Lembanyutha 5:13 - The Holy Bible In Alur (Lur) Revised Orthography

¹³ Man giracwia pa Mungu nzu kubang’gi ma ni i polo, ku ma wi ng’om, ku ma the ng’om, ku ma wi nam, ku gin ceke ma ni i igi bende, awinjo gibewacu kumae, Mugisa, ku yung, ku dwong’, man kero, ubed ni ng’atu m’ujany wi komker, man ni Nyathi Rombo, rondo ku rondo.

Lembanyutha 5:13 ပူးပေါင်းရင်းမြစ်များ

I Lemkei 29:11

E Yehova, dit, man tego, man yung, man aloci, ku dwong’ en e peri: kum gin ceke ma ni i polo ku ma ni i ng’om en e peri; ker en e peri, E Yehova, man judodi calu wie wi gin ceke.

Isaya 24:14

Joni biting’o dwandgi malu, gibikok; kum dwong’ pa Yehova gikok ma tek kud i nam.

Isaya 42:10

Wuwer wer ma nyen ni Yehova, man pak pare ugambre i tung’ ng’om; wun ma wuloro piny ba nam, ku gin ceke ma ni i ie, cula, ku ju m’ubedo i ie de.

Matayo 6:13

Kud iterwa i abidhe, ento ilarwa ni ng’atu ma rac.

Luka 2:14

Dwong’ ni Mungu ma malu ngbir, Kwiocwiny de wi ng’om kind dhanu ma mutoro nege i kumgi.

Yohana 1:29

Urwone eneno Yesu bebino i bang’e, man ewacu kumae, Nen, Nyathi Rombo pa Mungu, ma kabu dubo m’i ng’om woko!

Jurumi 11:36

Kum gin ceke ai i bang’e, man ni kume, man ire. Dwong’ ma rondo ku rondo ubed ire. Amen.

Jurumi 16:27

ni Mungu ma riek e kende, ni kum Yesu Kristu, dwong’ ma rondo ku rondo ubed ire. Amen.

Jurumi 9:5

ma kwaru en e migi, ma Kristu bende ai i bang’gi calku kum, ma ceke eni i wie, Mungu ma won mugisa ma nja. Amen.

Juefeso 3:21

dong’ dwong’ ma i kanisa ku ma i Kristu Yesu ubed ire cil ku dhanum’utuk ceke rondo ku rondo de. Amen.

Jufilipi 2:10

kara i nying’ Yesu cong ceke rum, m’i polo ku m’i ng’om ku ma the ng’om,

Jukolosai 1:23

tek ebedo kumeno ya wubed i yioyic, ma ulegwu nyang’ ucungo tek de, ma wukucoro cen ungo kum genogen mi lembanyong’a ma juboth ko ma wuwinjo, ma juyero i giracwia pa Mungu ceke the polo; ma an a Paolo judwpka ni jatije.

1 Timoteo 4:16

Dong’ ibed ku weng’i i kumi giri, man kum ponji peri. Bed asu i gin maeni; kum tek itimo kumeni ibibodhri giri ku dhanu m’ubeduwinji bende.

1 Petro 4:11

tek ng’atu moko yero, eyer calu en e wec pa Mungu; tek ng’atu moko timo, etim calu mi tego ma Mungu mio: kara juyung Mungu i gin ceke ni kum Yesu Kristu, ma dwong’ ku kero ubedo pare rondo ku rondo. Amen.

1 Petro 5:11

Kero bed ire rondo ku rondo. Amen.

Yuda 1:25

ni Mungu m’e kende ma Jalar mwa, ni kum Yesu Kristu ma Rwoth mwa, ire yung, ku dwong’, ku kero man tego, m’ugambre por con, kawono de, man cil rondo ku rondo. Amen.

Lembanyutha 1:6

man eketho wabed ni ker, julam ni Mungu pare man Won; dwong’ ku kero bed ire rondo ku rondo. Amen.

Lembanyutha 13:8

Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko.

Lembanyutha 5:1

Man aneno kitabu, ma jugoro ie ku yor i ng’eye de, m’emwondre ki kud ayi abiro, i cing’ ng’atu m’ujany wi komker ca ma yor acwic.

Lembanyutha 5:12

ma giwacu kumae, ku dwal ma dit, Eromo ku Nyathi Rombo ma juthume ya egam tego, ku lonyo, man rieko, man tek, man yung, ku dwong’, man mugisa.

Lembanyutha 5:3

Man ng’atu moko mbe i polo, kadi wi ng’om de, kadi the ng’om, ma copo yabu kitabune, kadi wie anena de.

Lembanyutha 5:6

Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.

Lembanyutha 5:9

Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,

Lembanyutha 6:16

man giwacu ni gudi man ni cana kumae, Podh i wiwa, umwa de kud i wang’ ng’atu m’ubedo wi komker man ni kwinyo pa Nyathi Rombo: