Luka 1:15 - The Holy Bible In Alur (Lur) Revised Orthography

¹⁵ Kum ebibedo dwong’ i wang’ Rwoth, man ebimadhu pigulok kadi giramadha ma mero jo de ngo; man Tipo Maleng’ birome, ugambre kud i min.

Luka 1:15 ပူးပေါင်းရင်းမြစ်များ

Thangambere 12:2

man abiketho ibedo thek ma dit, man abimio mugisa iri, man abiketho nyingi ubed dwong’; man ibed ni jamimugisa:

Thangambere 48:19

E won ukwero, man ewacu kumae, Ang’eyo, woda, ang’eyo; en bende ebidoko ni thek dhanu, man en bende ebibedo dwong’: ento umin ma nok bibedo dwong’ ma sage, man kodhine bidoko ni udul mi thek.

I Lemkei 17:8

man wabedo wakudi ka ceke ma tek icidho i ie, man athumo judegi peri ceke woko i weng’i; man abitimo iri nying’, calu nying’ mi ju ma dwong’ ma ni i ng’om.

I Lemkei 29:12

Lonyo ku yung uai i beng’i, man ibimo wi gin ceke; man i cingi tego man tek ginuti; man dwoko dit ni i cingi, man mio tego ni dhanu ceke.

Zaburi 22:9

Ento in i ng’atu m’uwodha kud i ic; Iketho ageno kinde m’ani kor ma.

Yeremia 1:5

Ma fodi ang’ini ngo i ic nwang’u ang’ei, man ma fodi k’iwok ngo kud i ic nwang’u adwoki leng’; akethi ni jabila ni thek.

Yeremia 35:6

Ento giwacu kumae, Wabimadhu pigulok ungo; kum Yonadab ma wod Rekab, ma wegwa, ng’olo iwa, ewacu kumae, Kud wumadh pigulok, kadok wun, kadi wotwu, mi nja:

Lembe Mi Julawi 10:9

Kud wumadh pigulok kadi giramadha ma lake tek, in, kadi woti wukugi, kinde ma wumondo i hema mi cokri, kara kud wutho: ebibedo ni cik mi nja cil kum dhanum’utuk mu ceke:

Zekaria 9:15

Yehova mir udul bikurogi; man gibicamu, gibinyono kidi mir atum de; e gibimadhu, man gibikok calu ni kum pigulok, man gibipong’ calu tabu, calu gund pemblam.

Luka 1:14

Man mutoro kud anyong’a binegi; dhanu dupa de anyong’a binegogi i munyuru pare.

Luka 7:28

Ayero iwu kumae, I kind ju ma mon unyolo, ng’atu moko mbe ma sagu Yohana: ento ng’atu ma en e nok i ker pa Mungu re e m’usage.

Luka 7:33

Kum Yohana ma Jabaputisi bino ku camu kwen ungo kadok ku madhu pigulok de ngo; wuwacu de kumae, E won pajogi.

Yohana 5:35

En e thala m’uliel m’urieny de; man wuyio ya anyong’a negwu mi nindo moko i der pare.

Tic Mi Jukwenda 2:4

E kagi ceke Tipo Maleng’ uromogi, man gimaku weco ku dhok ma nge nge, calu wec ma Tipo mio igi.

Jugalatia 1:15

Ento kan ebedo ber ni Mungu, m’ukoya, cil kud i ma, man elwong’a ku berone,

Juefeso 5:18

Man kud wumer ku pigulok, ma ie ju rop, ento dong’ Tipo re m’uromwu;

Yocuwa 3:7

Man Yehova wacu ni Yocuwa kumae, I ceng’ maeni abimaku yungi i wang’ Israel ceke, kara ging’ei nia, calu naka abedo ku Musa, abibedo kudi kumeca.

Yocuwa 4:14

I ceng’ maeca Yehova yungo Yocuwa i wang’ Israel ceke; e gilwore, calu gilworo Musa, i nindo ceke mi bedo pare.