Lembanyutha 9:4 - The Holy Bible In Alur (Lur) Revised Orthography

⁴ Man juwacu igi ya ku gitim lum m’i ng’om rac, kadok gin moko ma numu, kadok yen moko, ndhu wagi dhanu ma ayi Mungu mbe ternyimgi kendgi.

Lembanyutha 9:4 ပူးပေါင်းရင်းမြစ်များ

Kitabu Pa Yob 1:10

Itwodo arara i kume ngo, man kum ot pare, man kum gin ceke m’ebedo ko, i ng’ete gbur ungo? imio mugisa kum tic m’i cinge, e lim pare nyai i ng’om.

Kitabu Pa Yob 1:12

E Yehova wacu ni Jok kumae, Nen, gin ceke m’ebedo ko ni i cingi; ndhu i kume re ma kud iketh cingi. Kum kumeno Jok uwok woko kud i wang’ Yehova.

Kitabu Pa Yob 2:6

Man Yehova wacu ni Jok kumae, Nen, eni i cingi; ento gwok kwo pare.

Zaburi 76:10

Andha kwinyo mi dhanu bipeki: Man dong’ kwinyo m’udong’ ibitwiri ko:

Ai 12:23

Kum Yehova bikadhu kugoyo Jumisiri; man kan eneno rimo wi riu ma malu, man kum ng’et dhugola ario, Yehova bikadhu wi dhugolane, man ebiyio ngo nia janyoth umond i udi mu nigoyowu.

Ezekiel 9:4

Man Yehova wacu ire kumae, Kadh ku kind adhura, kud i kind Yerusalem, man iketh ayi wi ter nyim dhanu m’ugamu cwinygi man ma giywak kum ginmajudagu ceke m’utimbre i kinde.

Ezekiel 9:6

neg dhanu m’uti kot, jalawobi man nyaku ma sumba, ku nyithindho ma thindho man mon; ento kud wubin ceng’ni ng’atu moko ma ayi ni i kume: man wuthek kum kamaleng’ para. E gilund githeko kum dhanu m’uti ma ni i wang’ ode.

Matayo 24:24

Kum ju ma gi Kristu mi ndra gibiwok, man jubila mi ndra de, man gibinyutho giranyutha ma dit ku musana; kara giwing ko cil ju ma jugoyo wigi de, tek ecopre.

Juefeso 4:30

Man kud wunyai can i Tipo Maleng’ pa Mungu, ma juketho ayi i kumwu i ie cil i ceng mi war.

Lembanyutha 14:1

E aneno, man nen, Nyathi Rombo cungo wi got Sayuni, ku dhanu rubanga dak acel ku pier ang’wen wi ang’wen, ma nyinge, ku nying Won de, ugore ternyimgi.

Lembanyutha 6:6

Man awinjo calu dwal uwacu kumae i kind yedi ma kwo ang’wen, Mukero mi nganu mi denarius, man nganu ma tung’ mukero adek mi denarius; man mo ku pigulok re kud wudubi.

Lembanyutha 7:1

Yo ng’ei maeni aneno malaika ang’wen m’ucungo i gund ng’om ang’wen, ma gitwio yamu ang’wen mi ng’om, kara yamu moko kud ukot wi ng’om, kadi wi nam, kadi wi yath moko.

Lembanyutha 8:7

Man malaika ma kwong’ane kudho agwara, m’ulubo maeno pei ku mac, m’ujebre ku rimo, man jubologi wi ng’om: man theng ng’om mir adege wang’ pet, man mir adege mi yedhi de wang’ pet, man lum ceke ma numu wang’ pet.