Luka 10:7 - The Holy Bible In Alur (Lur) Revised Orthography

⁷ Man wudong’ i ot maeno, ku camu ku madhu gin ma gimio: kum jatic romo ku sukulia pare. Kud wuci ku ba ot ku ba ot.

Luka 10:7 ပူးပေါင်းရင်းမြစ်များ

Kitabu Mir Ang’wende Pa Musa Wel 18:31

Man wubicame i ka ceke kubang’e kubang’e wuku juudiwu: kum en e sukulia mu ka giratima mu i hema mi cokri.

Marko 6:10

Man ewacu igi kumae, Ka ma tek wumondo i ie i ot, wubed keca ram wuai ko woko.

Luka 10:6

Man tek wod kwiocwiny ni i ie, kwiocwiny mu bibedo i kume: ento tek umbe i ie, ebidwogo i kumwu kendo.

Luka 9:4

Man ot ma tek wumondo i ie, wubed keca, man wuai keca de wucidhi.

Tic Mi Jukwenda 16:15

E kinde m’emaku baputisi, ku juode de, e ekwayuwa ma tek, ewacu kumae, Tek iwu wacu ya an a mandha ku ba Rwoth, wumond i ot para, wubed keca de. E ecerowa.

Tic Mi Jukwenda 16:34

Man eterogi malu i ot pare, eketho cam de i wang’gi, e anyong’a nege dit, giku juode ceke, ma giyio Mungu.

Tic Mi Jukwenda 16:40

E giai woko kud i odkol gici gimondo i ot pa Ludia: e ka gineno umego, gijukogi, man gicidho.

Jugalatia 6:6

Ento dong’ ng’atu ma juponje ku lembe eribre ku ng’atu m’uponje i gin ceke ma ber.

Poi Mi Cik 12:12

Man anyong’a negwu i wang’ Yehova Mungu mu, wun, ku wotwu, ku nyigwu, man jumiru mu, ku bong’ mu, man Jalawi ma ni i dhugang’ mu, kum makapiny pare mbe kadok aba de mbe karacelo kudu.

Poi Mi Cik 18:8

Gibibedo ku makapiny ma calacel mir acama, umedo maeno m’uwok kum loko aba pa won.

1 Timoteo 5:13

Ku sagri ma gisagri ko nini ging’io ku bedo ma swa swa, ma giwotho ko ku ba udi ku ba udi; ma gi juswa kende ngo, endre gi jurwei lembe arweya bende man gi juthub athube, gibegiyero lembe ma maku ku giyer.

2 Timoteo 2:6

Jatipodho m’etio tic ekoelar egamu kum nying yenne be.