Lembanyutha 5:8 - The Holy Bible In Alur (Lur) Revised Orthography

⁸ Man kan edaru ting’o kitabune, e yedi ma kwo ang’wen ku judongo pier ario wi ang’wende gipodho piny wang’ Nyathi Rombo, ma adungu ni kubang’gi nzu, ku tabu mi mola ma kwar ma gin ma ng’wice ng’ar upong’ i ie, ma en e rwo mi jumaleng’.

Lembanyutha 5:8 ပူးပေါင်းရင်းမြစ်များ

Zaburi 141:2

Wek rwo para idh i weng’i calu udok ma ng’wice ng’ar: Ting’ocing’ para de calu lam mir uthieno,

Zaburi 150:3

Wupake ku badwal mir agwara: Wupake ku nanga man adungu.

Zaburi 33:2

Wufoi Yehova kud adungu: Wuwer pak ire ku nanga ma thondhe apar.

Zaburi 43:4

Abilund cidho ba pemblam pa Mungu, Ba Mungu ma mutoro para ma dit; Man abipeki kud adungu, E Mungu, Munguna.

Zaburi 81:2

Wuting’ wer, man wukel umbukulumbu, Adungu ma ber ku nanga.

Kitabu Mir Ang’wende Pa Musa Wel 7:62

man upal acel mi mola ma kwar mi cekel apar, pong’ kud udok ma ng’wice ng’ar;

Yohana 1:29

Urwone eneno Yesu bebino i bang’e, man ewacu kumae, Nen, Nyathi Rombo pa Mungu, ma kabu dubo m’i ng’om woko!

Yohana 5:23

kara dhanu ceke giyung Wod cil calu giyungo Wego. Ng’atu m’uyungo Wod ungo eyungo Wego m’uore de ngo.

Juebrania 1:6

Man kan ekelo kayu kendo i ng’om ewacu kumae, E dong’ malaika pa Mungu ceke girwo ire.

Lembanyutha 13:8

Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko.

Lembanyutha 15:2

Man aneno gin ma calu nam mi kieu m’ujebre ku mac: ku ju m’uloyo kum lembe mi yedi, man kum ayi pare, man kum wel nyinge, gicungo dhu nam mi kieu, man gi weg adungu pa Mungu.

Lembanyutha 15:7

Man ng’atu acel ma kind yedi ang’wen ma kwo umio ni malaika abiro tabu abiro mi mola ma kwar ma kwinyo pa Mungu pong’ i igi, en m’e kwo rondo ku rondo.

Lembanyutha 19:4

Man judongo pier ario wi ang’wen ku yedi ma kwo ang’wen girum man girwo ni Mungu m’ubedo wi komker, giwacu kumae, Amen; Haleluya.

Lembanyutha 4:10

judongo pier ario wi ang’wen bipodho piny i wang’ ng’atu m’ujany wi komker, man gibirwo ire m’ebedo kwo rondo ku rondo, man gibibolo jamkermiwic migi wang’ komker, ma giwacu ko kumae,

Lembanyutha 4:4

E komker pier ario wi ang’wen udhoko komkerne gbur; man aneno judongo pier ario wi ang’wen ujany wi komkerne, gironyo kendi ma tar; man jamkermiwic mi mola ma kwar ni i wigi.

Lembanyutha 4:6

man gin moko ni i wang’ komker, ma calu nam mi kieu ma nen va kidi ma ie pelele; man i kind komkerne, kud i ng’et komkerne de, yedi ma kwo ang’wen ma wang’gi romo kumgi ceke yor i wang’gi ku yor i ng’eigi bende.

Lembanyutha 4:8

E yedi ang’wen ma kwone, ma bombgi abusiel abusiel kubang’gi nzu, wang’gi romo kumgi ceke ku yor i ie de: man kayom umbe igi dieceng’ ku diewor, ma giwacu ko kumae, Leng’, leng’, leng’, Rwoth Mungu, ma Jategokpo, ma yang’ enuti man enuti m’ebibino de.

Lembanyutha 5:11

E aneno, man awinjo dwal mi malaika dupa m’utieko komker gbur man yedi ma kwo ku judongo; man welgi rubanga apar bang’ rubanga apar, man rubanga rubanga swa;

Lembanyutha 5:12

ma giwacu kumae, ku dwal ma dit, Eromo ku Nyathi Rombo ma juthume ya egam tego, ku lonyo, man rieko, man tek, man yung, ku dwong’, man mugisa.

Lembanyutha 5:14

E yedi ma kwo ang’wen giwacu, Amen. Man judongo gipodho piny man girwo.

Lembanyutha 5:6

Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.

Lembanyutha 6:1

Man aneno ka Nyathi Rombo alu ayi acel mir abirone, e awinjo acel m’i kind yedi ma kwo ang’wen m’uwacu kumae, calku dwal mi morpolo, Bin inen.