Lembanyutha 8:7 - The Holy Bible In Alur (Lur) Revised Orthography

⁷ Man malaika ma kwong’ane kudho agwara, m’ulubo maeno pei ku mac, m’ujebre ku rimo, man jubologi wi ng’om: man theng ng’om mir adege wang’ pet, man mir adege mi yedhi de wang’ pet, man lum ceke ma numu wang’ pet.

Lembanyutha 8:7 ပူးပေါင်းရင်းမြစ်များ

Zaburi 105:32

Emio igi pei ka koth, Man mac m’uliel i ng’om migi.

Ai 9:33

E Musa ai woko kud i adhura ku ba Farao, man ethang’u cinge i wang’ Yehova: e morpolo ku pei jik, man koth ukonjre ngo wi ng’om.

Isaya 28:2

Nen, Rwoth ubedo ku ng’atu ma tek ma jarukara de; calu wavuvu mi pei, atido ma nyotho, calu wavuvu mi pi ma dit m’ucore, ebiredho piny i ng’om ku cing’.

Isaya 29:6

Jubihewe ku mor polo ni kum Yehova mir udul, man ku digidi, ku badwal ma dit, man kud atido, man wavuvu, ku lebmac mi mac ma wang’u.

Isaya 30:30

E Yehova biketho dwal pare mi dwong’ winjre, man ebinyutho loro piny mi bote, ku kwinyo mi ng’ecwiny pare, man lebmac mi mac ma wang’u, ku morpiny, man wavuvu, man kidi mi pei.

Isaya 32:19

Ento pei bicore wi luli m’urangre; e jubiredho adhura piny kot.

Ezekiel 38:22

Man abimondo i pokolembe kude ku thong’om man ku rimo; man abicoro koth i wie, man wi udul pare, man wi kodhidhanu dupa ma gini kude, koth m’ucore ma dit, ku pei ma dit, man mac, ku muganga.

Yoel 2:30

Man abinyutho musana i polo man i ng’om: rimo, ku mac, man vira mi yiro.

Yakobo 1:11

Kum ceng’ dongo ku yamu ma lieth, man enero lum: e thiubokone podho, man ke bero mi kite nyothre: kumeno bende jalonyo birwinyo woko i woth pare.

Yocuwa 10:11

Man etimbre, ka giringo kud i wang’ Israel, kinde ma gini i ka m’alora mi Beth-horon, nia Yehova bolo kidi ma dit piny kud i polo i wigi cil kum Azeka, e githo: ju m’utho ku kidi mi pei gi dit ma sagu ju ma nyithindho mir Israel unego ku palamularu.

1 Petro 1:24

Kum, Kum ceke calu lum, Dwong’ne ceke de calu thiu lum. Lum ner, man thiwe de oi:

Lembanyutha 12:4

Man yibe telo theng cero mir adege m’i polo, man ebologi i ng’om: man ng’ec ucungo wang’ dhaku ma ceng’ni nyol, kara kinde m’enyol emwony nyathin pare.

Lembanyutha 16:2

Man ma kwong’ane cidho, man ekonjo tabu pare i ng’om; man edoko ni vur ma rac ma remo dit wi dhanu ma weg kiedo pa yedi ma girwo ni ayine de.

Lembanyutha 16:21

Man pei ma dit, ku ba pei ceke pekne va lelo, uai i polo loro piny wi dhanu: man dhanu gicido Mungu kum masendi mi pei; kum masendine e dit apila.

Lembanyutha 6:8

E aneno, man nen, riuni ma foo: man ng’atu m’ubedo i wie, nyinge Tho; man Hadeya de lubo ng’eye. Man jumio igi ng’ol wi ng’et ng’om mir ang’wende, ya gineg ku palamularu, ku ndru de, man ku thong’om, man ku yedi ma kwiny m’i ng’om.

Lembanyutha 7:1

Yo ng’ei maeni aneno malaika ang’wen m’ucungo i gund ng’om ang’wen, ma gitwio yamu ang’wen mi ng’om, kara yamu moko kud ukot wi ng’om, kadi wi nam, kadi wi yath moko.

Lembanyutha 9:15

Man jugonyo malaika ang’wen, m’ubedo ayika mi saa ku ceng’ ku dwi man rundi, kara gineg theng dhanu mir adege.

Lembanyutha 9:18

Man ku masendi adek maeni junego theng dhanu mir adege, ku mac ku yiro man muganga, m’uthwogre woko kud i dhoggi.

Lembanyutha 9:4

Man juwacu igi ya ku gitim lum m’i ng’om rac, kadok gin moko ma numu, kadok yen moko, ndhu wagi dhanu ma ayi Mungu mbe ternyimgi kendgi.