Lembanyutha 4:8 - The Holy Bible In Alur (Lur) Revised Orthography

⁸ E yedi ang’wen ma kwone, ma bombgi abusiel abusiel kubang’gi nzu, wang’gi romo kumgi ceke ku yor i ie de: man kayom umbe igi dieceng’ ku diewor, ma giwacu ko kumae, Leng’, leng’, leng’, Rwoth Mungu, ma Jategokpo, ma yang’ enuti man enuti m’ebibino de.

Lembanyutha 4:8 ပူးပေါင်းရင်းမြစ်များ

Thangambere 17:1

Man kinde ma rundi pa Abram a pier abung’wen wi abung’wen, Yehova nyuthre ni Abram, man ewacu ire kumae, An a Mungu ma Jategokpo; woth i wang’a, man ibed ndhu cu.

Zaburi 91:1

Ng’atu m’ubedo i kapondo pa Ng’atu ma Malu Ngbir Bibedo i tipopiny pa ng’atu ma Jategokpo.

Ai 15:11

Ng’a ma calu in i kind mungu, E Yehova? Ng’a ma calu in, ma dwong’ i leng’ne, Ma janyai ndiri i pak, m’ibetimo musana?

Ai 3:14

E Mungu wacu ni Musa kumae, ANUTI KUM ANUTI: man ewacu kumae, Ibiwacu kumeni ni nyithindho mir Israel, ANUTI ora i beng’wu.

Isaya 13:6

Wugoi nduru; kum ceng’ pa Yehova ni ceng’ni; ebibino calu nyoth m’uai ba Jategokpo.

Isaya 62:1

Abiling’ ungo ni kum Sayuni, man abiyom ungo ni kum Yerusalem, ma fodi bedopwe pare ku dhenjre woko ngo calu der, man both pare calu thala m’uliel.

Ezekiel 1:18

Usau mir ukobre migi gi boco man mi lworo; man gin ang’wen usau mir ukobre migi pong’ ku wang’ gbur.

Ezekiel 1:5

Man avi gin ma kwo ang’wen uwok Jcud i kinde. Man maeni en e nen migi: Gibedo kud ayi dhanu;

Ezekiel 1:6

man kubang’gi kubang’gi wang’gi ang’wen ang’wen, man kubang’gi kubang’gi bombgi ang’wen ang’wen.

Ezekiel 10:12

Man kumgi dho, ku ng’eigi, ku cing’gi, ku bombgi, man ukobrene, upong’ ku wang’e gbur, en e ukobre ma gin ang’wen ubedo ko.

Yoel 1:15

Aka cenge! kum ceng’ pa Yehova ni ceng’ni, man calu nyoth ma ai ba Jategokpo ebibino.

Tic Mi Jukwenda 20:31

Kum kumeno wukuru, wupoi ya calu nindo mi rundi adek aweko juko dhanu ngo kubang’gi kubang’gi diewor ku dieceng’ ku piwang’.

2 Jukorinto 6:18

Man abibedo iwu ni Wego, Man wubibedo ira ni wota ku nyiga, Rwoth ma Jategokpo wacu.

1 Jutesaloniki 2:9

Kum wupoi, umego, pi tic ma wamula ko ku sendri: ma wabewatimo diewor ku dieceng’, kara ku wanur kindwu moko, wayero iwu lembanyong’a ma juboth ko pa Mungu.

1 Timoteo 4:16

Dong’ ibed ku weng’i i kumi giri, man kum ponji peri. Bed asu i gin maeni; kum tek itimo kumeni ibibodhri giri ku dhanu m’ubeduwinji bende.

2 Timoteo 4:2

yer lembe; tim tije i nindo ma juketho, kud i nindo ma juketho ngo bende; twiny twiny, juk juk, thok thok de, ku mwonyo lembe ceke ma jumwonyo hai man ku ponji de.

Juebrania 13:8

Yesu Kristu bedo calacel nyaworo ku tinuni, man rondo ku rondo de.

Lembanyutha 1:4

Yohana ni kanisa abiro ma tic i Asia: Bero iwu man kwiocwiny, m’uai ba ng’atu ma tic ma yang’ de etie m’ebibino de: m’uai de ba Tipo abiro ma gini nyim komker pare;

Lembanyutha 1:8

An a Alfa kud Omega, Rwoth Mungu wacu, ng’atu ma tic ma yang’ de etie m’ebibino bende, m’e Jategokpo.

Lembanyutha 11:17

giwacu kumae, Wafoi, E Rwoth Mungu, ma Jategokpo, m’inuti man yang’ inuti; kum igamu tego peri ma dit, man ibimo bim.

