Lembanyutha 4:10 - The Holy Bible In Alur (Lur) Revised Orthography

¹⁰ judongo pier ario wi ang’wen bipodho piny i wang’ ng’atu m’ujany wi komker, man gibirwo ire m’ebedo kwo rondo ku rondo, man gibibolo jamkermiwic migi wang’ komker, ma giwacu ko kumae,

Lembanyutha 4:10 ပူးပေါင်းရင်းမြစ်များ

I Lemkei 29:20

Man Daudi wacu ni cokri ceke kumae, Kawono wumi mugisa ni Yehova Mungu mu. Man cokri ceke gimio mugisa ni Yehova, Mungu pa kwarugi, man gikulo wigi e girwo ni Yehova, man ubimo.

2 Lemkei 7:3

E nyithindho mir Israel ceke gineno, kinde ma mac uloro piny, man dwong’ pa Yehova ni wi ode; e girum gigi arieba wang’gi i ng’om wi ka m’athora, man girwo, gimio foc de ni Yehova, giwacu kumae, Kum en e ber; kum mer mi bero pare bedo mi nja.

Kitabu Pa Yob 1:20

Yob ulund uai, e eyeco kanzu pare, man egwaru wie, e epodho piny i ng’om, man erwo;

Zaburi 115:1

Iwa ngo, E Yehova, iwa ngo, Ento mi dwong’ ni nyingi, Kum mer mi bero peri, man kum lemandha peri.

Zaburi 47:8

Mungu camu ker wi thek: Mungu bedo wi komker pare ma leng’.

Zaburi 72:11

Eyo, ju m’ubimo ceke bipodho piny i wang’e; Thek ceke bitimo ire.

Zaburi 95:6

A wubin, wek warwou aruma piny; Wek warumu i wang’ Yehova ma Jacwic mwa:

Isaya 6:1

I rundi ma Uzia m’ubimo tho, aneno Rwoth m’ujany wi komker, malu malu man m’utingre; e dhu kendi pare pong’o hekalu.

Daniel 12:7

Man awinjo ng’atu m’uronyo bongu ma nwang’, ma ni wi pi mi kulo, kan eting’o cinge ma yor acwic ku cinge ma yor acam malu i polo, man ekwong’o kwong’ ku ng’atu m’ubedo rondo ku rondo nia ebibedo mi nindo; man nindo moko, ku ng’et nindo; man ka gidaru turo tego mi dhanu ma leng’ nziki nziki, gin maeni ceke bithum.

Daniel 4:34

Man ka ceng’ maeno thum, an a Nebukadnezar, ang’ayu wang’a malu i polo, man ng’eyothelembe para dwogo i bang’a, man amio mugisa ni Ng’atu ma Malu Ngbir, e apake man ayunge m’ebedo rondo ku rondo; kum bim pare en e bim mi nja, man ker pare gambre kum dhanum’utuk cil kum dhanum’utuk;

Matayo 2:11

E gibino i ot man gineno nyathin ma nok ku Mariamu ma min mire; e gipodho piny girwo ire; man gigonyo piny migi m’akana githiero ire giramia, mola ma kwar kud udok ma ng’wice ng’ar man mo ma ng’wice ng’ar.

Luka 24:52

E girwo ire, man gidok Yerusalem ku mutoro ma dit:

1 Jukorinto 15:10

Ento ni kum bero pa Mungu abedo ku ramba nini: man ke berone m’emia junwangu ebedo mananu ngo: ento amula ku tic ma sagugi ceke: endre an ungo, ento bero pa Mungu m’ubedo kuda re.

Poi Mi Cik 32:40

Kum ating’o cinga yor i polo, Man awacu kumae, Calu abedo kwo mi nja,

Lembanyutha 10:6

man ekwong’o kwong’ ku ng’atu ma bedo rondo ku rondo, m’ecwio polo ku giki m’i ie, ku ng’om man giki m’i ie, ku nam de man giki m’i ie, ya galu bidong’ bedo nuti kendo ngo:

Lembanyutha 11:16

Man judongo pier ario wi ang’wen, m’ubedo wang’ Mungu wi komker migi, gipodho arieba wang’gi man girwo ni Mungu,

Lembanyutha 15:4

Ng’a ma lworo binege ngo, E Rwoth, ma k’ebiyungo nyingi de ngo? kum in i kendi e m’i leng’; kum thek ceke bibino man gibirwo i weng’i; kum tic peri mi bedopwe udaru nyuthre.

Lembanyutha 15:7

Man ng’atu acel ma kind yedi ang’wen ma kwo umio ni malaika abiro tabu abiro mi mola ma kwar ma kwinyo pa Mungu pong’ i igi, en m’e kwo rondo ku rondo.

Lembanyutha 19:4

Man judongo pier ario wi ang’wen ku yedi ma kwo ang’wen girum man girwo ni Mungu m’ubedo wi komker, giwacu kumae, Amen; Haleluya.

Lembanyutha 4:2

E ndhu ndhu nica ani i Tipo: man nen, komker ukethre i polo, man ng’atu acel ujany wi komker;

Lembanyutha 4:4

E komker pier ario wi ang’wen udhoko komkerne gbur; man aneno judongo pier ario wi ang’wen ujany wi komkerne, gironyo kendi ma tar; man jamkermiwic mi mola ma kwar ni i wigi.

Lembanyutha 4:9

Man ka yedi ma kwo bimio dwong’ ku yung ku foyofoc ni ng’atu m’ujany wi komker, ni ng’atu m’ubedo kwo rondo ku rondo,

Lembanyutha 5:14

E yedi ma kwo ang’wen giwacu, Amen. Man judongo gipodho piny man girwo.

Lembanyutha 5:8

Man kan edaru ting’o kitabune, e yedi ma kwo ang’wen ku judongo pier ario wi ang’wende gipodho piny wang’ Nyathi Rombo, ma adungu ni kubang’gi nzu, ku tabu mi mola ma kwar ma gin ma ng’wice ng’ar upong’ i ie, ma en e rwo mi jumaleng’.

Lembanyutha 7:11

Man malaika ceke gicungo gitieko komker gbur, ku judongo man yedi ma kwo ang’wen man gipodho arieba wang’gi nyim komker, man girwo ni Mungu,