Lembanyutha 5:12 - The Holy Bible In Alur (Lur) Revised Orthography

¹² ma giwacu kumae, ku dwal ma dit, Eromo ku Nyathi Rombo ma juthume ya egam tego, ku lonyo, man rieko, man tek, man yung, ku dwong’, man mugisa.

Lembanyutha 5:12 ပူးပေါင်းရင်းမြစ်များ

Zekaria 13:7

Ceu, E palamularu, kum jakwac para, man kum ng’atu ma wada, Yehova mir udul uwacu: wugoi jakwac, e rombe bilal; e abiloko cinga wi ju ma thindho.

Matayo 28:18

Man Yesu bino i bang’gi eweco i bang’gi, ewacu kumae, Ng’ol ceke mire ira m’i polo ku m’i ng’om bende.

Yohana 1:29

Urwone eneno Yesu bebino i bang’e, man ewacu kumae, Nen, Nyathi Rombo pa Mungu, ma kabu dubo m’i ng’om woko!

Yohana 17:2

cil calu imio ire ng’ol wi kum nzu, kara emi kwo ma rondo ku rondo ni ceke m’imio ire.

2 Jukorinto 8:9

Kum wung’eyo bero pa Rwoth mwa Yesu Kristu, nia kadok elony, ento edoko jacan piwu, kara wun wulony ni kum can pare.

1 Timoteo 1:17

Nie dong’ yung ku dwong’ bende ubed ni Ubimo rondo ku rondo, m’etho ngo, m’enen ungo, m’e Mungu e kende, rondo ku rondo. Amen.

Lembanyutha 1:6

man eketho wabed ni ker, julam ni Mungu pare man Won; dwong’ ku kero bed ire rondo ku rondo. Amen.

Lembanyutha 13:8

Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko.

Lembanyutha 15:3

Man giwero wer pa Musa ma jamiru pa Mungu, ku wer pa Nyathi Rombo, giwacu kumae, Tic peri gi dwong’ ma wang’u ijo de, E Rwoth Mungu, ma Jategokpo; yo peri bedopwe man andha de, in Ubimo mi nja.

Lembanyutha 19:1

Yo ng’ei gin maeni awinjo dwal calu en e dwal ma dit mir udul dhanu ma dit i polo, m’uwacu kumae, Haleluya; Both, man dwong’, ku tego, gi pa Mungu mwa:

Lembanyutha 4:11

Eromo kudi, Rwoth mwa man Mungu mwa, ya igam dwong’ man yung ku tego: kum icwio gin ceke, man gibedo nuti ni kum yeny m’iyenyo, gicwiri de.

Lembanyutha 5:13

Man giracwia pa Mungu nzu kubang’gi ma ni i polo, ku ma wi ng’om, ku ma the ng’om, ku ma wi nam, ku gin ceke ma ni i igi bende, awinjo gibewacu kumae, Mugisa, ku yung, ku dwong’, man kero, ubed ni ng’atu m’ujany wi komker, man ni Nyathi Rombo, rondo ku rondo.

Lembanyutha 5:6

Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.

Lembanyutha 5:8

Man kan edaru ting’o kitabune, e yedi ma kwo ang’wen ku judongo pier ario wi ang’wende gipodho piny wang’ Nyathi Rombo, ma adungu ni kubang’gi nzu, ku tabu mi mola ma kwar ma gin ma ng’wice ng’ar upong’ i ie, ma en e rwo mi jumaleng’.

Lembanyutha 5:9

Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,

Lembanyutha 6:1

Man aneno ka Nyathi Rombo alu ayi acel mir abirone, e awinjo acel m’i kind yedi ma kwo ang’wen m’uwacu kumae, calku dwal mi morpolo, Bin inen.

Lembanyutha 7:12

giwacu kumae, Amen: Mugisa, ku dwong’, ku rieko, man foyofoc, ku yung, man tego, ku tek, ubed ni Mungu mwa rondo ku rondo. Amen.