Lembanyutha 5:1 - The Holy Bible In Alur (Lur) Revised Orthography

¹ Man aneno kitabu, ma jugoro ie ku yor i ng’eye de, m’emwondre ki kud ayi abiro, i cing’ ng’atu m’ujany wi komker ca ma yor acwic.

Lembanyutha 5:1 ပူးပေါင်းရင်းမြစ်များ

Isaya 29:11

Man ginmawokiwang’ ceke doko iwu calu kitabu ma jumwono kud ayi, ma dhanu mio ni ng’atu m’ung’eyo lembagora, giwacu kumae, Akwei, som maeni; man ewacu kumae, Acopo ngo, kum jumwono ayi i kume:

Isaya 34:16

Wuyeny ku i kitabu pa Yehova, e wusom: acel de mbe i kind maeni ma bibedo mbe, ma vonge moko mbe ma bibedo ku ma wode ngo; kum dhoga, eng’olo, man Tipo pare, ecokogi.

Isaya 8:16

Twi lembatuca, mwon ayi kum cik kind julubna.

Daniel 8:26

Man ginmawokiwang’ mir uthieno ku kugweno ma juyero en e andha: ento cik ginmawokiwang’; kum en e mi ceng’ dupa ma bibino.

Zekaria 5:1

Alund ating’o wang’a malu kendo, man aneno, man, nen, kitabu m’adola m’uberingo.

Lembanyutha 10:2

man emaku nyathi kitabu m’ubedo ayaba i cinge: man eketho tiende ma yor acwic wi nam, ma yor acam ke wi ng’om;

Lembanyutha 4:3

man ng’atu m’ujany enen va kidi ma tar m’urieny ku kidi ma kwar ngbo, danyu de nuti m’udhoko komker gbur, enen va kidi ma kite va lum.

Lembanyutha 4:9

Man ka yedi ma kwo bimio dwong’ ku yung ku foyofoc ni ng’atu m’ujany wi komker, ni ng’atu m’ubedo kwo rondo ku rondo,

Lembanyutha 5:13

Man giracwia pa Mungu nzu kubang’gi ma ni i polo, ku ma wi ng’om, ku ma the ng’om, ku ma wi nam, ku gin ceke ma ni i igi bende, awinjo gibewacu kumae, Mugisa, ku yung, ku dwong’, man kero, ubed ni ng’atu m’ujany wi komker, man ni Nyathi Rombo, rondo ku rondo.

Lembanyutha 5:7

Man ebino, eting’e kud i cing’ ma yor acwic pa ng’atu m’ujany wi komker ca.

Lembanyutha 6:1

Man aneno ka Nyathi Rombo alu ayi acel mir abirone, e awinjo acel m’i kind yedi ma kwo ang’wen m’uwacu kumae, calku dwal mi morpolo, Bin inen.

Lembanyutha 6:16

man giwacu ni gudi man ni cana kumae, Podh i wiwa, umwa de kud i wang’ ng’atu m’ubedo wi komker man ni kwinyo pa Nyathi Rombo:

Lembanyutha 8:1

Man kan ealu ayi mir abirone, piny uling’ ti i polo i kinde mi ng’et saa acel.