Luka 11:22 - The Holy Bible In Alur (Lur) Revised Orthography

²² ento tek ng’atu ma tek ma sage bino i bang’e, eloye de, emayu woko jamtho pare ceke m’egeno, epoko ayeki pare de.

Luka 11:22 ပူးပေါင်းရင်းမြစ်များ

Thangambere 3:15

man abinyayu amone i kindwu wuku dhaku, man i kind kodhini ku kodhine: ebicanyu wii, man ibitong’o ufunytiende.

Ai 15:9

Jadegi wacu kumae, Abiriemo, abirubo, abipoko ayeki; Yeny ma ia yenyo biromo i kumgi: Abidhuyo palamularu para, cinga binyothogi.

Isaya 27:1

I nindo raaeca Yehova bisendo nyang’ ma dit ma thwol ma ringo pio ku palamularu pare ma tek man ma dit ku ma nwang’ de, man nyang’ ma dit ma thwol ma gonda gonda; man ebinego ng’ec ma ni i nam.

Isaya 53:12

Ka kumeno abipoko ire makapiny karacelo ku ju ma dwong’, man ebipoko ayeki karacelo ku jurukara; kum ekonjo ng’eyong’ec pare ni tho, man jukwane karacelo ku weg gondri: ento eyeyo dubo mi dhanu dupa, man ekwayu kwac pi weg gondri.

Luka 11:21

Ka ng’atu ma tek ukendo jamtho pare kpo ukuro ot pare gire, jamni pare bedo museme:

Luka 11:23

Ng’atu ma jabang’a ngo nwang’u en e jadhoga; man ng’atu ma wacoko wakude ngo nwang’u eketho.

Juefeso 6:11

Wurony jamtho pa Mungu kpo, kara wucung ki ni rieko pa wonabali.

Juefeso 6:13

Kum kumeno ting’ jamtho pa Mungu kpo, kara wubin wucung kr i ceng’ maeni ma rac, man, ma wudaru timo ceke, wucungi.

Jukolosai 2:15

nwang’u enyotho ker ku tego de, eketho gibedo giranena ma ngbeng’, m’eloyogi ma gwei i ie.

1 Yohana 3:8

ng’atu ma timo dubo en e pa wonabali; kum wonabali dubo ugambre ku kwong’a. Kum lembe maeni Wod Mungu nyuthre, kara enyoth tic pa wonabali.

1 Yohana 4:4

Wun wu pa Mungu, nyithindho para ma thindho, man wuloyogi: kum ng’atu ma ni i iwu e dit ma sagu ng’atu ma ni i ng’om.