Luka 13:34 - The Holy Bible In Alur (Lur) Revised Orthography

³⁴ E Yerusalem, Yerusalem, m’unego jubila pa Mungu, man m’ucanyu ju ma juoro i bang’e ku kidi! ayenyo wang’ udul acok nyithindho peri karacelo, cil calu min gweno coko nyithindhe the bombe, ere wuyenyo ngo!

Luka 13:34 ပူးပေါင်းရင်းမြစ်များ

Nehemia 9:26

Ento giwor ungo, man gijai iri, gibayu Cik peri de i ng’eigi, man ginego jubila peri m’utuco wigi kara gilokgi i beng’i kendo, man gitimo gin ma dit ma nyayu ng’ecwiny.

Nehemia 9:30

Ento rundi dupa itwio cwinyi i kumgi, man itiico wigi ku Tipo peri ni kum jubila peri: ento giyenyo ngo ya gicik ithgi: kum kumeno imiogi i cing’ dhanu m’i ng’om.

Zaburi 149:2

Wek anyong’a neg Israel ni kume m’ecwie: Wek anyong’a neg nyithindho mi Sayuni kum Ubimo migi.

Zaburi 17:8

Gwoka calu nying’ wang’; Pana the tipopiny mi bombi,

Zaburi 36:7

E Mungu, mer mi bero peri pire tek mire ma! Man nyithindho mi dhanu gipondo the tipopiny mi bombi.

Zaburi 57:1

Bed ku kisa i kuma, E Mungu, bed i ku kisa i kuma; Kum ng’eyong’ec para pondo i beng’i: Eyo, abipondo i tipopiny mi bombi, Cil ma lem ma rac maeni thum ko.

Zaburi 81:13

A tek dhanu para giwinjo dwanda, Tek Israel uwotho i yo para!

Zaburi 91:4

Ebiumi the yuke, Man ibipondo the bombe: Lemandha pare en e ban man thungu.

Isaya 30:15

Kum Rwoth Yehova, Ng’atu Maleng’ mir Israel, uwacu kumae, Wubiboth ni kum dwogo ku yom; tego mu bibedo nuti ni kum bedoyo man genogen. E wuyenyo ngo;

Isaya 50:2

Pirang’o, kinde m’abino, ng’atu moko mbe? kinde m’alwong’o, ng’atu moko mbe m’uyi? Cinga jik ajika, ma nia ecopo waru ngo? kadi tegona mbe m’abodh ko? Nen, ni kum juk para adwono nam, man adwoko kulo ma dit ni langa: rec migi ng’wi, kum pi mbe, man githo ni rieu.

Yeremia 2:30

Agoyo nyithindho mu kwe; gijolo ponji ngo: palamularu mu ma dhe daru jubila mu, calu umvor m’ubenyotho anyotha.

Yeremia 26:23

e giwodho Uria ku i Misiri, man gitere ba Yehoiakim m’ubimo, m’unege ku palamularu, ebayu avuje de i liel mi dhanu ma sai.

Yeremia 35:14

Lembe pa Yonadab ma wod Rekab, m’eng’olo ni woic, ya ku gimadh pigulok, jutimo; man cil i ceng’ ma tin gimadhu moko ngo, kum giworo lembang’ola pa kwarugi. Ento ayero iwu, m’aai ko pir man ayero; e wuwinjo dwanda ngo.

Yeremia 35:17

ka kumeno Yehova, Mungu mir udul, Mungu mir Israel, uwacu kumae Nen, abikelo lem ma rac ceke m’ang’olo wi Yuda man wi ju m’ubedo i Yerusalem ceke; kum ayero igi, ento giwinjo ngo; e alwong’ogi, ento giloko lembe ngo.

Yeremia 6:16

Yehova wacu kumae, Wucung i yo man wunen, wupenj de pi yo ma con, ma yo ma ber ni i ie; man wuwoth i ie, e wubinwang’u yom ni ng’eyong’ec mu: ento giwacu kumae, Wabiwotho i ie ngo.

