Luka 11:9 - The Holy Bible In Alur (Lur) Revised Orthography

⁹ Man awacu iwu kumae, Wukwai, e ebimire iwu; wuyeny, e wubinwang’u; wudwong’, e ebiyabre iwu.

Luka 11:9 ပူးပေါင်းရင်းမြစ်များ

Zaburi 118:5

Kud i lem ma tek para alwong’o Yehova: Yehova loko ira lembe man eketha i ka ma lac.

Zaburi 27:4

Gin acel apenjo ba Yehova, abiyenyo maeno: Kara abed i ot pa Yehova i nindo mi camung’om para ceke, Kara anen bero pa Yehova, Man kara apenj penji i hekalu pare.

Zaburi 27:8

Kinde m’iwacu kumae, Wuyeny wa ng’a; adundena wacu iri kumae, Abiyenyo weng’i, Yehova,

Zaburi 34:10

Nyithindh umvor giyeng’ ungo, man kec unegogi; Ento ju m’uyenyo Yehova re gin moko ma ber umbe ma cande binegogi.

Zaburi 34:4

Ayenyo Yehova, man eloko ira lembe, Man elara kud i lworo para ceke.

Zaburi 50:15

Man ilwong’a i ceng’ mi can: Abibodhi, man ibiyunga.

Wer Pa Suleman 5:6

Ayabu ni jamerna; Ento jamerna eoro cen, e ecidho. Ng’eyong’ec para wok kinde m’eyero: Ayenye, ento anwang’e ngo; Alwong’e, ento eloko ira lembe ngo.

Isaya 45:19

Ayero mung’ mung’ ungo, i ka mi ng’om mi mudho; awacu ngo kumae ni kodhi Yakobo, Wuyenya mananu: an, Yehova, ayero bedopwe, ayero gin m’atira.

Yeremia 29:12

E wubilwong’a, man wubicidho wubirwo ira de, e abiwinjowu.

Yeremia 33:3

Lwong’a, e abiloko iri lembe, man abinyutho iri gin ma dit, man ma tek, m’ing’eyo ngo.

Daniel 9:3

Man aketho wang’a yo ba Rwoth Mungu, kara ayeny ku rwo man kwac, ku wekocam ku kendo usuba man vuru.

Matayo 21:22

Man gin ceke, ma tek wubikwayu i rwo, wuyio de, wubigamu.

Matayo 21:31

Makani ma kind juario m’utimo ka cwiny woni? Giwacu kumae, Ma kwong’ane. Yesu wacu igi kumae, Andha awacu iwu, nia weg ajok ku weg tarwang’ gilar gimondo iwu i ker pa Mungu.

Matayo 6:29

ento awacu iwu, nia cil Suleman i dwong’ pare ceke eronjre calkud acel mi maeni de ngo.

Marko 11:24

Ka kumeno awacu iwu kumae, Gin ceke ma tek wurwo wupenjo pire de, wuyi nia wujologi, e wubibedo kugi.

Marko 13:37

Man gin m’awacu iwu awacu ni dhanu ceke, Wuki.

Luka 11:10

Kum ku ba dhanu ceke m’ukwayu gigamu; man ng’atu m’uyenyo enwang’u; ng’atu m’udwong’o de eyabre ire.

Yohana 14:13

Man gin ma tek wubikwayu ku nyinga e abitimo ginde, kara Wego dok dwong’ i Wod;

Yohana 15:16

Wugoyo wia ngo, ento an e m’agoyo wiwu, akethowu de, kara wucidh wuceg nyingwu, nyingwune de dong’: kara gin ma tek wukwayu ba Wego ku nyinga, emi ginde iwu.

Yohana 15:7

Tek wubedo i ia, lem para de bedo i iwu, wupenj gin ma tek wuyenyo, manebitimbre iwu.

Yohana 4:10

Yesu dwoko lembe ewacu ire kumae, Tek ing’eyo giramia pa Mungu, ku ng’atu m’uwacu iri kumae, Mi ira amadhi; kuno di ipenje, man kuno di emio iri pi mi kwo.

Jurumi 2:7

ni ju ma ni kum twiocwiny i timober giyenyo dwong’ ku yung man nyothri ngo, kwo ma rondo ku rondo:

2 Jukorinto 6:2

(kum ewacu kumae, I nindo m’uyire awinjoi, Man i ceng’ both akonyi: nen, kawono en e nindo ma yire; nen, kawono en e ceng’ mi both):

Juebrania 11:6

man ma yioyic umbe nyayu mutoro i ie copre ngo; kum ng’atu m’ubino ba Mungu maku ekoeyi be nia enuti, man e jamic mi ju ma giyenye.

Juebrania 4:16

Ka kumeno dong’ wacoru ceng’ni kom mi bero ku tegocwiny, kara wajol kisa, man wanwang’ bero m’ukonywa i nindo ma can ni i kumwa

Yakobo 1:5

Ento tek ng’atu moko m’i kindwu rieko mbe kude, wek ekwai Mungu, ma mio ni dhanu ceke ku berocwinye, egamugi ku dhau de ngo; man ebimire ire.

Yakobo 5:15

man rwo ma ku yioyic bikeyo kum ng’atu ma kume lith, e Rwoth biting’e malu; man ke tek edubo lembe moko, jubiweko pire woko ire.

1 Yohana 3:22

man gin ma tek wakwayu wagamu i bang’e, kum waworo cik pare watimo de gin ma nyayu mutoro i wang’e.

Lembanyutha 2:24

Ento ayero iwu, ni dongwu m’udong’ i Thuatera, ma fodi wumbe ku ponji maeni, ma wung’eyo gin ma thuth pa Jok ungo, calu giwacu; abolo ter mange ngo i wiwu.