Luka 12:32 - The Holy Bible In Alur (Lur) Revised Orthography

³² Kud wulwor, wun udul ma nyanok; kum enyayu mutoro i Wegwu nimio iwu ker.

Luka 12:32 ပူးပေါင်းရင်းမြစ်များ

Isaya 40:11

Ebikwayu udul rombe pare calu jakwac, ebicoko nyithi rombe i bote, man ebiting’ogi i kore, man ebipeyo ju ma nyithindhgi nuti yo.

Isaya 41:14

Lworo kud unegwu, in i ukoko ma Yakobo, man wun wu dhanu mir Israel; abikonyi, Yehova wacu, man Jawarni en e Ng’atu Maleng’ mir Israel.

Isaya 53:6

Kawa ceke wakier calu rombe; wakier kubang’wa kubang’wa ng’atuman i yoje gire man i yoje gire; man Yehova ketho kier mwa ceke i wie.

Yeremia 3:19

Ento awacu kumae, Abikethi nenedi i kind nyithindho, m’ami ko iri ng’om ma ber, aba ma ber mir udul mi thek mire! man awacu kumae, Wubilwong’a Vwa, man wubilokru cen kum luba ngo.

Matayo 14:27

Ento aruca ruca Yesu weco i bang’gi, ewacu kumae, Cwinywu bed tek; meni an; lworo kud unegwu.

Matayo 20:16

Kum ku meno m’udong’ cen gibibedo ma kwong’a, ma kwong’a de bidong’ cen.

Matayo 25:34

Ubimo bilund wacu ni ju ma yo ku cinge ma yor acwic kumae, Wubin wu ju ma Vwa dwokowu jumugisa, wucam pacu mi ker m’ubedo ayika iwu ugambre i thekri mi ng’om:

Matayo 7:15

Wukuru ni jubila mi ndra, m’ubino i beng’wu ku kendi mi rombe, ento ku yor i igi gin urudi m’uwor.

Luka 10:21

I saa maeni anyong’a nege i Tipo Maleng’, ewacu kumae, Afoii, E Vwa, Rwoth m’i polo ku ng’om, kum imung’o gin maeni ni jurieko ku weg ng’eyong’ec, man inyuthogi ni mukere: eyo, Vwa; kum ebedo ni mutoro i weng’i kumeno.

Yohana 18:36

Yesu dwoko lembe kumae, Ker para en e mi ng’ombuni ngo: tek ker para en e mi ng’ombuni, kuno di jumiru para gikiedo, kara ku jumia ni Juyahudi: ento kawono ker para en e ma keni ngo.

Tic Mi Jukwenda 20:28

Wubed ku weng’wu giwu, kud udul ceke, ma Tipo Maleng’ uketho wudoko julieu i ie kara wumi cam ni kanisa pa Rwoth m’eng’iewo ku rimbe gire.

Tic Mi Jukwenda 20:29

Ang’eyo yo ng’ei ai para urudi ma rac bimondo i kindwu, ma kisa mbe kugi kum udul;

Jurumi 6:23

Kum sukulia mi dubo en e tho; ento giramia ma Mungu mio mananu re en e kwo ma rondo ku rondo ni kum Kristu Yesu Rwoth mwa.

1 Jukorinto 1:21

Kum ni rieko pa Mungu ng’om ku rieko pare ng’eyo Mungu ngo, ebedo ber ni Mungu ya ebodh ju m’uyio ku kasegu mi lembayera.

Jufilipi 2:13

kum en e Mungu m’etimo i iwu ku yenyo ku timo bende, ni kum mutoro pare.

2 Jutesaloniki 1:11

Kum lembe nini wan bende warwo iwu thiri thiri, kara Mungu mwa kwan ya wuromo ku lwong’o mu, man eketh yeny ceke mi berocwiny, ku tic ceke mi yioyic de utimbre kakare, ku tego:

2 Jutesaloniki 1:5

m’e giranyutha ngbeng’ mi pokolembe ma pwe pa Mungu; kara jukwanwu ya wuromo ku ker pa Mungu, ma wuneno can pire bende:

Juebrania 12:28

Kum kumeno, wan ma wajolo ker ma copo yengre ngo, dong’ wabed ku bero, ma watim ko ni Mungu wanyai ko mutoro i ie karacelo ku jwigri ku lworo ma ayi Mungu ni i kume:

Yakobo 2:5

Wuwinji, juwada ma jumerna; Mungu foyo ju ma gi jucan m’i ng’om ungo ya gilony i yioyici, ma gibed ni jucampacu mi ker m’eng’olo ni ju m’umare?

2 Petro 1:11

kum kumeno jubimio iwu thwo mondo m’i ker ma nja pa Rwoth mwa ma Jalar Yesu Kristu.

Lembanyutha 1:6

man eketho wabed ni ker, julam ni Mungu pare man Won; dwong’ ku kero bed ire rondo ku rondo. Amen.

Lembanyutha 22:5

Man diewor bidong’ bedo umbe kendo; man can der mi thala, kadok mi ceng’ de binegogi ngo; kum Rwoth Mungu bimio igi der: man gibibimo bim rondo ku rondo.