Lembanyutha 7:16 - The Holy Bible In Alur (Lur) Revised Orthography

¹⁶ Kec binegogi kendo ngo, kadok rieupi de kendo ngo; kadok ceng’ de bigoyogi kendo ngo, kadi lietho moko:

Lembanyutha 7:16 ပူးပေါင်းရင်းမြစ်များ

Zaburi 121:5

Yehova en e jagwok peri: Yehova en e tipopiny peri yo ku cingi ma yor acwic.

Zaburi 121:6

Ceng’ bigoi ngo ku dieceng’, Kadi dwi de ku diewor.

Zaburi 143:6

Athang’u cinga iri: Rieu nego ng’eyong’ec para i kumi, calu ng’om m’uthwo. [Sela.

Zaburi 42:2

Rieu nego ng’eyong’ec para pi Mungu, pi Mungu ma kwo: Abibino awene m’anen ko wang’ Mungu?

Zaburi 63:1

E Mungu, in i Mungu para; abiyenyi ku cwinya ceke: Rieu ma piri nego ng’eyong’ec para, man avani nego ring’kuma, I ng’om m’uthwo mi olo, ka ma pi mbe i ie,

Wer Pa Suleman 1:6

Kud wunena, kum kuma bogre, Kum ceng’ uwang’a. Ng’ecwiny umaku wot ma i kuma; Gidwoka ni jakur podho mir ulok; Ento podho mir ulok para ma dhe agwoko ngo.

Isaya 25:4

Kum ibedo ka ma tek ni jucan, ka ma tek ni jucanpiny i can pare, kavogo ni wavuvu, tipopiny ni lietho, kinde ma atido mi ju mi ndiri bedo calu wavuvu kum gang’kidi.

Isaya 32:2

Man dhanu bibedo calu kapondo ni yamu, kapondo de ni wavuvu, calu kulo mi pi i ka m’uthwo, calu tipo mi cana ma dit i ng’om mi olo.

Isaya 41:17

Jucan man jucanpiny giyenyo pi, man pi mbe, e lebgi tal kum rieu; an, a Yehova, abiloko igi lembe, an, a Mungu mir Israel, abikunogi ngo.

Isaya 49:10

Kec kadi rieu de binegogi ngo; kadok lietho kadi ceng’ de bigoyogi ngo: kum ng’atu ma kisa nege i kumgi bitelo wigi, ebitelo wigi cil ba kulo mi pi.

Isaya 65:13

Ka kumeno Rwoth Yehova wacu kumae, Nen, jutic para bicamu, ento kec binego wu; nen, jutic para bimadhu, ento rieu binegowu; nen, anyong’a binego jutic para, ento jubinyayu lewic i wiwu;

Yona 4:8

Man etimbre, ka ceng’ udongo, nia Mungu yiko yamu ma lieth ma yo nyangu; e ceng’ uwang’u wi Yona, ketho evoc, man ekwayu pire gire nia etho, e ewacu kumae, E ber ira tek atho sagu bedo kwo.

Matayo 13:21

ento ebedo kud ulage i ie gire ngo, ento ebedo nyangba; man ka masendi kadi ragedo wok kum lembe, e aruca ruca ekier.

Matayo 13:6

e ka ceng’ uwok, giwang’; man kum ulaggi mbe, giner woko.

Matayo 5:6

Mugisa ni ju ma kec ku rieu de benegogi kum bedopwe: kum gibiyeng’.

Marko 4:17

e gibedo umbe ulaggi i igi gigi, ento gibedo nyangba; macen, ka masendi kadi ragedo wok kum lembe, e eni eni gikier.

Marko 4:6

man ka ceng’ uidho, erewe; kum ulage mbe, ener woko.

Luka 1:53

Eyeng’o ju ma kec unegogi ku gin ma ber; Man eketho julonyo gidok mananu.

Luka 6:21

Mugisa iwu wu ju ma kec unegowu kawono: kum wubiyeng’. Mugisa iwu wu ju m’uywak kawono: kum wubing’iero.

Yohana 4:14

ento ng’atu ma tek umadhu pi m’amio ire rieu binege kendo ki ngo; ento pi m’abimio ire bidoko ni kulo ma dhenyni i ie ni kwo ma rondo ku rondo.

Yakobo 1:11

Kum ceng’ dongo ku yamu ma lieth, man enero lum: e thiubokone podho, man ke bero mi kite nyothre: kumeno bende jalonyo birwinyo woko i woth pare.

Lembanyutha 21:4

man ebiyweyo piwang’ pet kud i wang’gi; man tho bibedo nuti i kendo ngo; kadok can, kadi ywak, kadok remokum de bibedo nuti kendo ngo: gin i ma kwong’a daru kadhu.