Luka 1:42 - The Holy Bible In Alur (Lur) Revised Orthography

⁴² man eting’o dwande malu ku ba dwal ma dit, ewacu kumae, Mugisa kwenyi kind mon, man mugisa ni nyodo m’i ii de.

Luka 1:42 ပူးပေါင်းရင်းမြစ်များ

Thangambere 22:18

man i kodhini thek ceke m’i ng’om binwang’u mugisa; kum iworo dwanda.

Zaburi 21:6

Kum iketho mugisa m’usagu ukwanye mi nja; Inyayu mutoro i ie ku mutoro mi weng’i.

Zaburi 45:2

In i ber ma sagu nyithindho mi dhanu; Bero konjre i dendhogi: Ka kumeno Mungu mio mugisa iri mi nja.

Luka 1:28

Emondo i bang’e, man ewacu kumae, Moth iri, in ma mugisa kwenyi, Rwoth ni kudi.

Luka 1:41

Etimbre de, nia kan Elisabeti winjo moth pa Mariamu, mukere por malu i ie; Elisabeti de pong’ ku Tipo Maleng’;

Luka 1:43

Man lembe m’unwang’a maeni ai kani, nia min Rwoth para bino i bang’a?

Luka 1:48

Kum eneno wi nok pa bong’ pare: Kum nen, ugambre kawono dhanum’utuk ceke gibilwong’a jamugisa.

Luka 19:38

giwacu kumae, Mugisa ni Ubimo m’ubino i nying’ Rwoth: kwiocwiny i polo, dwong’ de i ka ma malu ngbir.

Jurumi 9:5

ma kwaru en e migi, ma Kristu bende ai i bang’gi calku kum, ma ceke eni i wie, Mungu ma won mugisa ma nja. Amen.

Juebrania 12:2

ma wabeneno ko ba Yesu ma en e jathek ku jadar mi yioyic mwa, ma pi mutoro ma juketho i wang’e eciro yen m’athara, m’ecayu ko lewicne acaya man ejany yo ku cing’ ma yor acwic mi komker pa Mungu.

Jupoklembe 5:24

Mugisa bikwanyu Yael ma sagu mon, Dhaku pa Heber ma Jakeni; Mugisa bikwanye ma sagu mon i hema.