Lembanyutha 7:3 - The Holy Bible In Alur (Lur) Revised Orthography

³ ewacu kumae, Kud wutim ng’om rac, kadok nam, kadi yedhi, ma fodi wakuketho ayi temyim jumiru pa Mungu mwa.

Lembanyutha 7:3 ပူးပေါင်းရင်းမြစ်များ

Ai 12:13

Man rimo bibedo iwu ni giranyutha wi udi ma wuni i ie: e kan aneno rimone, abikadhu kud i wiwu, man masendi moko mbe ma bibedo i wiwu ya unyothwu, kinde m’agoyo ng’om Misiri.

Ai 12:23

Kum Yehova bikadhu kugoyo Jumisiri; man kan eneno rimo wi riu ma malu, man kum ng’et dhugola ario, Yehova bikadhu wi dhugolane, man ebiyio ngo nia janyoth umond i udi mu nigoyowu.

Isaya 27:8

I mukero, kinde m’iorogi cen, wupiemo wukugi; ekabugi ku yamu pare ma tek i ceng’ mi yamu ma yo nyangu.

Isaya 54:17

Jambali moko mbe ma jucwio i kumi ma bibedo miero; man ibigonjo leb ceke kubang’e kubang’e ma biai i kumi i pokolembe. Maeni en e aba mi jutic pa Yehova, man bedopwe migi m’uai i bang’a, Yehova wacu.

Isaya 6:13

Man tek fodi apaje ni i ie, en bende jubiwang’e: calu yen ma nok, man calu bongu, ma dunde dong’, kinde ma juredhogi piny; e kumeca kodhi ma leng’ en e dunde.

Isaya 65:8

Yehova wacu kumae, Calu pigulok ma nyasa nwangre i withe, man ng’atu moko wacu kumae, Kud inyothe, kum mugisa ni i ie: abitimo kumeca kum jutic para, kara kud anyothgi ceke.

Ezekiel 9:4

Man Yehova wacu ire kumae, Kadh ku kind adhura, kud i kind Yerusalem, man iketh ayi wi ter nyim dhanu m’ugamu cwinygi man ma giywak kum ginmajudagu ceke m’utimbre i kinde.

Ezekiel 9:6

neg dhanu m’uti kot, jalawobi man nyaku ma sumba, ku nyithindho ma thindho man mon; ento kud wubin ceng’ni ng’atu moko ma ayi ni i kume: man wuthek kum kamaleng’ para. E gilund githeko kum dhanu m’uti ma ni i wang’ ode.

Daniel 3:17

Tek ebedo kumeni, Mungu mwa ma watimo ire ecopo bodhowa kud i majuka m’ubogre; man ebibodho wa kud i cingi, E ubimo.

Daniel 3:26

Nebukadnezar ulund ucoro ceng’ni dhu majuka m’ubogre: eyero man ewacu kumae, Cadrak, ku Mecak, man Abed-nego, wu jutic pa Mungu ma Malu Ngbir, wuwok woko, wubin kue. E Cadrak, ku Mecak, man Abed-nego gilund giwok woko kud i die mac.

Daniel 6:16

E ubimo lund ung’olo, man jukelo Daniel, e gibole i odumvor. Nie ubimo yero man ewacu ni Daniel kumae, Mungu peri m’itimo ire thiri thiri, ebibodhi.

Zefania 2:3

Wuyeny Yehova, wu ju ma mol ceke mi ng’om, ma wutimo lembapoka pare; wuyeny bedopwe, wuyeny molcwiny: kuno nyo jubipanuwu i ceng’ mi ng’ecwiny pa Yehova.

Malaki 3:18

Wubilund dwogo man wubing’io kind weg bedopwe ku judubo, man ju m’utimo ni Mungu ku ju m’utimo ire ngo.

Matayo 24:22

Man tek jukujwigo ceng’ maeno ngo, kuno di kum moko mbe m’ubin uboth: ento ni ju ma yang’ jugoyo nying’gi re ceng’ nino jubijwigo.

Matayo 24:31

Man ebioro malaika pare ku dwand agwara ma dit, e gibicoko ju ma jugoyo nying’gi karacelo kud i the yamu ang’wen, kud i tung polo kun ku kun de.

Yohana 12:26

Tek ng’atu moko timo ira, wek elub ng’eya; man ka m’ani ie, jatic para bende bibedo keca: tek ng’atu moko timo ira, Vwa biyunge.

Yohana 3:33

Ng’atu m’ujolo lembanyutha pare emwono ayine kum maeni nia Mungu en e andha.

Jurumi 6:22

Ento kawono ma dong’ jugonyowu ni dubo man wudoko jutic pa Mungu, e wubedo ku nyingwu ni dwokrileng’, man kajikne kwo ma rondo ku rondo.

Lembanyutha 13:16

Man eketho ceke, ma thindho ku ma dongo, man julonyo ku jucan, man paker ku jumiru, ya juthei kiedo i cing’gi ma yor acwic, kadi i ternyimgi;

Lembanyutha 13:17

man kara ng’atu moko bed umbe ma copo ng’iewo gin moko ire kadi ma loko gin moko, ndhu ng’atu ma kiedo ni i kume, en e nying’ yedine kadi wel mi nyinge.

Lembanyutha 14:1

E aneno, man nen, Nyathi Rombo cungo wi got Sayuni, ku dhanu rubanga dak acel ku pier ang’wen wi ang’wen, ma nyinge, ku nying Won de, ugore ternyimgi.

Lembanyutha 14:9

Man malaika mange, mir adege, ulubo ng’eigi, m’ewacu ku dwal ma dit kumae, Tek ng’atu moko rwo ni yedi kud ayine de, man ejolo kiedo ternyime kadi i cinge,

Lembanyutha 19:2

kum poko lembe pare gin andha man pwe; kum epoko lembe pa dhaku ma won asara ma dit, en m’enyotho ng’om ku tarwang’ pare, man eculo wang’ rimb jumiru pare i cinge.

Lembanyutha 20:4

Man aneno komker, ku ju m’ujany i wigi, man pokolembe mire igi: man aneno kwo mi ju ma juthumo wigi pi lembatuca pa Yesu, man pi lembe pa Mungu, man wagi ju ma girwo ngo ni yedi, kadok ni ayine, ma gijolo kiedo ngo ternyimgi kud i cing’gi de; man gibedo, gibimo de giku Kristugi rundi rubanga acel.

Lembanyutha 22:4

man gibineno wang’e; nyinge de bibedo ternyimgi.

Lembanyutha 6:6

Man awinjo calu dwal uwacu kumae i kind yedi ma kwo ang’wen, Mukero mi nganu mi denarius, man nganu ma tung’ mukero adek mi denarius; man mo ku pigulok re kud wudubi.

Lembanyutha 7:1

Yo ng’ei maeni aneno malaika ang’wen m’ucungo i gund ng’om ang’wen, ma gitwio yamu ang’wen mi ng’om, kara yamu moko kud ukot wi ng’om, kadi wi nam, kadi wi yath moko.

Lembanyutha 7:2

Man aneno malaika mange idho ku yo ku ma ceng’ wok i ie, m’ebedo kud ayi Mungu ma kwo: man ekok ku dwal ma dit ni malaika ang’wen ma jumio igi ya gitim ng’om ku nam de rac,

Lembanyutha 9:4

Man juwacu igi ya ku gitim lum m’i ng’om rac, kadok gin moko ma numu, kadok yen moko, ndhu wagi dhanu ma ayi Mungu mbe ternyimgi kendgi.