo ni yung.

Lembrieko 18:12

Adunde dhanu lar tingre ni nyoth; Man jwigri lar wok ni yung.

Lembrieko 25:27

Camu kic hai ber ungo; E kumeni tek dhanu yenyo dwong’ igi gigi e rac.

Lembrieko 29:23

Kuhaya mi dhanu bijwige; Ento ng’atu ma cwinye mol binwang’u yung.

Isaya 2:11

Jubijwigo wang’ mi tingri mi dhanu, man jubinyono kuhaya mi dhanu, e jubidodo Yehova kende i ceng’ maeca.

Isaya 2:17

Man jubijwigo tingri mi dhanu piny, man jubijwigo kuhaya mi dhanu; e jubidodo Yehova kende i ceng’ maeca.

Isaya 57:15

Kum Ng’atu ma malu ma jabedo mi nja ma nyinge Leng’, uwacu kumae: Abedo i ka ma malu ma leng’ de, karacelo ku ng’atu ma cwinye lokre ma cwinye mol bende, kara adwok tipo ng’atu ma mol, man kara adwok cwiny ng’atu m’ulokre.

Matayo 23:12

Man ng’atu ma tek bitingre gire jubijwige; man ng’atu ma tek bijwigre gire e ma jubiyunge.

Luka 1:51

Enyutho tego ku bote; Elalu jukuhaya ku lembe ma igi pido ku i adundegi.

Luka 1:52

Ejwigo juker kud i komker migi, Eting’o dhanu ma kitgi mbe malu.

Luka 14:12

Man ewacu ni ng’atu m’ulwong’e de kumae, Kan itimo cam mi dieceng’ kadi mir uthieno, kud ilwong’ jurimbi, kadi utumeru, kadi wat peri, kadi judhugola peri ma julonyo; gin bende gimaru lwong’i ka wang’ maeni, e wang’e bicule iri.

Luka 18:14

Awacu iwu kumae, Ng’atu maeni loro piny i ot pare ma lembe m’i wie gonjre ma sagu pa jalwadi: kum ku ba dhanu ceke m’uyungre gire jubijwige; ento ng’atu m’ujwigre gire jubiyunge.

Yakobo 1:9

Ento dong’ umego ma nyaswaswa de ulule kum yung ma juyunge ko:

Yakobo 4:10

Dong’ wujwigru giwu i wang’ Rwoth, man ebiyungowu.

Yakobo 4:6

Ento emedo bero mange. Kum kumeno lembagora pa Mungu wacu kumae, Mungu gut kum jukuhaya, ento emio bero ni ju ma mol.

1 Petro 5:5

Wu ju ma nok bende, kumeno, wubed wor ni judongo mu. Eyo, kewu ceke wuronjru ku molcwiny, ma wutim ko ni juwedwu ng’atuman ni wadi man ni wadi: kum Mungu jul kum jukuhaya, ento emio bero ni ju ma mol.

1 Petro 5:6

Ka kumeno wujwigru the cing’ Mungu ma tek, kara edodwu ka kakare tundo;

1 Samwil 15:17

Man Samwil uwacu kumae, Kafok i nok i weng’i giri, juketho ibed wi suru mir Israel ungo? Man Yehova wiri ni ubimo wi Israel;