Luka 10:20 - The Holy Bible In Alur (Lur) Revised Orthography

²⁰ Ento anyong’a kud unegwu kum maeni, nia tipo gibedo wor iwu; ento anyong’a negwu kum nyingwu gore i polo.

Luka 10:20 ပူးပေါင်းရင်းမြစ်များ

Zaburi 69:28

Wek juyweigi woko ku i kitabu mi kwo, Man ku jugorgi karacelo ku weg bedopwe.

Ai 32:32

Ento kawono, tek ibiweko dubo migi woko — man tek ungo, akwei, kaba woko kud i kitabu peri m’igoro.

Isaya 4:3

Man ebitimbre, nia ng’atu m’udong’ i Sayuni, ku ng’atu m’udong’ i Yerusalem, jubilwong’o leng’, en e ku ba dhanu ceke ma jukiewoi kind ju ma kwo i Yerusalem;

Yeremia 17:13

E Yehova, ma genogen mir Israel, jubinyayu lewic wi dhanu ceke m’uweki. Ju m’uweka jubikiewogi i ng’om, kum giweko Yehova, ma kulo mi pi mi kwo.

Ezekiel 13:9

Man cinga bibedo kum jubila m’uneno ginmawokiwang’ mi ndra, man m’ung’eyo ndra: gibibedo i kind juporlembe mi dhanu para ngo, kadi jubikiewogi de ngo i lembakiewa mi ot mir Israel, kadi gibimondo i ng’om Israel de ngo; e gibing’eyo nia an a Rwoth Yehova.

Daniel 12:1

Man i nindo maeca Mikael bicungo, jaditmawijo ma dwong’ m’ucungo kum juthu; man nindo mi masendi bibedo nuti, ma fokuwok ungo ugambre i thekri mi thek cil i nindo nino m’ubino: man i nindo maeca jubibodho juthu, ku ba dhanu ceke ma junwang’u egore i kitabu.

Matayo 10:1

Man elwong’o julubne apar wi ario i bang’e, man emio igi ng’ol wi tipo m’ucido, ma giwodh kogi woko, man gikei ko kwond tho ceke m’unyang’ i kum ku kwond tho ceke mange de.

Matayo 26:24

Wod dhanu cidho, cil calu pire gore: ento can wi ng’atu ma Wod dhanu cibre ni kume! E ber ni ng’atuno tek junyole ngo.

Matayo 27:5

Man ekonjo kum mola ma tar i hekalu, eaine woko; ecidh edeire.

Jufilipi 4:3

Eyo, akwei ma tek bende, jatic ma ku mberembere andha, kony mon maeni, kum wamula ku tic wakugi i lembanyong’a ma juboth ko, ku Klement bende, man jutic wada m’udong’ de, ma nying’gi ni i kitabu mi kwo.

Juebrania 12:23

ba cokri ma yu ku kanisa mi kayu ma jugoro i polo, man ni Mungu ma Japok mi jo ceke, man ni tipo mi weg bedopwe ma judwoko cu ma ndhu,

Lembanyutha 13:8

Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko.

Lembanyutha 17:8

Yedi m’ineno yang’ enuti, man embe: man edhingo ai i longro ma there mbe, m’ecidho ko i kanyothri. E ju m’ubedo wi ng’om igi biwang’ lii, gi ju ma nying’gi kugore ngo i kitabu mi kwo ugambre i thek ma ng’om uthekre ko, ka gineno yedi, maram yang’ enuti, man embe, man ebibino.

Lembanyutha 20:12

Man aneno ju m’utho, ju ma dongo ku ju ma thindho, ma gicungo wang’ komker; e juyabu kitabu: man juyabu kitabu mange de, ma en e kitabu mi kwo: man jupoko lembe mi ju m’utho ku gin m’ugore i kitabune, calku tic migi.

Lembanyutha 20:15

Man tek ng’atu moko junwang’u nyinge kugore i kitabu mi kwo ngo, jubaye i nammac.

Lembanyutha 21:27

man gin moko m’ucido, kadi ng’atu ma timo gin mir adegi ku ndra de, bimondo i ie ki ngo: ndhu ju ma jugorogi i kitabu mi kwo pa Nyathi Rombo kendgi.

Lembanyutha 3:5

Ng’atu m’uloyo bironyo kendi ma tar kumeni; man abiruco nyinge woko kud i kitabu mi kwo ki ngo, man abituco nyinge i wang’ Vwa, kud i wang’ malaika pare.