Lembanyutha 9:7 - The Holy Bible In Alur (Lur) Revised Orthography

⁷ Man ayi bonyone va ayi riuni m’ubedo ayika mir ali; jamkermiwic ma calu mola ma kwar ni i wigi, wang’gi de calu wang’ dhanu.

Lembanyutha 9:7 ပူးပေါင်းရင်းမြစ်များ

Daniel 7:4

Ma kwong’ane calu umvor, man ebedo ku bomb acur: aneno maram bombe luny ko, man juting’e malu kud i ng’om, juketho ecungo wi tiende ario de calu dhanu; man maram jumio ko ire adunde dhanu.

Daniel 7:8

Ia pido pi tunge, man, nen, tunge mange ma nok uidho malu i kindgi, i wang’e tunge adek ma kwong’a jufudho kud ulaggi: man, nen, i tunge maeni wang’e nuti calu wang’ dhanu, man dhoge ubeyero gin ma dit.

Nahum 3:17

Judongomawijo peri gi calu bonyo, man jugorcik peri gi calu udul usene, m’ugonjo i arara i ceng’ mi koyo, ento ka ceng’ udongo giduny, man kakagi ng’eire ngo ka ma gibedo i ie.

Lembanyutha 6:2

E aneno, man nen, riuni ma tar, man ng’atu m’ubedo i wie umaku atum; man jumio ire jamkermiwic: man ewok woko m’ebeloyo, man niloyo.

Lembanyutha 9:3

Man bonyo core i ng’om ku kind yiro; man jumio igi tego, calu ith m’i ng’om ubedo ku tego.