Lembanyutha 7:1 - The Holy Bible In Alur (Lur) Revised Orthography

¹ Yo ng’ei maeni aneno malaika ang’wen m’ucungo i gund ng’om ang’wen, ma gitwio yamu ang’wen mi ng’om, kara yamu moko kud ukot wi ng’om, kadi wi nam, kadi wi yath moko.

Lembanyutha 7:1 ပူးပေါင်းရင်းမြစ်များ

Isaya 11:12

Man ebiting’o abera ni thek, e ebicoko ju ma juriemo mir Israel, man ebicoko ju ma julalugi mi Yuda kud i tung’ ng’om ang’wen.

Isaya 27:3

An a Yehova an a jagwokne; abikwoyc? pi i wie ku ba kind nindo: abigwoke diewor ku dieceng’, kara gin moko kud utime rac.

Isaya 27:8

I mukero, kinde m’iorogi cen, wupiemo wukugi; ekabugi ku yamu pare ma tek i ceng’ mi yamu ma yo nyangu.

Yeremia 49:36

Man abikelo yamu ang’wen wi Elam kud i gund polo ang’wen, man abilalugi yo ba yamu maeno ceke; man thek moko bibedo umbe ma ju ma juriemo kubitundo i ie ngo.

Ezekiel 37:9

Elund ewacu ira kumae, Cu lembe ni yamu, cu lembe, wod dhanu, man iwac ni yamu kumae, Rwoth Yehova wacu kumae: E yuyo, ai ku ba yamu ang’wen, man iyui wi ju ma junego maeni, kara gibed kwo.

Ezekiel 7:2

Man in, wod dhanu, Rwoth Yehova wacu kumae ni ng’om mir Israel, Kajik, kajik uwok wi gund ng’om ang’wen.

Daniel 11:4

E kan ebicungo, ker pare bitur, man ebipokre yo ba yamu ang’wen m’i polo, ento ni nyikwaye ngo, kadi calku bimobim pare m’ecamu ko ker de ngo; kum jubimugo ker pare, cil pi jumange m’umedo maeni.

Daniel 7:2

Daniel uyero man ewacu kumae, Aneno i gin m’uwok i wang’a ku diewor, man, nen, yamu ang’wen mi polo ukoto wi nam ma dit.

Daniel 8:8

E nyog dielne yungre gire apila: man kan edoko tek, tunge ma dit utur; man tunge ang’wen ma pigi tek utwi kakagi yo ba the yamu ang’wen mi polo.

Yona 1:4

Ento Yehova oro yamu ma dit wi nam, e wavuvu ma dit utuk i nam, ketho combo beyenyo ng’eny.

Zekaria 6:1

Man ang’ayu wang’a malu kendo, man aneno, man, nen, magali ang’wen ai kind gudi ario; man gudine gi gudi mi mola.

Zekaria 6:5

E malaika loko lembe man ewacu ira kumae, Maeni yamu ang’wen m’i polo, m’ucidho woko kud i cungo m’ecungo ko i wang’ Rwoth mi ng’om ngung’.

Matayo 24:31

Man ebioro malaika pare ku dwand agwara ma dit, e gibicoko ju ma jugoyo nying’gi karacelo kud i the yamu ang’wen, kud i tung polo kun ku kun de.

Marko 13:27

Man i nindo maeno ebioro malaika, man ebicoko jupare ma jugoyo nying’gi karacelo ku yo the yamu ang’wen, kud i tung’ ng’om ku tung’ polo de.

Lembanyutha 20:8

man ebiwok woko nibombo thek ma gini i gund ng’om ang’wen, Gog ku Magog, nicokogi karacelo mi lwiny: welgi va kwio ma dhu nam.

Lembanyutha 6:6

Man awinjo calu dwal uwacu kumae i kind yedi ma kwo ang’wen, Mukero mi nganu mi denarius, man nganu ma tung’ mukero adek mi denarius; man mo ku pigulok re kud wudubi.

Lembanyutha 7:3

ewacu kumae, Kud wutim ng’om rac, kadok nam, kadi yedhi, ma fodi wakuketho ayi temyim jumiru pa Mungu mwa.

Lembanyutha 8:7

Man malaika ma kwong’ane kudho agwara, m’ulubo maeno pei ku mac, m’ujebre ku rimo, man jubologi wi ng’om: man theng ng’om mir adege wang’ pet, man mir adege mi yedhi de wang’ pet, man lum ceke ma numu wang’ pet.

Lembanyutha 9:14

acel uwacu ni malaika mir abusiende ma won agwara kumae, Gony malaika ang’wen m’ubedo atwia dhu kulo ma dit ma Eufrati.

Lembanyutha 9:4

Man juwacu igi ya ku gitim lum m’i ng’om rac, kadok gin moko ma numu, kadok yen moko, ndhu wagi dhanu ma ayi Mungu mbe ternyimgi kendgi.