Lembanyutha 4:4 - The Holy Bible In Alur (Lur) Revised Orthography

⁴ E komker pier ario wi ang’wen udhoko komkerne gbur; man aneno judongo pier ario wi ang’wen ujany wi komkerne, gironyo kendi ma tar; man jamkermiwic mi mola ma kwar ni i wigi.

Lembanyutha 4:4 ပူးပေါင်းရင်းမြစ်များ

Ester 8:15

E Mordekai ai ku vut ubimo m’ekendo kendi mi ker m’ulweku man ma tar, man ku jamkermiwic ma dit mi mola ma kwar, man ku kanzu mi bongu ma nwang’ ma ber man uluga: e adhura mi Cucan ugoyo muzira man anyong’a nege.

Zaburi 21:3

Kum irombo kude ku mugisa mi bero: Iroyo jamkermiwic mi mola ma kwar ma leng’ i wie.

Matayo 19:28

E Yesu wacu igi kumae, Andha awacu iwu, Nia wun ma wulubo ng’eya, i nyol ma nyen ka Wod dhanu bijany wi komker mi dwong’ pare, wun bende wubijany wi komker apar wi ario, ma wupoko ko lembe ni suru apar wi ario mir Israel.

Luka 22:30

kara wucam wumadh de dhu mesa para i ker para; man wubijany wi komker ku poko lembe wi suru apar wi ario mir Israel.

2 Timoteo 4:8

ugambre ka wono jamkermiwic mi bedopwe, judaru kanu ira, ma Rwoth, ma japoklembe ma pwe, bimio ira i ceng’ maeca; endre ira a kenda ngo, ento ni dhanu ceke bende m’umaru nyuth pare m’ebinyuthre ko.

Lembanyutha 11:16

Man judongo pier ario wi ang’wen, m’ubedo wang’ Mungu wi komker migi, gipodho arieba wang’gi man girwo ni Mungu,

Lembanyutha 14:3

man giwero calu en e wer ma nyen i wang’ komker, man i wang’ yedi ang’wen ma kwo ku judongo: man ng’atu moko mbe ma copo ng’eyo weje ndhu dhanu rubanga dak acel ku pier ang’wen wi ang’wen, ma gi ju ma jung’iewogi kud i ng’om.

Lembanyutha 19:14

Man njuru asikari m’i polo gilubo ng’eye ku wi riuni ma tar, ma gironjri ku bongru ma nwang’ ma nwe nwe, ma tar ma leng’ de.

Lembanyutha 19:4

Man judongo pier ario wi ang’wen ku yedi ma kwo ang’wen girum man girwo ni Mungu m’ubedo wi komker, giwacu kumae, Amen; Haleluya.

Lembanyutha 2:10

Lworo kud unegi kum gin ma fodi nyanok ibisendri kudo: nen, wonabali ni ceng’ni bayu kindwu moko i odkol, kara jumul ko iwu; man wubibedo ku masendi ceng’ apar. Dong’ ibed mandha cil i tho, man abimio iri jamkermiwic.

Lembanyutha 20:4

Man aneno komker, ku ju m’ujany i wigi, man pokolembe mire igi: man aneno kwo mi ju ma juthumo wigi pi lembatuca pa Yesu, man pi lembe pa Mungu, man wagi ju ma girwo ngo ni yedi, kadok ni ayine, ma gijolo kiedo ngo ternyimgi kud i cing’gi de; man gibedo, gibimo de giku Kristugi rundi rubanga acel.

Lembanyutha 3:18

amio iri rieko nia ing’ieu mola ma kwar i bang’a m’uwang’ i mac, kara idok m’i lony; ku kendi ma tar, kara ironjri, kara lewic mi muneru peri kud unen: man mo m’i wang’ de m’iwir ko weng’i, kara inen.

Lembanyutha 4:10

judongo pier ario wi ang’wen bipodho piny i wang’ ng’atu m’ujany wi komker, man gibirwo ire m’ebedo kwo rondo ku rondo, man gibibolo jamkermiwic migi wang’ komker, ma giwacu ko kumae,

Lembanyutha 4:6

man gin moko ni i wang’ komker, ma calu nam mi kieu ma nen va kidi ma ie pelele; man i kind komkerne, kud i ng’et komkerne de, yedi ma kwo ang’wen ma wang’gi romo kumgi ceke yor i wang’gi ku yor i ng’eigi bende.

Lembanyutha 5:11

E aneno, man awinjo dwal mi malaika dupa m’utieko komker gbur man yedi ma kwo ku judongo; man welgi rubanga apar bang’ rubanga apar, man rubanga rubanga swa;

Lembanyutha 5:14

E yedi ma kwo ang’wen giwacu, Amen. Man judongo gipodho piny man girwo.

Lembanyutha 5:6

Man aneno Nyathi Rombo i kind komker man i kind yedi ma kwo ang’wen, man i kind judongo, ecungo, calu ma tek juthume, ma tunge abiro, wang’e de abiro ma gi Tipo abiro pa Mungu, ma juoro i ng’om yu.

Lembanyutha 5:8

Man kan edaru ting’o kitabune, e yedi ma kwo ang’wen ku judongo pier ario wi ang’wende gipodho piny wang’ Nyathi Rombo, ma adungu ni kubang’gi nzu, ku tabu mi mola ma kwar ma gin ma ng’wice ng’ar upong’ i ie, ma en e rwo mi jumaleng’.

Lembanyutha 6:11

Man jumio igi kendi ma tar ma lot kubang’gi nzu; man juwacu igi, nia gikogiyom tundu nindo ma nyanok, cil m’ebitimbre kakare kum jutic wagi bende man kum wedigi, ma jubinegogi calu gin.

Lembanyutha 7:11

Man malaika ceke gicungo gitieko komker gbur, ku judongo man yedi ma kwo ang’wen man gipodho arieba wang’gi nyim komker, man girwo ni Mungu,

Lembanyutha 7:9

Yo ng’ei gin maeni aneno, man nen, udul dhanu ma dit, ma ng’atu moko mbe ma copo kwanu, m’uai kud i thek ceke kubang’gi nzu man kud i suru ceke man kodhidhanu ku dhok, gicungo wang’ komker man i wang’ Nyathi Rombo, ma gironyo kendi ma tar ma lot, ku ndhendhe i cing’gi;

Lembanyutha 9:7

Man ayi bonyone va ayi riuni m’ubedo ayika mir ali; jamkermiwic ma calu mola ma kwar ni i wigi, wang’gi de calu wang’ dhanu.