Lembanyutha 14:11

man yiro mi ndiba migi idho malu rondo ku rondo; man yom umbe igi dieceng’ ku diewor, gi ju m’urwo ni yedi kud ayine de, ku ju m’ujolo kiedo mi nyinge.

Lembanyutha 14:3

man giwero calu en e wer ma nyen i wang’ komker, man i wang’ yedi ang’wen ma kwo ku judongo: man ng’atu moko mbe ma copo ng’eyo weje ndhu dhanu rubanga dak acel ku pier ang’wen wi ang’wen, ma gi ju ma jung’iewogi kud i ng’om.

Lembanyutha 15:3

Man giwero wer pa Musa ma jamiru pa Mungu, ku wer pa Nyathi Rombo, giwacu kumae, Tic peri gi dwong’ ma wang’u ijo de, E Rwoth Mungu, ma Jategokpo; yo peri bedopwe man andha de, in Ubimo mi nja.

Lembanyutha 15:7

Man ng’atu acel ma kind yedi ang’wen ma kwo umio ni malaika abiro tabu abiro mi mola ma kwar ma kwinyo pa Mungu pong’ i igi, en m’e kwo rondo ku rondo.

Lembanyutha 16:14

kum gi tipo pajogi, ma gibetimo giranyutha; ma gicidho woko bang’ ubimo m’i ng’om ngung’, nicokogi karacelo ni lwiny mi ceng’ ma dwong’ pa Mungu, ma Jategokpo.

Lembanyutha 16:7

Man awinjo pemblam uwacu kumae, Eyo, E Rwoth Mungu, ma Jategokpo, lembapoka peri en e andha pwe de.

Lembanyutha 19:15

Man palamularu ma bith uwok kud i dhoge, kara egoi kudo thek: man ebibimogi kud uluth mi nyunyu: man ebinyono pany mi lak kwinyo pa Mungu, ma Jategokpo.

Lembanyutha 19:4

Man judongo pier ario wi ang’wen ku yedi ma kwo ang’wen girum man girwo ni Mungu m’ubedo wi komker, giwacu kumae, Amen; Haleluya.

Lembanyutha 21:22

Man aneno hekalu i ie ngo: kum Rwoth Mungu ma Jategokpo, ku Nyathi Rombo de, gi hekalune.

Lembanyutha 3:7

Man ni malaika mi kanisa ma i Filadelfia kieu kumae: Ng’atu m’e leng’, ng’atu ma en e andha, ng’atu ma kifungula pa Daudi ni i bang’e, ng’atu ma yabu man ng’atu moko mbe ma ciko, ma ciko de man ng’atu moko mbe ma yabu, uwacu gin maeni:

Lembanyutha 4:4

E komker pier ario wi ang’wen udhoko komkerne gbur; man aneno judongo pier ario wi ang’wen ujany wi komkerne, gironyo kendi ma tar; man jamkermiwic mi mola ma kwar ni i wigi.

Lembanyutha 4:6

man gin moko ni i wang’ komker, ma calu nam mi kieu ma nen va kidi ma ie pelele; man i kind komkerne, kud i ng’et komkerne de, yedi ma kwo ang’wen ma wang’gi romo kumgi ceke yor i wang’gi ku yor i ng’eigi bende.

Lembanyutha 4:9

Man ka yedi ma kwo bimio dwong’ ku yung ku foyofoc ni ng’atu m’ujany wi komker, ni ng’atu m’ubedo kwo rondo ku rondo,

Lembanyutha 5:6

Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.

Lembanyutha 6:1

Man aneno ka Nyathi Rombo alu ayi acel mir abirone, e awinjo acel m’i kind yedi ma kwo ang’wen m’uwacu kumae, calku dwal mi morpolo, Bin inen.

Lembanyutha 6:6

Man awinjo calu dwal uwacu kumae i kind yedi ma kwo ang’wen, Mukero mi nganu mi denarius, man nganu ma tung’ mukero adek mi denarius; man mo ku pigulok re kud wudubi.

Lembanyutha 7:11

Man malaika ceke gicungo gitieko komker gbur, ku judongo man yedi ma kwo ang’wen man gipodho arieba wang’gi nyim komker, man girwo ni Mungu,

Lembanyutha 7:15

Ka kumeno gini i wang’ komker pa Mungu; man gitimo ire dieceng’ ku diewor i hekalu pare: man ng’atu m’ujany wi komker biguro hema pare i wigi.