Luka 1:32 - The Holy Bible In Alur (Lur) Revised Orthography

³² Ebibedo dwong’, man jubilwong’e Wod Ng’atu ma Malu Ngbir: man Rwoth Mungu bimio ire komker pa kwarumire Daudi.

Luka 1:32 ပူးပေါင်းရင်းမြစ်များ

2 Samwil 7:16

Man ot peri ku ker peri jubidwoke tek mi nja i weng’i: komker peri jubiketho cungo mi nja.

Zaburi 132:11

Yehova kwong’o ni Daudi ku lemandha; Ebidok cen ungo kud i kume: Abiketho kodhi mi kumi wi komker peri.

Zaburi 132:12

Tek nyithindho peri giworo lembariba para Ku lembatuca para m’abiponjo kogi, Nyithindho migi bende bijany wi komker peri mi nja.

Isaya 16:5

E jubiketho komker cungo i mer mi bero; e ng’atu moko bijany i wie i lemandha, i hema pa Daudi, m’ebepoko lembe, m’ebeyenyo lembapoka de, m’ebedo kud amora kum timo bedopwe.

Yeremia 17:25

e ju m’ubimo ku judongomawijo m’ujany wi komker pa Daudi, ma gibewotho i magali man wi riuni, gin, ku judongomawijo migi, ma dhanu mi Yuda, man ju m’ubedo i Yerusalem gibilund mondo ku dhugang’ mir adhura maeni; man adhura maeni bidong’ mi nja.

Yeremia 22:2

e iwac kumae, Winj lembe pa Yehova, E ubimo mi Yuda, m’ubedo wi komker pa Daudi, in, ku jutic peri, ku dhanu peri ma mondo ku dhugang’ maeni.

Daniel 2:44

Man i nindo mir ubimo maeno Mungu m’i polo biketho ker ma binyothre ngo rondo ku rondo, kadok camukerne de jubiweko ngo ni dhanu mi thek mange; ento ebituro nziki nziki man ebijigo ker maeni ceke, man ebicungo mi nja.

Matayo 1:1

Kitabu mi thekwaru pa Yesu Kristu, wod Daudi, wod Ibrahim.

Matayo 12:42

Ubimo ma dhaku ma yor ariwa ma yo piny bicungo i pokolembe karacelo ku dhanum’utuk maeni, man ebipoko lembe i wie rac: kum eai i tung’ ng’om kara ewinj rieko pa Suleman; man nen, ng’atu ma sagu Suleman ni keni.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Matayo 3:11

Amio iwu baputisi i pi mi lokocwiny: ento ng’atu m’ulubo ng’eya ebedo ku tego ma sagu an, ma wara pare aromo ngo ya ayei: ebimio baputisi iwu i Tipo Maleng’ i mac bende:

Marko 14:61

Ento ebedo ling’, eloko lembe moko ngo. Jalam ma dit upenje kendo, ewacu ire kumae, In i Kristu, Wod Jamugisa?

Marko 5:7

ekok ku dwande ma tek, ewacu kumae, Lembe mwa ang’o wakudi, Yesu, in i Wod Mungu ma Malu Ngbir. Aketho ikwong’o ba Mungu, kud imi ira ndiba.

Luka 1:15

Kum ebibedo dwong’ i wang’ Rwoth, man ebimadhu pigulok kadi giramadha ma mero jo de ngo; man Tipo Maleng’ birome, ugambre kud i min.

Luka 1:35

Malaika dwoko lembe ewacu ire kumae, Tipo Maleng’ bibino i wii, man tego pa Ng’atu ma Malu Ngbir tipone biumi: kum kumeno bende gin maleng’ m’ibinyolo jubilwong’o Wod Mungu.

Luka 1:76

Eyo in de, nyathin, jubilwong’i jabila pa Ng’atu ma Malu Ngbir: Kum ibicidho i nyim wang’ Rwoth niyiko yo pare;

Luka 3:16

Yohana loko lembe ewacu igi kumae, Amio baputisi iwu andha ku pi; ento ng’atu m’ubebino e tek ma sagu an, ma thondh wara pare aromo ngo ya agony: ebimio iwu baputisi ku Tipo Maleng’ ku mac:

Luka 6:35

Ento wumar judegiwu, wutimgi ber, wumi banja, kud wugen nia wang’e dwog iwu; man sukulia mu bibedo dit, wun de wubibedo wot Ng’atu ma Malu Ngbir: kum e ber ni ju m’umbe foyofoc ku judubo bende.

Yohana 12:34

Ka kumeno udul dhanu loko lembe ire kumae, Wawinjo i cik nia Kristu bedo rondo ku rondo: ka in iwacu nenedi kumae, Jubikoting’o Wod dhanu malu be? Wod dhanune en e ng’a?

Yohana 6:69

E wadaru yio wang’eyo de nia in i Ng’atu Maleng’ pa Mungu.

Tic Mi Jukwenda 16:17

Nyano kan ebelubo tokwa waku Paologi ekok akoka, ewacu kumae, Joni gi jumiru pa Mungu ma Malu Ngbir, ma giyero iwu yo mi both.

Tic Mi Jukwenda 2:30

Kum en e jabila, m’eng’eyo de nia Mungu ng’olo ire ku kwong’, nia kum kodhi mi kume ebiketho ng’atu acel wi komker pare:

Tic Mi Jukwenda 2:36

Dong’ juot pa Israel ceke ging’ei ma cwinygi kwio, nia Mungu ketho Yesu maeni ma wugure, ni Rwoth ku Kristu bende.

Tic Mi Jukwenda 7:48

Ento Ng’atu ma Malu Ngbir bedo i udi ma jugomo ku cing’ ungo; calu yang’ jabila wacu kumae,

Jurumi 1:4

m’enyuthre ku tego ya en e Wod Mungu, calku tipo mi leng’cwiny, ni kum cer ma kind ju m’utho; ndhu Yesu Kristu Rwoth mwa,

Lembanyutha 3:7

Man ni malaika mi kanisa ma i Filadelfia kieu kumae: Ng’atu m’e leng’, ng’atu ma en e andha, ng’atu ma kifungula pa Daudi ni i bang’e, ng’atu ma yabu man ng’atu moko mbe ma ciko, ma ciko de man ng’atu moko mbe ma yabu, uwacu gin maeni: