Lembanyutha 7:13 - The Holy Bible In Alur (Lur) Revised Orthography

¹³ Man ng’atu acel ma kind judongo loko lembe, ewacu ira kumae, Maeni ma gironyo kendi ma tar ma lot e, gi ng’agi, man giai kani?

Lembanyutha 7:13 ပူးပေါင်းရင်းမြစ်များ

Thangambere 16:8

Man ewacu kumae, Hagar, ma bong’ pa Sarai, iai kani? man icidho kani? Man ewacu kumae, Aberingo kud i wang’ Sarai ma mege fwa.

Daniel 7:16

Acoro ceng’ni ng’atu acel m’i kind ju m’ucungo ceng’ni, man apenje pi lemandha mi maeni ceke. Ka kumeno eyero ira, man eketho ang’eyo thelembe mi ginduni.

Yohana 7:28

E ka Yesu kok akoka i hekalu, m’ebeponjo ewacu de kumae, Wung’eya, wung’eyo de ka m’aai i ie; abino de gira ngo, ento ng’atu m’uora en e andha, ma wung’eyo ngo.

Tic Mi Jukwenda 3:12

Man ka Petro neno maeni, edwoko lembe ni dhanu kumae, Wu dhanu pa Israel, iwu wang’ lii kum ng’atuni nedi? kadi wutono weng’wu i kumwa nedi, calu ya waketho ewotho wan ku tego mwa giwa kadi ni kum bedo mwa ma ayi Mungu ni i kume?

Lembanyutha 3:4

Ento nyathi nyingi moko nuti i beng’i i Sardi m’ucido kendi migi ngo: man wabiwotho wakugi ku kendi ma tar; kum giromo.

Lembanyutha 4:10

judongo pier ario wi ang’wen bipodho piny i wang’ ng’atu m’ujany wi komker, man gibirwo ire m’ebedo kwo rondo ku rondo, man gibibolo jamkermiwic migi wang’ komker, ma giwacu ko kumae,

Lembanyutha 4:4

E komker pier ario wi ang’wen udhoko komkerne gbur; man aneno judongo pier ario wi ang’wen ujany wi komkerne, gironyo kendi ma tar; man jamkermiwic mi mola ma kwar ni i wigi.

Lembanyutha 5:11

E aneno, man awinjo dwal mi malaika dupa m’utieko komker gbur man yedi ma kwo ku judongo; man welgi rubanga apar bang’ rubanga apar, man rubanga rubanga swa;

Lembanyutha 5:5

man ng’atu acel ma kind judongo wacu ira kumae, Kud iywaki: nen, Umvor ma en e mi suru pa Yuda, Ulag Daudi, eloyo m’eyabu ko kitabune kud ayine abiro de.

Lembanyutha 7:9

Yo ng’ei gin maeni aneno, man nen, udul dhanu ma dit, ma ng’atu moko mbe ma copo kwanu, m’uai kud i thek ceke kubang’gi nzu man kud i suru ceke man kodhidhanu ku dhok, gicungo wang’ komker man i wang’ Nyathi Rombo, ma gironyo kendi ma tar ma lot, ku ndhendhe i cing’gi;

Jupoklembe 13:6

Dhakune lund ubino eyero ni cware, ewacu kumae, Dhanu pa Mungu bino i bang’a, man wang’e bedo va wang’ malaika pa Mungu, m’ung’oi ndiri; man apenje ngo pi ka m’eai i ie, kadok nyinge de eyero ira ngo: