Luka 10:31 - The Holy Bible In Alur (Lur) Revised Orthography

³¹ Etimbre nia jalam acel ubeloro piny kud i yojuno: e kan enene, ekadhu ku ng’et yo kucel.

Luka 10:31 ပူးပေါင်းရင်းမြစ်များ

2 Samwil 1:6

Man jalawobine m’uyero ire uwacu kumae, Kan awok kum got Gilboa, nen, Saul ujeng’ kum tong’ pare; man, nen, magali ku weg riuni gilubo toke ma tek.

Zaburi 142:4

Ng’i i cinga ma yor acwic, man nen; Kum ng’atu moko mbe m’ung’eya: Kapondo rwinyo ira; Ng’atu moko mbe m’umaru ng’eyong’ec para.

Zaburi 69:20

Cac uturo adundena; man lembe nura hai: Man aneno nyo jumoko bedo ku ngisi, ento jumoko mbe; Man pi jujuk, ento anwang’u moko ngo.

Lembrieko 21:13

Ng’atu ma tek culo ithe kum ywak pa jacan, En bende ebiywak, ento jubiwinje ngo.

Eklizia 9:11

Adwogo, man aneno the ceng’, nia jung’wec sagu gin ungo i kwaya, kadi i lwiny de jutego sagu gin ungo, kadok kwen de jurieko nwang’u gin ungo, kadi lonyo de weg ng’eyothelembe nwang’u gin ungo, kadi bero de jubodho nwang’u gin ungo; ku ba dhanu ceke ng’atuman bedo ku nindo pare man gagi ma podho ire.

Isaya 58:7

En e nia jupok kwen peri ni ju ma kec unegogi ngo, man nia ikel jucan ma jubayu i ot peri? kinde m’ineno ng’atu ma muneru, ya iume; man nia kud ipond ni juot peri ma dhe?

Yeremia 5:31

jubila giewo ku ndra, man julam ubimo ni kum piny migi; e dhanu para gimaru ebed kumeno: e wubitimo ang’o i kajikne?

Hoseya 5:1

Wuwinj maeni, E wu julam, man wuwinji, E ot mir Israel, man wucik ithwu, E ot p’ubimo; kum lembapoka ni i kumi; kum wubedo ni uwic i Mizpa, man ni voi m’apedha wi Tabor.

Hoseya 6:9

Man calu njuru weg ayeki kanu adhi ni dhanu, e kumeno njuru julam unego nek i yo ma yor i Cekem; eyo, gitimo gondri.

Malaki 1:10

A tek ng’atu acel ni i kindwu ma biciko dhugola, kara kud wukudh mac mananu wi pemblam para! mutoro nega ngo i kumwu, Yehova mir udul uwacu, kadok lam mi cingwu de abijolo ngo.

Luka 10:30

Yesu dwoko lembe kumae, Ng’atu acel uai Yerusalem uloro piny Yeriko; epodho i kind jukwo, m’uwodho bongu pare man gifode, e gicidho, giweke ceng’ni tho.

Luka 10:32

Jalawi bende kumeca, kan ewok kakeca, enene de, e ekadhu ku ng’et yo kucel.

Ruth 2:3

E ecidho, man ebino beko kund cam i podho i ng’ei jukai: etimbre ire nia ewok i ng’et podho ma en e piny pa Boaz, ma en e wat pa Elimelek.