Lembanyutha 6:10 - The Holy Bible In Alur (Lur) Revised Orthography

¹⁰ man gikok ku dwandgi ma dit, giwacu kumae, Rokani, E Rwoth, m’i leng’ andha de, ipoko lembe man iculo wang’ rimbwa wi ju m’ubedo wi ng’om ungo?

Lembanyutha 6:10 ပူးပေါင်းရင်းမြစ်များ

Thangambere 4:10

Man ewacu kumae, Itimo ang’o? ba rimb umeru ywak i bang’a kud i ng’om.

Zaburi 119:84

Nindo pa jatic peri adi? Ibitimo lembapoka awene kum ju m’usenda?

Zaburi 13:1

Rokani, E Yehova? wii biwil pira mi nja? Ibipanu weng’i ira rokani?

Zaburi 35:17

Rwoth, ibineno bang’e rokani? Bodh ng’eyong’ec para ni nyoth migi, Kwo para ma pire tek ni umvor.

Zaburi 79:10

Nedi thek giwacu kumae, Mungu migi ni kani? Wek kwoj rimo mi jutic peri m’ucwir Ung’eire i kind thek i wang’wa.

Zaburi 9:12

Kum ng’atu m’uculo rimo epoi pigi; Wie wil ungo kum ywak mi jucan.

Isaya 61:2

kara ayer pi rundi mi bero pa Yehova, man ceng’ mi culokwor pa Mungu mwa; kara ajuk dhanu ceke m’uywak;

Ywak 3:64

Ibiculo kwor i kumgi, E Yehova, calku tic m’i cing’gi.

Daniel 12:6

Man ng’atu acel uwacu ni ng’atu m’uronyo bongu ma nwang’, ma ni wi pi mi kulo kumae, Kajik mi musana maeni bibedo rokani?

Daniel 8:13

Alund awinjo ng’atu acel ma leng’ ubeweco; man ng’atu ma leng’ acel mange wacu ni ng’atu maeno m’uweco kumae, Ginmawokiwang’ pi lam m’awang’a ma thiri thiri, ku kier ma timo nyoth, bibedo rokani, ma jumio ko kamaleng’ kud udul ya junyon the tielo?

Zekaria 1:12

Malaika pa Yehova lund uloko lembe man ewacu kumae, E Yehova mir udul, nindo bibedo rokani ma kisa binegi ie ngo kum Yerusalem kud adhura mi Yuda, ma ng’ecwiny unegi i kume rundi pier abiro?

Luka 2:29

Rwoth, kawono iyio jamiru peri cidh, Calku lembe peri, i kwiocwiny;

Luka 21:22

Kum maeni ceng’ culokwor, kara gin ceke m’ugore timbre kakare.

Jurumi 12:19

Jumer, kud wucul kwor mi kumwu giwu, ento wuwek kaka ni kwinyo pa Mungu: kum egore kumae, Culo kwor en e para; abiculo an, Rwoth uwacu.

Juebrania 12:24

man ni Yesu ma jarib mi lembariba ma nyen, man ni rimo ma akira ma yero ber ma sagu pa Habil.

2 Petro 2:1

Ento jubila mi ndra bende wok i kind dhanu, calu i kindwu bende juponji mi ndra bibedo nuti, ma gibikelo ponji mi ndra mi nyoth nyalwe, ma gikwero ko cil Rwoth m’ung’iewogi, ma gikelo ko nyoth pio i wigi gigi.

Lembanyutha 11:18

Man kwinyo nego thek man kwinyo peri wok, ku nindo ma jupoko ie lembe mi ju m’utho, man nindo ma jumio ie sukulia ni jumiru peri ma jubila, man ni jumaleng’, man ni ju m’ulworo nyingi, ju ma thindho ku ju ma dongo; man ninyotho ju m’unyotho ng’om.

Lembanyutha 18:20

Anyong’a negwu i kume, in i polo, ku wun wu jumaleng’, man wu jukwenda, ku wu jubila; kum Mungu poko lembe mu i wie.

Lembanyutha 18:24

Man i ie junwang’u rimo mi jubila man mi jumaleng’, man mi ceke ma junego wi ng’om.

Lembanyutha 19:2

kum poko lembe pare gin andha man pwe; kum epoko lembe pa dhaku ma won asara ma dit, en m’enyotho ng’om ku tarwang’ pare, man eculo wang’ rimb jumiru pare i cinge.

Lembanyutha 3:10

Kum igwoko lembe mi twiocwiny para, an bende abigwoki ni saa mir abidhe, saa maeno ma bibino wi ng’om ngung’, nimulo i ju m’ubedo wi ng’om.

Lembanyutha 3:7

Man ni malaika mi kanisa ma i Filadelfia kieu kumae: Ng’atu m’e leng’, ng’atu ma en e andha, ng’atu ma kifungula pa Daudi ni i bang’e, ng’atu ma yabu man ng’atu moko mbe ma ciko, ma ciko de man ng’atu moko mbe ma yabu, uwacu gin maeni:

Jupoklembe 16:28

Man Samson ulwong’o Yehova, man ewacu kumae, E Rwoth Yehova, poi pira, akwei, man imi ira tego akwei, wang’ acel maeni kende, E Mungu, kara acul kwor kum Jufilisti pi wang’a ario.

1 Samwil 24:12

Yehova pok lembe i kindwa wakudi, man Yehova cul kwoja i kumi; ento cinga bibedo i kumi ngo.