Lembanyutha 8:5 - The Holy Bible In Alur (Lur) Revised Orthography

⁵ Man malaika ting’o tabu mir udok ma ng’wice ng’ar; man epong’e ku mac mi pemblam, man ebole wi ng’om: e m’ulubo maeno morpolo, ku dwal, man lukoth, ku digidi de.

Lembanyutha 8:5 ပူးပေါင်းရင်းမြစ်များ

1 Ubimo 19:11

Man ewacu kumae, Cidhi, icung wi got de i wang’ Yehova. Man, nen, Yehova kadhu, man yamu ma dit ma tek de ung’enyo gudi, e eng’enyo cana nziki nziki i wang’ Yehova; ento Yehova ni i yamune ngo: man yo ng’ei yamu digidi; ento Yehova ni i digidine ngo;

Zaburi 18:13

Yehova rundo bende kud i polo, Man Ng’atu ma Malu Ngbir uting’o dwande, Pei ku cukmac.

Ai 19:16

Man etimbre i ceng’ mir adege, nwang’u piny uru, nia morpolo nuti ku lukoth, man afuru ma yer yer wi got, ku dwal mir agwara ma tek apila: man dhanu ceke ma ni i kagonjo kumgi miel.

Isaya 29:6

Jubihewe ku mor polo ni kum Yehova mir udul, man ku digidi, ku badwal ma dit, man kud atido, man wavuvu, ku lebmac mi mac ma wang’u.

Isaya 30:30

E Yehova biketho dwal pare mi dwong’ winjre, man ebinyutho loro piny mi bote, ku kwinyo mi ng’ecwiny pare, man lebmac mi mac ma wang’u, ku morpiny, man wavuvu, man kidi mi pei.

Isaya 66:6

Dwal mi yakni kud i adhura, dwal kud i hekalu, dwand Yehova m’uculo kwor kum judegine.

Yeremia 51:11

Pak athero, mak ban ki: Yehova thubo cwiny ju m’ubimo mi Jumedi; kum lembakeca pare en e kum Babeli, kara unyothe: kum en e culokwor pa Yehova, culokwor mi hekalu pare.

Lembe Mi Julawi 16:12

E ebigamu tabu pong’ ku cukmac ku wi pemblam i wang’ Yehova, man cinge pong’ kud udok ma ng’wice ng’ar ma mit ma jufodo thindho thindho, man ebikele yo i kusikabongu:

Zekaria 14:5

Man wubiringo kud i poga mi got para; kum poga mi got bitundo kum Azel; eyo, wubiringo, calu wuringo kud i wang’ digidi i nindo pa Uzia m’ubimo mi Yuda; e Yehova Mungu para bibino, ku ju ma leng’ ceke gikugi.

Matayo 24:7

Kum thek bijai kum thek, ker de ni ker; ndru de bipodho ku digidi i ka ma nge nge.

Luka 12:49

Abino bolo mac wi ng’om; e ang’o m’ayenyo, tek edaru opo?

Tic Mi Jukwenda 16:26

e eni eni digidi ma dit uwok, ketho the odkol umaku yengre: e ndhu ndhu nica dhugola ceke yabre; e twic mi jukol de ceke gonjre.

Tic Mi Jukwenda 4:31

E ka gidaru rwo ka ma gicoko ie dhoggi karacelo yengre; e kagi ceke Tipo Maleng’ uromogi, man giyero lem pa Mungu ku tegocwiny.

Lembanyutha 11:13

Man i saa maeno digidi ma dit uyengre, man theng adhura mir apaje podho; man dhanu rubanga abiro tho ku digidine: e dong’ dhanu m’udong’ lworo makugi, man gimio dwong’ ni Mungu mi polo.

Lembanyutha 11:19

Man juyabu hekalu pa Mungu ma ni i polo; man juneno sanduk mi lembariba pare i hekalu pare; man m’ulubo maeno lukoth, man dwal, ku morpolo, man digidi, ku pei ma dit.

Lembanyutha 4:5

Man lukoth ku dwal ku morpolo giai ba komker. Man thala abiro mi mac ubeliel i wang’ komker, ma gi Tipo abiro pa Mungu;

Lembanyutha 6:12

Man aneno kan ealu ayi mir abusiende, e digidi ma dit uyengre; man ceng’ udoko col calu gonia mi yuk diel ma mujuga, man dwi ceke doko calu rimo;

Lembanyutha 8:3

Man malaika mange bino cungo nyim pemblam, m’ebedo ku tabu mi mola ma kwar mir udok ma ng’wice ng’ar; man jumio ire udok ma ng’wice ng’ar dupa, kara emede ku rwo mi jumaleng’ ceke wi pemblam mi mola ma kwar, ma ni i nyim komker.