Lembanyutha 9:17 - The Holy Bible In Alur (Lur) Revised Orthography

¹⁷ Man aneno riuni kumeno ku ginmawokiwang’, ku ju m’ubedo i wigi, ma gi weg asikor ma calu mi mac ku mi kidi ma col ku mi muganga: man wi riuni de calu wi umvor; man mac ku yiro ku muganga ubethwogre woko kud i dhoggi.

Lembanyutha 9:17 ပူးပေါင်းရင်းမြစ်များ

Thangambere 19:24

Yehova lund ukonjo mac ku muganga wi Sodom man wi Gomora kud i polo ku ba Yehova;

I Lemkei 12:8

Man kind Jugadi gipokri gigi ni Daudi ba ka ma tek i yamba, dhanu ma tek mi kero, dhanu ma juponjogi mir ali, ma copo uc ku ban ku tong’; ma wang’gi pami wang’ umvor, man giringo pio pami ruda wi gudi:

Zaburi 11:6

Ebikonjo uwic wi judubo; Mac ku muganga ku yamu ma lieth bibedo makapiny mi kikombe migi.

Isaya 30:33

Kum Kanyoth juyiko con; eyo, juyiko ni ubimo; etime thuth man lac; udhurune en e mac ku yen ma dit; yuyo pa Yehova, calu kulo mi muganga, ubecwinye.

Ezekiel 33:22

Nie cing’ Yehova bedo i kuma uthieno, ma fodi ng’atu m’uboth ku bino ngo; man eyabu dhoga, maram ebino ko i bang’a kugweno; e dhoga yabre, man abedo ajuba kendo ngo.

Daniel 8:2

Man aneno i ginmawokiwang’; nie ebedo kumeno, nia kan aneno, ani i Cucan ma odker, ma ni ng’etker Elam; man aneno i ginmawokiwang’, man ani dhu kulo Ulai.

Daniel 9:21

eyo, kinde m’abeweco i rwo, ng’atu ma Gabriel, m’aneno ku kwong’a i ginmawokiwang’, ma juketho eringo pio, emulo kuma calu nindo mi lam mir uthieno.

Lembanyutha 11:5

Man tek ng’atu moko yenyo etimgi rac, mac ai kud i dhoggi man ecamu jukwojgi; man tek ng’atu moko biyenyo etimgi rac, ebikonegre kumeno be.

Lembanyutha 14:10

en bende ebimadhu kum pigulok mi kwinyo pa Mungu, m’ubedo ayika m’ajeba ngo i kikombe mi ng’ecwiny pare; man jubimie ndiba ma ku mac man muganga i wang’ malaika maleng’, man i wang’ Nyathi Rombo:

Lembanyutha 19:20

E jumaku yedine, ku jabila mi ndra bende karacelo kude m’etimo giranyutha i wang’e, m’ebombo kudo ju m’ujolo kiedo pa yedi man ju m’urwo ni ayine de: gin ario jubologi ma kwo i nammac ma wang’ ku muganga:

Lembanyutha 20:10

Man wonabali m’ubombogi jubole i nammac ku muganga bende, ka ma yedi ku jabila mi ndra bende gini ie; man jubimio igi ndiba dieceng’ ku diewor rondo ku rondo.

Lembanyutha 21:20

mir abije, kidi ma foo; mir abusiende, kidi ma kwar ngbo; mir abirone, kidi ma ie nen ma rieny calu mola ma kwar; mir aboxane, kidi ma col calu nam; mir abung’wende, kidi ma ie nen ma calu lum; mir apaje, kidi m’uluga ma fraa; mir apar wi acende, kidi m’uluga ma furafura; mir apar wi arionde, kidi ma pilipili.

Lembanyutha 21:8

Ento ni julworo, ku ju ma gi juyic ungo, ku ju ma gi gin mir adegi, ku juneg nek, ku weg tarwang’, ku weg jogi, ku ju ma rwo ni ayi gin m’acwia, ku jundra ceke bende, maka migi bibedo i nam ma wang’ ku mac ku muganga bende; ma en e tho mir arionde.

Lembanyutha 9:18

Man ku masendi adek maeni junego theng dhanu mir adege, ku mac ku yiro man muganga, m’uthwogre woko kud i dhoggi.

Lembanyutha 9:9

Man gibedo kud asikor, ma calu asikor mi nyunyu; man badwand bombgi calu badwand magali, mi riuni dupa m’uberingo dhu lwiny.