Lembrieko 15:3 - The Holy Bible In Alur (Lur) Revised Orthography

³ Wang’ Yehova ni i kaka ceke, M’eneno ko lem ma rac ku lem ma ber.

Lembrieko 15:3 ပူးပေါင်းရင်းမြစ်များ

2 Lemkei 16:9

Kum wang’ Yehova ringo kun ku kun i ng’om ngung’ ma mba mba, kara enyuthre gire tek ni ju ma adundegi bedo ndhu cu yor i bang’e. I maeni itimo kasegu; kum ugambre kawono ibibedo kud ali.

Kitabu Pa Yob 24:23

Mungu mio igi ya gibed museme, e giyom i wie; E wang’e bedo wi giratima migi.

Kitabu Pa Yob 28:24

Kum eneno dhu kajik mi ng’om, Man eneno the polo dho;

Kitabu Pa Yob 31:4

Eneno yo para ngo, Man ekwanu dakutielo para ceke ngo?

Zaburi 33:13

Yehova neno kud i polo; Eneno wot dhanu ceke;

Lembrieko 15:4

Leb ma yo en e yen mi kwo; Ento lem ma kite mbe ma i leb en e tur mi cwiny.

Lembrieko 5:21

Kum yo mi dhanu ni i wang’ Yehova; Man ie pido cu pi yo pare ceke.

Yeremia 16:17

Kum wang’a ni wi yo migi ceke; gibedo apana ni wang’a ngo, kadok kier migi de bedo apana ngo ni wang’a.

Yeremia 23:24

Ng’atu moko copo pondo i kapondo moko ma nia anene ngo? Yehova wacu. Apong’o polo ku ng’om ungo? Yehova wacu.

Yeremia 32:19

dit i porolembe, man tek i tic; ma weng’i bedo ayaba wi yo ceke mi wot dhanu, kara imi ni dhanu ceke kubang’gi kubang’gi ng’atuman calku yo pare, man calku nying’ giratima pare;

Zekaria 4:10

Kum ng’a ma cayu ceng’ mi gin ma noki? kum maeni abiro anyong’a binegogi, man gibineno jampor i cing’ Zerubabel; maeni wang’ Yehova, m’uringo kun ku kun kud i ng’om ngung’.

Juebrania 4:13

Man giracwia pa Mungu mbe ma kunyuthre ngo i wang’e: endre gin ceke gi muneru man gibedo ayaba ngbeng’ i wang’ ng’atu ma wabedo ku lembe wakugi.