Lembanyutha 8:11 - The Holy Bible In Alur (Lur) Revised Orthography

¹¹ man nying’ cerone julwong’o Yendadra: man theng pi mir adege doko ni yendadra; man dhanu dupa tho ku pige, kum judwokogi kec.

Lembanyutha 8:11 ပူးပေါင်းရင်းမြစ်များ

Ai 15:23

Man kinde ma giwok Mara, gicopo madhu pi mi Mara ngo, kum gi kec: ka kumeno gilwong’o nyinge Mara.

Lembrieko 5:4

Ento i kajikne e kec calu yendadra, E bith calu palamularu ma lake kun ku kun.

Yeremia 23:15

Ka kumeno Yehova mir udul uwacu kumae pi jubila: Nen, abikakugi ku yendadra, man abiketho gimadhu pigulecu; kum gin ma ayi Mungu mbe i kume ai ba jubila mi Yerusalem ucidho i ng’om ceke.

Yeremia 9:15

ka kumeno Yehova mir udul, Mungu mir Israel, uwacu kumae, Nen abikakugi, en e dhanu maeni, ku yendadra, man abimio igi pi mir ulecu gimadhi.

Ywak 3:19

Poi kum masendi para ku wundo para, adra kud ulecu.

Ywak 3:5

Egomo i kuma, man etieka kud ulecu man olo.

Amos 5:7

Wun ma wuloko pokolembe ni yendadra, man wubayu bedopwe i ng’om.

Amos 6:12

Riuni biringo wi cana? ng’atu moko bifuro kuca ku koni dhiang’i? ma nia wulok pokolembe ni ulecu, man nying’ bedopwe ni yendadra;

Zekaria 13:8

Man ebitimbre, nia i ng’om ceke, Yehova wacu, ng’ete ario ma ni i ie bithumbre woko man bitho; ento mir adege bidong’ i ie.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Poi Mi Cik 29:18

kara ng’atu moko kud ubed i kindwu, ng’atu ma nico, kadi dhaku, kadi juot, kadi suru, ma adundene lokre cen tin ku ba Yehova Mungu mwa, kara ecidh etim ni mungu mi thek maeno; kara ulag piny kud ubed i kindwu ma cego adra ku sengi;

Juebrania 12:15

ma wubed ko ku weng’wu kara ng’atu moko kud urem kum bero pa Mungu; kara ulag akece kud uwok m’unyai can i iwu, man uketh dupa gicid ni kume;

Lembanyutha 12:4

Man yibe telo theng cero mir adege m’i polo, man ebologi i ng’om: man ng’ec ucungo wang’ dhaku ma ceng’ni nyol, kara kinde m’enyol emwony nyathin pare.

Lembanyutha 8:7

Man malaika ma kwong’ane kudho agwara, m’ulubo maeno pei ku mac, m’ujebre ku rimo, man jubologi wi ng’om: man theng ng’om mir adege wang’ pet, man mir adege mi yedhi de wang’ pet, man lum ceke ma numu wang’ pet.

Lembanyutha 9:15

Man jugonyo malaika ang’wen, m’ubedo ayika mi saa ku ceng’ ku dwi man rundi, kara gineg theng dhanu mir adege.

Lembanyutha 9:18

Man ku masendi adek maeni junego theng dhanu mir adege, ku mac ku yiro man muganga, m’uthwogre woko kud i dhoggi.

Ruth 1:20

Man ewacu igi kumae, Kud wulwong’a Naomi, wulwong’a Mara; kum Ng’atu ma Jategokpo timo rac dit i bang’a.