Lembanyutha 4:1 - The Holy Bible In Alur (Lur) Revised Orthography

¹ Yo ng’ei gin maeni aneno, man nen, dhugola yabre i polo, e dwal ma kwong’a m’awinjo, dwalne calu mir agwara m’ubeweco kuda, acel m’ubewacu kumae, Idh malu kue, man abinyutho iri gin ma bikotimbre be macen.

Lembanyutha 4:1 ပူးပေါင်းရင်းမြစ်များ

Ai 1:1

Nwang’u maeni gi nying wot Israel, m’ubino i Misiri (ku ba dhanu ceke ku juode gibino ku Yakobogi):

Ai 19:24

Man Yehova wacu ire kumae, Cidhi, lor piny; man ibiidho malu, in, man Harun karacelo kudi: ento julam ku dhanu ku ging’eny piny ya giidh malu ba Yehova, emaru podho i wigi.

Ai 24:12

Man Yehova wacu ni Musa kumae, Idh malu i bang’a wi got, man ibed keca: man abimio iri bankidi, ku cik man lembang’ola, m’a goro, kara iponjgi.

Lembrieko 25:7

Kum e ber tek juwacu iri kumae, Idh kue, Sagu ma tek jukethi piny i vut jaditmawijo, Ma weng’i neno.

Ezekiel 1:1

Nie etimbre i rundi pier adege, i dwi mir ang’wende, i ceng’ mir abije mi dwije, kinde m’ani i kind ng’eca dhu kulo Kebar, nia polo yabre, man aneno ginmawokiwang’ pa Mungu.

Matayo 3:16

Yesu de, kan emaku baputisi, eai malu tho kud i pi: nen, polo yabre ire, man eneno Tipo Mungu beloro calu akuru, ebino de i wie;

Marko 1:10

E ndhu ndhu nica kinde m’eai kud i pi, eneno polo kak dra, man Tipo ma calu akuru beloro i wie:

Luka 3:21

Nie etimbre, ka jumio baputisi ni dhanu ceke, nia Yesu bende jumio ire baputisi, man kan eberwo, polo yabre,

Yohana 16:13

Ento kan ebibino, en e Tipo mi lemandha, ebitelo wiwu i lemandha ceke: kum ebiyero gire ngo; ento gin ma tek ewinjo, e ebiyero ginde: man ebiyero iwu pi gin ma bibino.

Tic Mi Jukwenda 10:11

man eneno polo yabre, e gin moko beloro calu bongu ma dit, ma julure ku gunde ang’wen i ng’om:

Tic Mi Jukwenda 7:56

man ewacu kumae, Nen, aneno polo yabre, ku Wod dhanu m’ucungo acunga yo ku cing’ Mungu ma yor acwic.

Lembanyutha 1:10

Nwang’u ani i Tipo i ceng’ pa Rwoth, e awinjo dwal ma dit yor i ng’eya, calu mir agwara,

Lembanyutha 1:12

Man alokra nineno dwal m’uweco kuda. E kan alokra aneno thethala mi mola ma kwar abiro;

Lembanyutha 1:19

Ka kumeno kieu gin m’ineno man gin ma tic, ku gin ma bitimbre macen;

Lembanyutha 11:12

Man giwinjo dwal ma dit m’uai i polo m’uwacu igi kumae, Wuidh kue. Man giidho i polo ku i afuru; man jukwojgi ginenogi.

Lembanyutha 11:19

Man juyabu hekalu pa Mungu ma ni i polo; man juneno sanduk mi lembariba pare i hekalu pare; man m’ulubo maeno lukoth, man dwal, ku morpolo, man digidi, ku pei ma dit.

Lembanyutha 16:17

Man mir abirone konjo tabu pare i lietho; e dwal ma dit uai i hekalu, kud i komker, uwacu kumae, Etimbre:

Lembanyutha 19:11

Man aneno polo yabre; man nen, riuni ma tar, ku ng’atu m’ubedo i wie ma julwong’e Mandha man Andha; man i bedopwe epoko lembe man etimo lwiny.

Lembanyutha 22:6

Man ewacu ira kumae, Lembe maeni gi mandha gin andha de: man Rwoth, Mungu mi tipo mi jubila, eoro malaika pare unyuth ni jumiru pare gin ma fodi nyanok bikotimbre be.