Lembanyutha 7:10 - The Holy Bible In Alur (Lur) Revised Orthography

¹⁰ man gikok ku dwandgi ma dit, giwacu kumae, Both ubed ni Mungu mwa m’ujany wi komker, man ni Nyathi Rombo.

Lembanyutha 7:10 ပူးပေါင်းရင်းမြစ်များ

Zaburi 115:1

Iwa ngo, E Yehova, iwa ngo, Ento mi dwong’ ni nyingi, Kum mer mi bero peri, man kum lemandha peri.

Zaburi 3:8

Both en e pa Yehova: Mugisa peri bedwi dhanu peri. [Sela.

Zaburi 37:39

Ento both mi weg bedopwe ai ba Yehova: En e ka ma tek migi i nindo mi can.

Isaya 43:11

An, ndhu an, an a Yehova; man jalar moko mbe m’umeda.

Isaya 45:15

Andha in i Mungu m’ipondo giri, E Mungu mir Israel ma Jalar.

Isaya 45:21

Wuyer, man wuwodhe woko; eyo, wek gipor lembe karacelo: ng’a m’unyutho maeni ugambre i nindo ma coni? ng’a m’uyero maeni ugambre coni? an ungo, Yehova? man Mungu mange mbe m’umeda, Mungu ma pwe man Jalar; ng’atu moko mbe m’umeda.

Yeremia 3:23

Andha kony ma jukio bang’ ungulu gudi en e mananu, udul kwa kwa ma wi gudi: andha both mir Israel en e ni kum Yehova Mungu mwa.

Hoseya 13:4

Ento an a Yehova Mungu peri ugambre kud i ng’om Misiri; man kud ing’ei mungu moko ndhu an, man jalar moko mbe m’umedo an.

Yona 2:9

Ento abimio lam iri ku dwal mi foyofoc; Man abiculo maeno m’ang’olo. Both en e pa Yehova.

Zekaria 4:7

In i ng’a, E got ma diti? i wang’ Zerubabel ibidoko ni poga: man ebiwodho kidi ma malu woko ku kok ire mi Bero, bero.

Zekaria 9:9

Anyong’a negi dit, E nya Sayuni; koki, E nya Yerusalem: nen, ubimo peri bino i beng’i; en e pwe, man e won both; e mol, man eberingo ku wi kana, en e wi kana ma nyathi kana.

Luka 3:6

Man kum ceke de bineno both pa Mungu.

Yohana 1:29

Urwone eneno Yesu bebino i bang’e, man ewacu kumae, Nen, Nyathi Rombo pa Mungu, ma kabu dubo m’i ng’om woko!

Yohana 1:36

man eneno Yesu kan ewotho, ewacu kumae, Nen, Nyathi Rombo pa Mungu!

Yohana 4:22

Wurwo ni gin ma wung’eyo ngo: wan re warwo ni gin ma wang’eyo; kum both uai ba Juyahudi.

Juefeso 2:8

kum wuboth ku bero ni kum yioyic; man maeno ai i beng’wu giwu ngo, en e giramia pa Mungu;

Lembanyutha 12:10

Man awinjo dwal ma dit i polo, m’uwacu kumae, Kawono both uwok, man tego man ker pa Mungu mwa, ku ng’ol pa Kristu pare: kum jubolo jagob utumegwa piny, en m’egobogi i wang’ Mungu mwa dieceng’ ku diewor.

Lembanyutha 19:1

Yo ng’ei gin maeni awinjo dwal calu en e dwal ma dit mir udul dhanu ma dit i polo, m’uwacu kumae, Haleluya; Both, man dwong’, ku tego, gi pa Mungu mwa:

Lembanyutha 21:5

Man ng’atu m’ubedo wi komker uwacu kumae, Nen, adwoko gin ceke nyen. Man ewacu kumae, Kieu: kum lembe maeni gi mandha gin andha de.

Lembanyutha 22:3

Man kwong’o kwong’ bidong’ bedo umbe kendo: man komker pa Mungu ku pa Nyathi Rombo bibedo i ie: jumiru pare de gibitimo ire;

Lembanyutha 4:6

man gin moko ni i wang’ komker, ma calu nam mi kieu ma nen va kidi ma ie pelele; man i kind komkerne, kud i ng’et komkerne de, yedi ma kwo ang’wen ma wang’gi romo kumgi ceke yor i wang’gi ku yor i ng’eigi bende.

Lembanyutha 5:7

Man ebino, eting’e kud i cing’ ma yor acwic pa ng’atu m’ujany wi komker ca.