Lembanyutha 9:21 - The Holy Bible In Alur (Lur) Revised Orthography

²¹ man giloko cwinygi de ngo kum nek migi kadok kum ajoga migi, kadok kum tarwang’ migi, kadok kum kwalukwo migi.

Lembanyutha 9:21 ပူးပေါင်းရင်းမြစ်များ

Isaya 47:12

Cung kawono kud ajoga peri, man kud udul lamu bila peri, m’imuli i ie ugambre i aradu peri; tek lembe bibedo miero iri, tek icopo dwoko dhanu tipo.

Isaya 47:9

ento gin ario maeni biwok i kumi i nindo ma nyathigi i ceng’ acel, nek mi nyithindho, man bedo dhaku ma cware tho; gibibino i wii i mukero migi ma pong’, i udul mi lamu bila peri, man i dit mir ajoga peri.

Isaya 57:3

Ento wucor ceng’ni keni, wu wot dhaku ma ajoga, wu kodhi ng’atu ma dubre swa ku won asara.

Daniel 11:33

Man ju ma riek i kind dhanu gibiponjo dhanu dupa; ento gibipodho ku palamularu man ku lebmac, ku ng’eca man kud ayeki, ceng’ dupa.

Malaki 3:5

E abibino ceng’ni wu i pokolembe; man abibedo mulembe ma pio kum weg ajoga, man kum weg dubriswa, man wi ju ma kwong’o kwong’ mi ndra, man kum ju ma vugo ng’atu ma julonyo ku sukulia, man kum ju ma vugo dhaku ma cware tho, ku kic de, man kum ju ma loko umondo kud unwang’ ng’ol pare, man gilwora ngo, Yehova mir udul uwacu.

Matayo 15:19

Kum pidoic ma rac ai ku i adunde, ku negonek, ku gier, ku tarwang’, ku kwo, ku cwayu ndra, ku cayucac:

2 Jukorinto 12:21

kara kinde m’abino kendo Mungu para kud ubin ujwiga i weng’wu man abin aywak kum dupa m’i kindgi ma gilar gidubo, ma gikuloko cwinygi ngo kum sasa man tarwang’ man awanya ma rac ma gitimo.

Jugalatia 5:20

ku rwo ni ayi gin m’acwia, kud ajoga ma jutimo, kud adegi, ku por, ku ngiri, ku kwinyo, kud ali, ku pokri, ku yic ma tung’ tung’,

Lembanyutha 13:13

Man etimo giranyutha ma dit, kara eketh cil mac uai i polo ulor i ng’om i wang’ dhanu.

Lembanyutha 13:15

Man jumio ire y a eyui lietho ire, cil ni ayi yedine, kara ayi yedine weci, kara dhanu ceke de ma girwo ngo ni ayi yedine juneggi.

Lembanyutha 13:7

Man jumio ire ya etim lwiny ku jumaleng’, eloi kogi de: man jumio ire ng’ol wi suru kubang’gi kubang’gi ku dhanu man dhok man thek.

Lembanyutha 14:8

Man mange, malaika mir arionde, m’ulubo ng’eye, ewacu kumae, Babeli ma dit, upodho, upodho m’eketho thek ceke gimadhu pigulok mi kwinyo mi tarwang’ pare.

Lembanyutha 16:6

kum githwogo rimb jumaleng’ ku mi jubila de, imio igi rimo gimadhi: eromo kugi de.

Lembanyutha 17:2

m’ubimo m’i ng’om gitimo kugi tarwang’, man ju m’ubedo wi ng’om jumerogi ku pigulok mi tarwang’ pare.

Lembanyutha 17:4

Man dhakune ronjre uluga man kwar ngbo, m’erukre de ku mola ma kwar ku kidi ma pire tek man kidi ma i upal, m’emaku kikombe mi mola ma kwar i cinge ma gin mir adegi pong’ i ie, cil gin m’ucido mi tarwang’ pare,

Lembanyutha 17:5

man nying’ ugoreternyimekumae, giramung’a babeli ma dit, meg weg asara man mi gin mir adegi m’i ng’om.

Lembanyutha 18:3

Kum ni kum pigulok mi kwinyo mi tarwang’ pare thek ceke gipodho; man ju m’ubimo m’i ng’om gitimo tarwang’ kude, man jukuloka m’i ng’om gidoko julonyo ni kum tego mi jambayunga pare.

Lembanyutha 19:2

kum poko lembe pare gin andha man pwe; kum epoko lembe pa dhaku ma won asara ma dit, en m’enyotho ng’om ku tarwang’ pare, man eculo wang’ rimb jumiru pare i cinge.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 22:15

Yo woko gwogi, man weg jogi, ku weg tarwang’, ku juneg nek, ku ju ma lamu ayi gin m’acwia, ku kwai dhanu ceke m’umaru ndra m’utimo de.

Lembanyutha 9:20

Man dong’ dhanu m’udong’, ma junego ngo ku masendi maeni, giloko cwinygi ngo kum tic mi cing’gi, ya ku girwo ba pajogi, kud ayi gin m’acwia mi mola ma kwar, ku mi mola ma tar, ku mi mola, ku mi kidi, ku mi yen: ma kucop neno piny ungo, kadok awinja de giwinjo ngo, kadok awotha de giwotho ngo: