Luka 10:22 - The Holy Bible In Alur (Lur) Revised Orthography

²² Vwa mio ira gin ceke: ng’atu moko mbe de m’ung’eyo nia Wod en e ng’a, ndhu Wego kende; kadi m’ung’eyo nia Wego de en e ng’a, ndhu Wod kende, ku ng’atu ma Wod uyenyo enyuthe ire.

Luka 10:22 ပူးပေါင်းရင်းမြစ်များ

Matayo 11:25

I nindo maeno Yesu loko lembe ewacu kumae, Afoi, E Vwa, Rwoth m’i polo ku ng’om, nia ipanu gin maeni ni jurieko ku jung’eilembe bende, inyuthogi de ni mukere:

Matayo 11:27

Vwa mio ira gin ceke: ng’atu moko mbe de m’ung’eyo Wod, ndhu Wego re; kadok Wego de ng’atu moko mbe m’ung’eyo, ndhu Wod, man ng’atu ma tek Wod uyenyo enyuthe ire.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Yohana 1:18

Ng’atu moko mbe ma foduneno Mungu nindo moko; Wode kulong’, m’eni i kor Wego, enyuthe.

Yohana 10:15

cil calu Wego ng’eya, an de ang’eyo Vwa; man amio kwo para pi rombe.

Yohana 13:3

e Yesu, m’eng’eyo nia Wego mio gin ceke i cinge nia eai ba Mungu, ebecidho de ba Mungu,

Yohana 17:10

man gin ceke ma para gi peri, man ma peri de gi para: abedo dwong’ de ni kumgi.

Yohana 17:2

cil calu imio ire ng’ol wi kum nzu, kara emi kwo ma rondo ku rondo ni ceke m’imio ire.

Yohana 17:26

man aketho ging’ei nyingi, man abiketho eng’eire: kara mer m’imara ko bed i igi, an de i igi.

Yohana 17:5

Vwa, kawono keth abed dwong’ karacelo kudi ku dwong’ ma yang’ abedo ko karacelo kudi ma fodi ng’om de mbe.

Yohana 3:35

Wego maru Wod, man emio gin ceke i cinge.

1 Jukorinto 15:24

E kajikne lund ubino, kan ebimio ker ni Mungu, ma en e Wego; kinde m’ebidaru kabu bimobim ceke ku ng’ol ceke man tego.

2 Jukorinto 4:6

Kum en e Mungu m’uwacu kumae, Der birieny kud i mudho, m’edaru rieny i adundewa, kara emi der mi ng’eyong’ec mi dwong’ pa Mungu i wang’ Yesu Kristu.

Juefeso 1:21

malu ngbir wi bimobim, ku ng’ol, man tego, ku kero, man wi nying’ ceke kubang’gi kubang’gi ma jucaku, i ng’om maeni kende ngo, ento i maeno ma bibino bende;

Juebrania 2:8

Iketho gin ceke bed wor the tiende. Kum i kind ketho gin ceke wor ire, eweko gin moko ngo ma kubedo wor ire ngo. Ento kawono fodi waneno gin ceke jukuketho ubed wor ire ngo.

1 Yohana 5:20

Wang’eyo de nia Wod Mungu bino, emio iwa ng’eyong’ec de, kara wang’ei ng’atu ma en e mandha, wabedo de i ng’atu ma en e mandha, ndhu i Wode Yesu Kristu. Maeni Mungu mandha, ku kwo ma rondo ku rondo.

2 Yohana 1:9

Ng’atu ma tek jawipiro ma en ke eni i ponji pa Kristu ngo, nwang’u Mungu mbe kude: ng’atu ma ni i ponji nini, e ng’atuni e m’ubedo ku Wego man Wod bende.