Ywak 1:16

Kum gin maeni aywak; wang’a, wang’a molo pi; Kum jajuk ma maku udwok ng’eyong’ec para ni bor kuda: Nyithindha gibedo kendgi, kum jadegi sagu.

Ywak 4:13

En e kum dubo mi jubila pare, ku kier mi julam pare, M’ucwiro rimo mi ju ma pwe i kinde.

Hoseya 11:2

Calu jubila lwong’ogi, e giwekogi kumeca: gilamu ni Balim, man giwang’u udok ma ng’wice ng’ar ni ayi gin m’acwia m’ang’ika.

Hoseya 11:7

E dhanu para giketho cwinygi kum eoro cen i kuma: kadok gilwong’ogi ba ng’atu ma ni malu, ng’atu moko mbe ma biyunge.

Yoel 2:23

Ka kumeno anyong’a negwu, wu nyithindho mi Sayuni, man anyong’a negwu kum Yehova Mungu mu: kum emio iwu koth ma kwong’a i mukero ma pwe, man ekonjo koth iwu, koth ma kwong’a man koth ma cen, i dwi ma kwong’ane.

Zekaria 1:4

Kud wubed calu kwaruwu, ma jubila ma kwong’a gilwong’o i bang’gi, giwacu kumae, Yehova mir udul uwacu kumae, Wudwog kawono kud i yo mu ma rac, man kud i giratima mu ma rac: ento giwinjo ngo, kadi giciko ithgi de ngo ira, Yehova wacu.

Matayo 22:3

m’uoro jumiru pare ulwong’ ju ma juwaku ni kwend ambadha: e gikwero bino.

Matayo 22:6

ju m’udong’ ke gimaku jumiru pare, man gitimogi rac, ginegogi de.

Luka 15:28

Ento ng’ecwiny umake, man eyio ngo emondi: e won uwok woko, man ecuke.

Luka 19:44

man gibiredhi i ng’om, ku nyithindho peri ma ni ii; man gibiweko kidi acel de ngo wi wagi ii; kum ing’eyo ngo nindo mi lieu peri.

Luka 23:28

Ento Yesu lokre i bang’gi ewacu kumae, Nyig Yerusalem, kud wuywak i kuma, ento wuywak i kumwu giwu, man pi nyithindho mu.

Tic Mi Jukwenda 7:52

Jubila makani ma yang’ kwaruwu gikunyayu ragedo i kumgi ngo? man ginego ju ma gilar ginyutho kabino pa Ng’atu ma Pwe; ng’atu ma kawono wudoko jucibne ku junekne;

Tic Mi Jukwenda 7:59

E gicanyu Stefano ku kidi, m’ebelwong’o Rwoth, ewacu kumae, Rwoth Yesu, joi tipona.

Tic Mi Jukwenda 8:1

Saul de yio ya etho. Ceng’ nica ragedo ma dit uwok kum kanisa ma ni i Yerusalem; e kagi ceke julalugi nge nge i ng’om Yahudi man Samaria, jukwenda re m’udong’.

Poi Mi Cik 32:29

A tek gi riek, ma nia ging’ei maeni, Kara gipar pi kajik migi ma cen!

Poi Mi Cik 5:29

A tek gibedo ku wadi adunde maeni, kara gilwora, man gigwok lembang’ola para ceke thiri thiri, kara gibed ber, gin ku nyithindho migi mi nja!

Lembanyutha 11:8

Man avujgi vuto i gengi mir adhura ma dit, ma julwong’o Sodom ma ku tipo, man Misiri, ka ma juguro ie Rwoth migi bende.

Ruth 2:12

Yehova udwok wang’ tic peri, man sukulia ma cu umire iri ku ba Yehova, Mungu mir Israel, m’ibino ninwang’u kagonjo the bombe.