Luka 13:19 - The Holy Bible In Alur (Lur) Revised Orthography

¹⁹ E calu nying atingli, ma ng’atu moko gamu, ebolo i podho pare ma dhe; edongo de, man edoko ni yen; winyo m’i polo de gigonjo wi jange.

Luka 13:19 ပူးပေါင်းရင်းမြစ်များ

Wer Pa Suleman 4:12

Nyamira, mugole para, en e podho ma jutwodo kume; Kulo m’atong’a ma juculo, kulo ma dhenyni ma jumwono.

Wer Pa Suleman 4:16

Ceu, E yamu ma yor ariwa ma malu; man ibin, in i yor ariwa ma piny; Kot wi podho para, kara iwodh yath ma jwa jwane woko. Wek jamerna bin i podho pare, Man ecam nyinge ma pire tek.

Wer Pa Suleman 6:2

Jamerna loro piny i podho pare, Ba thuthu mi yath ma jwa jwa, Kara ecam i podhone, man ecokkura.

Wer Pa Suleman 8:13

In m’ibedo i podho, Juwedu ciko ithgi kara giwinj dwendi: Keth awinje.

Isaya 53:1

Ng’a m’uyio rwonglembe mwa? man bot Yehova nyuthre ni ng’a?

Isaya 53:10

Ento ebedo ber ni Yehova ya enyai rem i kume; enyayu can i kume: kinde m’ibidwoko ng’eyong’ec pare ni lam mi dubo, ebineno kodhi pare, ebimedo nindo pare, man gin ma nyayu mutoro i Yehova bibedo miero i cinge.

Isaya 58:11

e Yehova bitelo wii thiri thiri, man ebikwio ng’eyong’ec peri i ka m’uthwo, man ebidwoko cogoni tek; e ibibedo calu podho ma jukwoyo pi i wie, man calu kulo mi pi, ma pige dwono ngo.

Isaya 61:11

Kum calu ng’om twio kudone, man calu podho ketho gin ma jucoyo i ie loth; e Rwoth Yehova biketho bedopwe ku pak loth kumeca i wang’ thek ceke.

Isaya 9:7

Kajik mi nyai mi bim pare man mi kwiocwiny bibedo mbe, wi komker pa Daudi, man wi ker pare, kara uketh ecungi, man kara ujenge ku pokolembe man ku bedopwe ugambre kawono cil nja. Ngiri pa Yehova mir udul bitimo maeni.

Yeremia 31:12

E gibibino man gibiwero wer i ka m’utingre mi Sayuni, man gibimol ba bero pa Yehova, ba cam, man ba pigulok ma nyasa, man ba mo, man ba nyithindh udul rombe ku mi dhok: e ng’eyong’ec migi bibedo calu podho ma jukwoyo pi i wie; e can binegogi kendo ki ngo.

Ezekiel 31:6

Winyo ceke ma kor polo utimo odgi wi jange; man lei ceke m’i thim ginyolo nyithindhgi the jange; man thek ma dit ceke gibedo the tipone.

Daniel 4:12

Ithe de ber, nyinge de dit, man cemo mi giki ceke ni i ie: yedi m’i thim ginwang’u tipo i there, winyo ma kor polo de gibedo i jange, man kum ceke gicamu i bang’e.

Daniel 4:21

ma ithe de ber, nyinge de dit, man cemo ma ni dhanu ceke ni i ie; ma yedi m’i thim gibedo i there, man ma winyo m’i polo de kabedo migi ni wi jange:

Zekaria 2:11

Man thek dupa gibiribri ba Yehova i ceng’ maeca, man gibibedo dhanu para; man abibedo i kindi, e ibing’eyo nia Yehova mir udul uora i beng’i.

Matayo 17:20

Man ewacu igi kumae, Kum yioyic mu bedo nok: kum awacu iwu andha kumae, Tek wubedo ku yioyic ma ro ku nying atingli, wubiwacu ni got maeni kumae, Ai kakeni ci kuca; e ebiai: gin moko mbe de ma bicopre iwu ngo.

Marko 4:30

Man ewacu kumae, Wabiporo ker pa Mungu kud ang’o? kadi wabinyuthe ku lembabola manedi?

Luka 17:6

E Rwoth uwacu kumae, Tek wubedo ku yioyic ma ro ku nying atingli, nwang’u wuwacu ni ulemo mae kumae, Fudhri woko, man icidh ipidhri i nam; kuno di eworowu.

Tic Mi Jukwenda 2:41

E ju m’ujolo lembe pare gilund gimaku baputisi: man ceng’nica dhanu ma yenyo romo rubanga adek umedogi.

Tic Mi Jukwenda 21:20

Gin de, ka giwinjo maeni, giyungo Mungu; man giwacu ire kumae, Umego, ineno nia dhanu m’uyio ma kind Juyahudi gi rubanga swa ngi; man gin ceke ava cik utimogi:

Tic Mi Jukwenda 4:4

Ento dupa m’i kindgi m’uwinjo lembene giyio; e wel jumaco doko ve rubanga abic.

Jurumi 15:19

i tego mi giranyutha ku musana, i tego pa Tipo Maleng’; ketho ugambre i Yerusalem, man i ng’ete cil i Iluriko, adaru yero lembanyong’a ma juboth ko pa Kristu kot;

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.