Lembanyutha 4:11 - The Holy Bible In Alur (Lur) Revised Orthography

¹¹ Eromo kudi, Rwoth mwa man Mungu mwa, ya igam dwong’ man yung ku tego: kum icwio gin ceke, man gibedo nuti ni kum yeny m’iyenyo, gicwiri de.

Lembanyutha 4:11 ပူးပေါင်းရင်းမြစ်များ

Thangambere 1:1

Ku kwong’a Mungu cwio polo ku ng’om.

2 Samwil 22:4

Abilwong’o Yehova, m’eromo ya jupake: Kum kumeno abiboth ni judegina.

Nehemia 9:5

Julawi, en e Yecuwa, man Kadmiel, ku Bani, man Hacabneya, ku Kerebia, man Hodia, ku Cebania, man Pethahia, gilund giwacu kumae, Wucungi man wumi mugisa ni Yehova Mungu mu m’ugambre nja cil nja; e mugisa bed kum nyingi mi dwong’, m’edodre malu wi mugisa ku pak ceke.

Kitabu Pa Yob 36:3

Abigamu ng’eyong’ec para ku bor, Man abikwanu bedopwe ni Jacwicna.

Zaburi 18:3

Abilwong’o Yehova, m’uromo ya jupake: Kum kumeno abiboth ni judegi para.

Zaburi 68:34

Wuwac nia Mungu bedo ku tego: Dwong’ pare ni wi Israel, Man tego pare ni i afuru.

Ai 20:11

kum Yehova timo polo ku ng’om i ceng’ abusiel, ku nam, ku giki ceke ma ni i ie, man eyom i ceng’ mir abirone: kum kumeno Yehova mio mugisa kum ceng’ sabatu, man edwoke leng’.

Lembrieko 16:4

Ku ba gin ceke Yehova timo pire gire; Eyo, cil judubo pi ceng’ ma rac.

Isaya 40:26

Wung’ai weng’wu malu, man wunen ng’atu m’ucwio maeni, m’uwodho udulgi woko ku wel; elwong’ogi ceke ku nying’gi; ku dit mi tego pare, man kum en e jatego i tego, acel de mbe m’urem.

Isaya 40:28

Ing’eyo ngo? iwinjo ngo kumae? Mungu ma bedo rondo ku rondo, Yehova, Jacwi tung’ ng’om, voc ungo, kadi eol de ngo; ng’eyong’ec pare yenjre ngo.

Yeremia 10:11

Wubiwacu igi kumae nia mungu m’ucwio polo ku ng’om ungo, maeni birwinyo kud i ng’om, man kud i the polo.

Yeremia 32:17

A Rwoth Yehova! nen, icwio polo ku ng’om ku tego peri ma dit man ku boti m’arieya; gin moko mbe ma tek ma segi,

Tic Mi Jukwenda 14:15

giwacu kumae, Paco, wutimo gin maeni nedi? Wan wa dhanu ma ku kum calu wun, man wakelo iwu lembe ma ber, kara wulokra ku kum gin maeni ma kite mbe ni Mungu ma kwo m’ucwio polo ku ng’om ku nam de, ku gin ceke ma ni i igi de:

Tic Mi Jukwenda 17:24

Mungu m’ucwio ng’om ku gin ceke ma ni i ie de, en, m’e Rwoth mi polo ku ng’om de, ebedo i hekalu ma jugomo ku cing’ ungo;

Jurumi 11:36

Kum gin ceke ai i bang’e, man ni kume, man ire. Dwong’ ma rondo ku rondo ubed ire. Amen.

Juefeso 3:9

ya aketh dhanu ceke de ginen karamb tic mi pokopok mi giramung’a m’ugamu pandre por yang’ con i Mungu m’ucwio gin ceke;

Poi Mi Cik 32:4

Cana, tic pare bedo ndhu cu; Kum yo pare ceke e pwe: Mungu mi lemandha man m’umbe dubo, En e pwe man atira.

Juebrania 1:10

Man, In, Rwoth, ku kwong’a itheko the ng’om, Man polo en e bodho mi cingi;

Juebrania 1:2

i dong’ nindo maeni eyero iwa i Wode, m’ekethe ni jacampacu mi gin ceke, piny bende ecwio ni kume;

Lembanyutha 1:6

man eketho wabed ni ker, julam ni Mungu pare man Won; dwong’ ku kero bed ire rondo ku rondo. Amen.

Lembanyutha 10:6

man ekwong’o kwong’ ku ng’atu ma bedo rondo ku rondo, m’ecwio polo ku giki m’i ie, ku ng’om man giki m’i ie, ku nam de man giki m’i ie, ya galu bidong’ bedo nuti kendo ngo:

Lembanyutha 14:7

man ewacu ku dwal ma dit, Wulwor Mungu, man wumie dwong’: kum saa mi pokolembe pare wok: man wurwo ni ng’atu m’ucwio polo ku ng’om ku nam ku kulo ma dhenyni bende.

Lembanyutha 19:1

Yo ng’ei gin maeni awinjo dwal calu en e dwal ma dit mir udul dhanu ma dit i polo, m’uwacu kumae, Haleluya; Both, man dwong’, ku tego, gi pa Mungu mwa:

Lembanyutha 5:12

ma giwacu kumae, ku dwal ma dit, Eromo ku Nyathi Rombo ma juthume ya egam tego, ku lonyo, man rieko, man tek, man yung, ku dwong’, man mugisa.

Lembanyutha 5:2

Man aneno malaika ma tek m’ubeyero ku dwal ma dit kumae, Ng’a m’uromo m’eyabu ko kitabu, m’ealu ko ayine de?

Lembanyutha 5:9

Man giwero wer ma nyen, giwacu kumae, Eromo kudi ya iting’ kitabu, man ial ayine de: kum juthumi, man ing’iewo ni Mungu ku rimbi dhanu mi suru ceke kubang’gi, man dhok, man dhanu, man thek,