Lembanyutha 8:8 - The Holy Bible In Alur (Lur) Revised Orthography

⁸ Man malaika mir arionde kudho agwara, e calu got ma dit ma mac ubewang’u jubolo i nam: man theng nam mir adege doko ni rimo;

Lembanyutha 8:8 ပူးပေါင်းရင်းမြစ်များ

Yeremia 51:25

Nen, an a jadhogi, E got ma nyotho, Yehova wacu, ma nyotho ng’om ngung’; e abirieyo cinga i kumi, man abing’ieli piny kud i cana, man abidwoki ni got ma wang’.

Ezekiel 14:9

Man tek jubombo jabilane man eyero lembe, an a Yehova, abombo jabila maeno, man abirieyo cinga i kume, man abinyothe kud i kind dhanu para Israel.

Amos 7:4

Rwoth Yehova nyutho kumeni ira: man, nen, Rwoth Yehova lwong’o pi piembri ma ku mac; e ewang’u pi ma dit, man eyenyo ewang’ ng’om kot.

Zekaria 13:8

Man ebitimbre, nia i ng’om ceke, Yehova wacu, ng’ete ario ma ni i ie bithumbre woko man bitho; ento mir adege bidong’ i ie.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Marko 11:23

Andha awacu iwu kumae, Ng’atu ma tek biwacu ni got maeni kumae, Mugri iboli i nam; ma adundene kubedo jiji ngo, ento ebiyio nia gin m’eyero timbre, e gica bibedo ire.

Lembanyutha 11:6

Joni gi weg tego ma giciko ko polo, kara koth kud ucwi cil i ceng’ mi lembila migi: man gi weg tego wi pi ma giloko kogi ni rimo, ma gigoyo ko ng’om de ku masendi kubang’gi nzu, ku ba nindo ceke ma giyenyo.

Lembanyutha 12:4

Man yibe telo theng cero mir adege m’i polo, man ebologi i ng’om: man ng’ec ucungo wang’ dhaku ma ceng’ni nyol, kara kinde m’enyol emwony nyathin pare.

Lembanyutha 8:7

Man malaika ma kwong’ane kudho agwara, m’ulubo maeno pei ku mac, m’ujebre ku rimo, man jubologi wi ng’om: man theng ng’om mir adege wang’ pet, man mir adege mi yedhi de wang’ pet, man lum ceke ma numu wang’ pet.

Lembanyutha 9:15

Man jugonyo malaika ang’wen, m’ubedo ayika mi saa ku ceng’ ku dwi man rundi, kara gineg theng dhanu mir adege.

Lembanyutha 9:18

Man ku masendi adek maeni junego theng dhanu mir adege, ku mac ku yiro man muganga, m’uthwogre woko kud i dhoggi.