Luka 10:2 - The Holy Bible In Alur (Lur) Revised Orthography

² Man ewacu igi kumae, Mwoka bedo dit andha, ento jutic e ma gi nok: ka kumeno wukwai Rwoth mi mwoka, nia eor jutic i mwoka pare.

Luka 10:2 ပူးပေါင်းရင်းမြစ်များ

1 Ubimo 18:22

Elia lund uwacu ni dhanu kumae, Ndhu an, a kenda, e m’adong’ ni jabila pa Yehova; ento jubila pa Bal gi dak ang’wen ku pier abic.

Zaburi 68:11

Rwoth mio lembe: Mon m’urweyo rwonglembe gin udul ma dit.

Yeremia 3:15

Man abimio iwu jukwac calku cwinya, ma bikakuwu ku ng’eyong’ec man ng’eyo thelembe.

Zekaria 11:17

Can wi jakwac ma kabang’e mbe m’uweko udul rombe mire! palamularu bibedo wi bote, man wi wang’e ma yor acwic: bote bital ceke, man wang’e ma yor acwic bicido vii.

Zekaria 11:5

ma weggi thumogi, man ginen gigi nia gimbe ku dubo; man ju m’uloko gi giwacu kumae, Mugisa bed ni Yehova, kum a lony: e jukwac migi ma dhe kisa negogi ngo i kumgi.

Kitabu Mir Ang’wende Pa Musa Wel 11:17

E abiloro piny man wabiweco kudi kuca: man abigamu kum Tipo ma ni i wii, e abikethe i wigi; man gibiyeyo ter mi dhanu karacelo kudi, kara kud iyeye giri i kendi.

Kitabu Mir Ang’wende Pa Musa Wel 11:29

E Musa wacu ire kumae, Nyeko timi ni kuma? maku dhanu pa Yehova ceke gibed jubila, ya Yehova keth Tipo pare i wigi!

Matayo 20:1

Kum ker m’i polo e calu ng’atu ma won ot, m’ucidho woko pir kugweno nigamu jutic m’utim i podho pare mir ulok.

Marko 13:34

En e calu ng’atu moko, m’uci wotho i ng’om mange, m’eweko ot pare, m’emio ng’ol de ni jumiru pare, ni ng’atuman tic pare man tic pare, eng’olo ni jakurdhugola de nia eki.

Marko 16:15

Man ewacu igi kumae, Wucidh i ng’om yu, wuyer lembanyong’a ma juboth ko ni giracwia ceke.

Marko 16:20

E gicidho, giyero i kaka ceke, Rwoth utimo kugi, eketho tego kum lembene ku giranyutha m’ulube. Amen.

Luka 9:1

Elwong’o juapar wi ario karacelo, emio igi tego ku ng’ol wi pajogi ceke, man kum keyo tho m’unyang’ i kum,

Tic Mi Jukwenda 11:19

Ka kumeno ju ma julalugi nge nge kum masendi m’uwok kum Stefano gicidho cil i Foiniki, ku Kupro, man i Antiokia, ma giyero ko lembene ni jumange ngo ndhu ni Juyahudi kendgi.

Tic Mi Jukwenda 13:2

E kinde ma gibetimo ni Rwoth, ma giweko ko cam de, Tipo Maleng’ uwacu kumae, Koi ira Barnaba ku Saul kum tic m’alwong’ogi-i kume.

Tic Mi Jukwenda 13:4

Kum kumeno joca, ma Tipo Maleng’ uorogi, giloro piny Selukia; e giai keca gicidho Kupro ku yo mi pi.

Tic Mi Jukwenda 20:28

Wubed ku weng’wu giwu, kud udul ceke, ma Tipo Maleng’ uketho wudoko julieu i ie kara wumi cam ni kanisa pa Rwoth m’eng’iewo ku rimbe gire.

Tic Mi Jukwenda 22:21

Man ewacu ira kumae, Cidhi: kum abiori ngbir ba Thekdhanumange.

Tic Mi Jukwenda 8:4

Ka kumeno ju ma julalugi nge nge gicidho ku yero lembe nini.

1 Jukorinto 12:28

E Mungu ketho moko i kanisa, ma kwong’ane jukwenda, mir arionde jubila, mir adege ke juponji, macen ke tego mi musana, macen ke giramia mi keyo kum, man konyokony, ku bimobim, ku dhok ma tung’.

1 Jukorinto 15:10

Ento ni kum bero pa Mungu abedo ku ramba nini: man ke berone m’emia junwangu ebedo mananu ngo: ento amula ku tic ma sagugi ceke: endre an ungo, ento bero pa Mungu m’ubedo kuda re.

2 Jukorinto 6:1

E wan ma wabetimo karacelo wakude wabethokowu bende ya kud wujol bero pa Mungu mananu

Jufilipi 2:21

Kum gin ceke gibeyenyo gin migi gigi, gin pa Yesu Kristu re ngo.

Jufilipi 2:25

Ento akwanu nia emaku piny ya aor Epafrodito m’umira i beng’wu ma wa jutic wakude, wan asikari de wakude, man jakwenda mu m’e jakony mi can m’unega;

Jufilipi 2:30

kum evotho pi tic pa Kristu, m’ekuno kume kara eketh tic mu ma ira m’urem urom kakare.

Jukolosai 1:29

e amula ku tic bende pi eni, m’abeii ko aiia calku tim m’ebetimo, m’ubetimo i ia ma tek.

Jukolosai 4:12

Epafra, ma en e ng’atu acel m’i kindwu, m’e jamiru pa Yesu Kristu, emothowu, m’ebeii aiia thiri thiri piwu i rwo pare, kara wucung ndhu cu wung’ei andha de yeny ma Mungu yenyo ceke.

1 Jutesaloniki 2:9

Kum wupoi, umego, pi tic ma wamula ko ku sendri: ma wabewatimo diewor ku dieceng’, kara ku wanur kindwu moko, wayero iwu lembanyong’a ma juboth ko pa Mungu.

1 Jutesaloniki 5:12

Ento wakwayuwu, umego, ya wung’ei ju ma gimuli ku tic i kindwu, man gini i wiwu i Rwoth, man gijukowu;

2 Jutesaloniki 3:1

Aha a, umego, dong’ wurwo piwa, kara lembe pa Rwoth uringi man edok dwong’, cil calu ebedo bende kudu;

1 Timoteo 4:10

Kum lembe nini wabemula ku tic man wabeii aiia, kum genogen mwa ndhu ni yo ba Mungu ma kwo, m’e Jalar mi dhanu yu, ndhu mi ju m’uyie.

2 Timoteo 4:5

Endre dong’ ibed nger kum gin ceke, muli ku can, tim tic pa jayer lembe, keth tic peri timbre kakare.

Filemon 1:1

Paolo, ma jakol pa Yesu Kristu, man Timoteo m’umegwa, ni Filemon ma jamer mwa ma wa jutic wakugi,

Juebrania 3:6

ento Kristu re calu wod, wi ot pa Mungu; ma ode en e wan nini, tek wamaku tegocwiny mwa ki man kulula mi genogen mwa ku tego cil i kajikne.

Lembanyutha 2:1

Ni malaika mi kanisa ma ni i Efeso kieu kumae: Ng’atu m’umaku cero abiro i cinge ma yor acwic, en e ng’atu m’uwotho i kind thethala abiro mi mola ma kwar ewacu gin maeni kumae: