Lembanyutha 7:2 - The Holy Bible In Alur (Lur) Revised Orthography

² Man aneno malaika mange idho ku yo ku ma ceng’ wok i ie, m’ebedo kud ayi Mungu ma kwo: man ekok ku dwal ma dit ni malaika ang’wen ma jumio igi ya gitim ng’om ku nam de rac,

Lembanyutha 7:2 ပူးပေါင်းရင်းမြစ်များ

2 Ubimo 19:4

Kuno nyo Yehova Mungu peri biwinjo lembe ceke pa Rabcake, m’ubimo mir Ascur ma jadit pare oro kara ecai Mungu ma kwo, man ebijuko lembe ma Yehova Mungu peri winjo: kum kumeno ting’ rwo peri malu pi dong’ dhanu m’udong’.

Wer Pa Suleman 8:6

Ketha calu ayi piny wi adundeni, Calu ayi piny wi boti: Kum mer tek calu tho; Nyeko mbe ku kisa calu liel; Bieine calu lebmac, Lebmac pa Yehova.

Isaya 41:2

Ng’a m’uting’o ng’atu acel ku yo nyangu, m’elwong’o i bedopwe ba tiende? emio thek i wang’e, man eketho ebim wi ju m’ubimo; emiogi calu utur ni palamularu pare, calu soka m’ukoto ni atum pare.

Ezekiel 9:4

Man Yehova wacu ire kumae, Kadh ku kind adhura, kud i kind Yerusalem, man iketh ayi wi ter nyim dhanu m’ugamu cwinygi man ma giywak kum ginmajudagu ceke m’utimbre i kinde.

Malaki 3:1

Nen, aoro jakwenda para, man ebiyiko yo i wang’a: man Rwoth, ma wuyenyo, ebiwok mbwang’ i hekalu pare; man jakwenda mi lembariba, ma mutoro negowu i kume, nen, ebino, Yehova mir udul uwacu.

Malaki 4:2

Ento iwu wu ju ma lworo nyinga ceng’ mi bedopwe biwok ku keyokum i bombe; e wubiwok woko, man wubituko calu nyithi dhiang’ i dwol.

Matayo 16:16

E Simon Petro loko lembe ewacu kumae, In i Kristu, Wod Mungu ma kwo.

Matayo 26:63

Ento Yesu bedo pare ling’. Jalam ma dit de wacu ire kumae, Aketho ikwong’o ku Mungu ma kwo, ya iwac iwa tek in i Kristu, ma Wod Mungu.

Yohana 6:27

Kud wutim pi cam ma nyothre, endre pi cemo m’ubedo mi kwo ma rondo ku rondo ma Wod dhanu bimio iwu: kum Wego, ma Mungu, mwono ayi i kume.

2 Jukorinto 1:22

en bende m’eketho ayi i kumwa, man emio mukwatu mi Tipo i adundewa.

Juefeso 1:13

i ie wun bende, ma wudaru winjo lembe mi lemandha, ma en e lembanyong’a mi both ma juboth ko, i ie, nwang’u wudaru yio bende, juketho ayi i kumwu ni kum Tipo Maleng’ mi lembang’ola,

Juefeso 4:30

Man kud wunyai can i Tipo Maleng’ pa Mungu, ma juketho ayi i kumwu i ie cil i ceng mi war.

Poi Mi Cik 5:26

Kum ng’a mi kind jo ceke ma weg kum, m’uwinjo dwand Mungu ma kwo m’ubeweco kud i die mac, calu wan wawinjo, man gibedo kwo?

1 Jutesaloniki 1:9

Kum joni giyero piwa gigi pi mondo mwa m’i beng’wu maram ebedo ko; man ke maram wulokru ko ni Mungu ku kum ayi gin m’acwia, kara wutim ni Mungu ma kwo mandha de,

2 Timoteo 2:19

Ento ther ukungu lembe pa Mungu cungo ki, m’ebedo kud ayi mae, Rwoth ung’eyo ju ma gi jupare: man, dong’ dhanu ceke kubang’gi kubang’gi ma gilwong’o nying Rwoth giwek tic ma en e tic mi bedopwe ngo.

Juebrania 12:22

endre wun wubino ba got Sayuni, ni adhura de pa Mungu ma kwo, Yerusalem m’i polo, man ni udul malaika ma kwandre ngo,

Lembanyutha 1:3

Mugisa ni ng’atu m’usomo, man ni ju m’uwinjo lembila maeni man ni ju m’uworo gin m’ugore i ie de: kum nindone dhingo ceng’ni.

Lembanyutha 10:1

Man aneno malaika mange ma tek uloro kud i polo, m’eronjre kud afuru; man dhanyu ni i wie, wang’e de calu ceng’, man tiende va mbegi mi mac;

Lembanyutha 10:4

Man ka morpolo abiro weco ku dwandgi, ayenyo nik agor: man awinjo dwal uai i polo wacu kumae, Mwon ayi kum lembe ma morpolo abiro wacu, kud igorgi agora.

Lembanyutha 16:12

Man mir abusiende konjo tabu pare wi kulo ma dit, en e kulo Bufrate; e pige dwono kau, kara yo yikre ni ubimo m’uai yo nyangu.

Lembanyutha 5:2

Man aneno malaika ma tek m’ubeyero ku dwal ma dit kumae, Ng’a m’uromo m’eyabu ko kitabu, m’ealu ko ayine de?

Lembanyutha 8:3

Man malaika mange bino cungo nyim pemblam, m’ebedo ku tabu mi mola ma kwar mir udok ma ng’wice ng’ar; man jumio ire udok ma ng’wice ng’ar dupa, kara emede ku rwo mi jumaleng’ ceke wi pemblam mi mola ma kwar, ma ni i nyim komker.

Lembanyutha 9:14

acel uwacu ni malaika mir abusiende ma won agwara kumae, Gony malaika ang’wen m’ubedo atwia dhu kulo ma dit ma Eufrati.

Lembanyutha 9:4

Man juwacu igi ya ku gitim lum m’i ng’om rac, kadok gin moko ma numu, kadok yen moko, ndhu wagi dhanu ma ayi Mungu mbe ternyimgi kendgi.

1 Samwil 17:26

E Daudi yero ni dhanu m’ucungo i vute, ewacu kumae, Jubitimo ang’o ni ng’atu m’unego Jafilisti maeni, man ekabu cac woko ku wi Israeli? kum Jafilisti maeni ma jutimo yaa ngo i kume en e ng’a, ma nia ecayu njuru asikari pa Mungu ma kwo e?

1 Samwil 17:36

Jatic peri goyo umvor kud undiek de: man Jafilisti maeni ma jutimo yaa ngo i kume ebibedo calu kindgi acel, kum ecayu njuru asikari pa Mungu ma kwo.