Lembanyutha 6:14 - The Holy Bible In Alur (Lur) Revised Orthography

¹⁴ Man polo kabre woko calu waraga m’ubedo adola; man gudi ku cula kubang’gi nzu ukabre ku kakagi.

Lembanyutha 6:14 ပူးပေါင်းရင်းမြစ်များ

Zaburi 102:26

Gibithum, ento ibibedo; Eyo, kagi ceke gibiti calu kendi; Ibilokogi calu kanzu, e gibilokri;

Isaya 34:4

Man udul ceke m’i polo biloi, e polo bidole calu mukeka; man udul migi ceke birwinyo woko, calu ith yendulok ner, man calu ith yendubolo ner.

Isaya 54:10

Kum gudi copo ai, man jucopo kabu ungulu gudi; ento mer mi bero para biai kud i beng’i ngo, kadok lembariba para mi kwiocwiny de jubikabu ngo, Yehova ma kisa nege i kumi wacu.

Yeremia 3:23

Andha kony ma jukio bang’ ungulu gudi en e mananu, udul kwa kwa ma wi gudi: andha both mir Israel en e ni kum Yehova Mungu mwa.

Yeremia 51:25

Nen, an a jadhogi, E got ma nyotho, Yehova wacu, ma nyotho ng’om ngung’; e abirieyo cinga i kumi, man abing’ieli piny kud i cana, man abidwoki ni got ma wang’.

Ezekiel 38:20

ketho nia rec m’i nam, ku winyo ma kor polo, man yedi m’i thim, ku gin ceke ma lak wi ng’om, ku dhanu ceke ma gini wi wang’ ng’om, kumgi bimiel yor i wang’a, man jubiredho gudi piny, ka ma lung’ de bipodho, man gang’kidi ceke kubang’e kubang’e bipodho i ng’om.

Nahum 1:5

Gudi yengre i wang’e, man ungulu gudi loi; man ng’om tingre malu i wang’e, eyo, ng’om ngung’, ku gin ceke m’ubedo i ie.

Habakuk 3:10

Gudi gineni, e lworo negogi; Wavuvu mi pi kadhu; Nam uwodho dwande, Man eting’o cinge malu.

Habakuk 3:6

Ecungo, man eporo ng’om; Eneno, man elalu thek; Man gudi mi nja kethre mba; Ungulu gudi ma nja gigung’; Woth pare gi calu ma con.

2 Petro 3:10

Ento ceng’ pa Rwoth bibino calu jakwo; ceng’ nica polo bikadhu woko ku bamor ma dit, man giki m’i ie de biloi ni lietho mac ma wanga wanga, ng’om de ku tic ma ni ie biwang’ pet.

Lembanyutha 16:20

Man ku ba cula ceke giringo woko, man gudi de nwangre kendo ngo.

Lembanyutha 20:11

Man aneno komker ma tar m’ulwar, ku ng’atu m’ujany i wie de, man ng’om ku polo de giringo wang’e; man kakagi nwangre ngo igi.

Lembanyutha 21:1

Man aneno polo ma nyen ku ng’om de ma nyen: kum polo ma kwong’a ku ng’om de ma kwong’a gikadhu woko; man nam umbe kendo.