Luka 1:13 - The Holy Bible In Alur (Lur) Revised Orthography

¹³ Ento malaika wacu ire kumae, Lworo kud unegi, Zakaria: kum kwac peri winjre, cegi Elisabeti binyolo iri nyathin ma nico, man ibilwong’o nyinge Yohana.

Luka 1:13 ပူးပေါင်းရင်းမြစ်များ

Thangambere 17:10

Maeni en e lembariba para, ma wubiworo, i kindwa wakudi man kodhini yo ng’eii: jubitimo yaa i kum co ceke m’i kindwu kubang’gi kubang’gi.

Thangambere 17:19

Man Mungu wacu kumae, Ungo, ento Sara ma dhaku peri binyolo iri nyathin ma nico: man ibilwong’o nyinge Isak: man abiketho lembariba para ma kude ucung ni lembariba mi nja ni kodhine yo ng’eye.

Thangambere 18:14

Gin moko nuti ma voyo Yehova? Abidwogo i beng’i i nindo ma jung’olo, i karunyoni ma cen, man Sara bibedo ku nyathin ma nico.

Thangambere 25:21

E Isak ukwayu Yehova pi dhaku pare, kum mugumba kwanye: e Yehova winje, man Rebeka ma cege gamu ie.

Zaburi 113:9

Eketho dhaku ma jamugumba ni jagwokot, Man ni meg nyithindho ma anyong’a nege. Wupak Yehova.

Zaburi 118:21

Abifoi; kum iloko ira lembe, Man idoko both para.

Isaya 8:3

E acidho ba dhaku ma jabila; e egamu ie, man enyolo nyathin ma nico. E Yehova lund uwacu ira ku! mae, Lwong’ nyinge Maher-calal-hac-baz.

Daniel 10:12

Elund ewacu ira kumae, Lworo kud unegi, Daniel; kum ugambre i ceng’ ma kwong’a m’iketho ie adundeni kara ing’ei, man kara ijwigri giri i wang’ Mungu peri, lembe peri winjre: man abino kum lembe peri.

Hoseya 1:4

Man Yehova wacu ire kumae, Lwong’ nyinge Yezrel; kum fodi nyanok, man abiculo rimb Yezrel kum ot pa Yehu, man abijigo ker mir Israel.

Hoseya 1:6

E egamu ie kendo, man enyolo nyathin ma nyaku. E Yehova wacu ire kumae, Lwong’ nyinge Lo-ruhama; kum kisa binega kendo ngo kum ot mir Israel, ma nia awek dubo migi woko ku yo moko.

Matayo 1:21

Man ebinyolo nyathin ma nico; e ibilwong’o nyinge Yesu; kum en e ng’atu ma bilaru dhanu pare kud i dubo migi.

Matayo 14:27

Ento aruca ruca Yesu weco i bang’gi, ewacu kumae, Cwinywu bed tek; meni an; lworo kud unegwu.

Matayo 28:5

Malaika loko lembe ewacu de ni mon kumae, Lworo kud unegwu: kum ang’eyo nia wuyenyo Yesu, ma jugure.

Marko 16:6

Man ewacu igi kumae, Iwu kud uwang’ lii; wuyenyo Yesu, ma Janazareti, ma jugure: ecer, embe keni: nen ka ma jukethe i ie!

Luka 1:14

Man mutoro kud anyong’a binegi; dhanu dupa de anyong’a binegogi i munyuru pare.

Luka 1:30

Malaika de wacu ire kumae, Lworo kud unegi, Mariamu: kum inwang’u bero ba Mungu.

Luka 2:21

Ka ceng’ abora romo mi timo yaa i kume, jucaku nyinge Yesu, calu malaika lwong’o ma fodi jukugamu icne ngo.

Tic Mi Jukwenda 10:31

man ewacu kumae, Kornelio, rwo peri winjre giramia peri de gibedo ni poi i wang’ Mungu.

Jupoklembe 6:23

E Yehova wacu ire kumae, Kwiocwiny ubed i beng’i; lworo kud unegi: ibitho ngo.

1 Samwil 2:21

Man Yehova liewo Hana, man egamu ie, e enyolo nyithindho ma co adek ku nyir ario. Man nyathin Samwil udongo i wang’ Yehova.