Lembanyutha 4:2 - The Holy Bible In Alur (Lur) Revised Orthography

² E ndhu ndhu nica ani i Tipo: man nen, komker ukethre i polo, man ng’atu acel ujany wi komker;

Lembanyutha 4:2 ပူးပေါင်းရင်းမြစ်များ

1 Ubimo 22:19

Man Mikaya wacu kumae, Ka kumeno winj lembe pa Yehova: Aneno Yehova bedo wi komker pare, man udul m’i polo ceke gicungo i ng’ete yo ku cinge ma yor acwic ku ma yor acam de.

Zaburi 11:4

Yehova ni i hekalu pare ma leng’; Yehova, komker pare ni i polo; Wang’e neno, biendwang’e mulo, nyithindho mi dhanu.

Isaya 6:1

I rundi ma Uzia m’ubimo tho, aneno Rwoth m’ujany wi komker, malu malu man m’utingre; e dhu kendi pare pong’o hekalu.

Yeremia 17:12

Komker mi dwong’, ma juketho malu ugambre i thekri, en e ka mi kamaleng’ mwa.

Ezekiel 1:26

Man ayi komker ma ni wi apokapiny ma ni wi ka wigi ku malu, calu nen mi kidi ma tek ma ie nen uluga; man ayi nuti wi ayi mi komker calu nen mi dhanu i wie ku malu.

Ezekiel 1:28

Calu nen mi danyu ma ni i afuru i ceng’ mi koth, e nen mi rieny ma gbur ubedo kumeca. Maeni en e nen mir ayi mi dwong’ pa Yehova. Man kinde m’aneno maeni, apodho arieba wang’a, man awinjo dwand ng’atu m’uyero.

Ezekiel 10:1

Alund aneno, man, nen, i afuru ma ni i wi kerubi gin moko wok i wigi calu en e kidi ma tek ma nen uluga, calu giranena mir ayi komker.

Daniel 7:9

Aneno maram juketho ko komker, man ng’atu m’uti mi ceng’ ujany: kendi pare tar calu pei, man yukwie calu yuk rombe ma leng’; komker pare lebmac m’uliel, ukobrene mac m’uliel.

Matayo 22:43

Ewacu igi kumae, Ka kumeno nedi Daudi lwong’e Rwoth i Tipo, m’ewacu kumae,

Juebrania 8:1

Nie i gin ma wabeyero, lembe ma dwong’ e eni; Wabedo ku jalam ma dit ma wadi maeni, m’ejany yo ku ng’et komker ma yor acwic mi dwong’ i polo,

Lembanyutha 1:10

Nwang’u ani i Tipo i ceng’ pa Rwoth, e awinjo dwal ma dit yor i ng’eya, calu mir agwara,

Lembanyutha 12:5

Man enyolo wode, ng’atu ma nico, m’ebibimo thek ceke kud uluth mi nyunyu: man nyathin pare juting’e malu ba Mungu, man ba komker pare.

Lembanyutha 17:3

Man etera cen i Tipo cil i yamba: man aneno dhaku m’ubedo wi yedi ma kwar ngbo, m’epong’ ku nying’ mir acidi, ma wie abiro tunge ke apar.

Lembanyutha 19:4

Man judongo pier ario wi ang’wen ku yedi ma kwo ang’wen girum man girwo ni Mungu m’ubedo wi komker, giwacu kumae, Amen; Haleluya.

Lembanyutha 20:11

Man aneno komker ma tar m’ulwar, ku ng’atu m’ujany i wie de, man ng’om ku polo de giringo wang’e; man kakagi nwangre ngo igi.

Lembanyutha 21:10

Man eyeya i Tipo ba got ma dit ma wiu, man enyutho ira adhura ma leng’ Yerusalem, m’uai i polo ba Mungu ubeloro piny,

Lembanyutha 21:5

Man ng’atu m’ubedo wi komker uwacu kumae, Nen, adwoko gin ceke nyen. Man ewacu kumae, Kieu: kum lembe maeni gi mandha gin andha de.

Lembanyutha 3:21

Ng’atu m’uloyo, abimie ejany kuda i komker para, calu an bende aloyo, man ajany waku Vwa i komker pare.

Lembanyutha 4:10

judongo pier ario wi ang’wen bipodho piny i wang’ ng’atu m’ujany wi komker, man gibirwo ire m’ebedo kwo rondo ku rondo, man gibibolo jamkermiwic migi wang’ komker, ma giwacu ko kumae,

Lembanyutha 4:5

Man lukoth ku dwal ku morpolo giai ba komker. Man thala abiro mi mac ubeliel i wang’ komker, ma gi Tipo abiro pa Mungu;

Lembanyutha 4:9

Man ka yedi ma kwo bimio dwong’ ku yung ku foyofoc ni ng’atu m’ujany wi komker, ni ng’atu m’ubedo kwo rondo ku rondo,

Lembanyutha 5:1

Man aneno kitabu, ma jugoro ie ku yor i ng’eye de, m’emwondre ki kud ayi abiro, i cing’ ng’atu m’ujany wi komker ca ma yor acwic.

Lembanyutha 5:13

Man giracwia pa Mungu nzu kubang’gi ma ni i polo, ku ma wi ng’om, ku ma the ng’om, ku ma wi nam, ku gin ceke ma ni i igi bende, awinjo gibewacu kumae, Mugisa, ku yung, ku dwong’, man kero, ubed ni ng’atu m’ujany wi komker, man ni Nyathi Rombo, rondo ku rondo.

Lembanyutha 6:16

man giwacu ni gudi man ni cana kumae, Podh i wiwa, umwa de kud i wang’ ng’atu m’ubedo wi komker man ni kwinyo pa Nyathi Rombo: