Luka 13:29 - The Holy Bible In Alur (Lur) Revised Orthography

²⁹ Gibiai yo nyangu ku yo reto, man yor ariwa ma malu ku yor ariwa ma piny, e gibibedo piny i ker pa Mungu.

Luka 13:29 ပူးပေါင်းရင်းမြစ်များ

Thangambere 28:14

man kodhini bibedo calu utur m’i ng’om, e ibimoiri foo yo reto, man yo nyangu, yor ariwa ma malu de, man yor ariwa ma piny: man wat ceke m’i ng’om binwang’u mugisa ni kumi ni kum kodhini de.

Isaya 43:6

abiwacu ni yor ariwa ma malu kumae, Wodhi; man ni yor ariwa ma piny kumae, Kud icer; kel wota ku bor, man nyiga kud i kajik mi ng’om;

Isaya 49:6

eyo, ewacu kumae, En e gin ma yot hai nia ibed jatic para ya iting’ suru pa Yakobo malu, man idwok ju m’ubedo agwoka mir Israel: abimii bende ni der ni Thekdhanumange, kara ibed ni both para cil i kajik mi ng’om.

Malaki 1:11

Kum ugambre i wok mi ceng’ cil kum mwony mi ceng’ nyinga bibedo dwong’ i kind Thekdhanumange; man i kaka ceke jubithiero udok ma ng’wice ng’ar ni nyinga, man lam ma leng’: kum nyinga bibedo dwong’ i kind Thekdhanumange, Yehova mir udul uwacu.

Matayo 8:11

Man awacu iwu, nia dupa biai yo nyangu ku yo reto bende, man gibibedo piny gikud Ibrahimgi, man Isak, ku Yakobo, i ker m’i polo:

Marko 13:27

Man i nindo maeno ebioro malaika, man ebicoko jupare ma jugoyo nying’gi karacelo ku yo the yamu ang’wen, kud i tung’ ng’om ku tung’ polo de.

Luka 13:30

Man nen, moko m’udong’ cen bitelo yo, moko de m’utelo yo bidong’ cen.

Tic Mi Jukwenda 28:28

Ka kumeno dong’ wung’ei, ya both maeni pa Mungu juoro ni Thekdhanumange: gibiwinjo bende.

Jukolosai 1:23

tek ebedo kumeno ya wubed i yioyic, ma ulegwu nyang’ ucungo tek de, ma wukucoro cen ungo kum genogen mi lembanyong’a ma juboth ko ma wuwinjo, ma juyero i giracwia pa Mungu ceke the polo; ma an a Paolo judwpka ni jatije.

Jukolosai 1:6

m’uwok i beng’wu: cil calu ebedo i ng’om ceke bende m’ecego nyinge man ecikumedre, calu ma i iwu bende, ugambre i ceng’ ma wuwinjo wung’eyo de bero pa Mungu i lemandha;