Lembanyutha 3:17 - The Holy Bible In Alur (Lur) Revised Orthography

¹⁷ Kum iwacu kumae, An a lony, man alimo lonyo, man can gin moko mbe m’unega; m’ing’eyo de ngo nia in i jacan m’umbe mutoro de man m’umbe piny man abinga, muneru de:

Lembanyutha 3:17 ပူးပေါင်းရင်းမြစ်များ

Thangambere 3:7

E wang’gi yabre gin ario de, man ging’eyo nia gibedo muneru; e gikwoyo ith uboko, gitimo ni kendi igi gigi.

Ai 32:35

E Yehova goyo dhanune, kum gitimo ayi nyathi dhiang’ ma Harun utimo.

Lembrieko 13:7

Gin moko nuti ma lonjre gire, ento ebedo ku gin moko ngo: Gin moko nuti ma dwokre gire jacan, ento ebedo ku piny ma dit.

Lembrieko 30:9

Amaru yeng’, man akweri, awac de kumae, Yehova en e ng’a? Kadijamaru bedo jacan, man akwal kwo, Man amaru cido nying’ Mungu para.

Isaya 42:19

Ng’a m’abinga, ma k’e jatic para ngo? kadi m’udhing’, calu jakwenda para m’aoro? ng’a m’abinga ma calu ng’atu ma wabedo ku kwiocwiny wakude, man abinga calu jatic pa Yehova?

Yeremia 2:31

E dhanum’utuk, wunen lembe pa Yehova. Abedo ni langa ni Israeli? kadi ni ng’om mi mudho ma bi? dhanu para wacu kumae pirang’o, Wagonjra; wabibino i beng’i kendo ngo?

Hoseya 12:8

Man Efraim uwacu kumae, Andha alony, anwang’u jupiny ira: i tic mi muli para ceke gibinwang’u kier moko ngo i ia ma en e dubo.

Zekaria 11:5

ma weggi thumogi, man ginen gigi nia gimbe ku dubo; man ju m’uloko gi giwacu kumae, Mugisa bed ni Yehova, kum a lony: e jukwac migi ma dhe kisa negogi ngo i kumgi.

Matayo 5:3

Mugisa ni jucan mi tipo: kum ker m’i polo en e migi.

Matayo 9:12

Ento kan ewinjo maeni, ewacu kumae, Ju ma kumgi leng’ can jakeikum negogi ngo, ento ju ma kumgi lith re.

Luka 1:53

Eyeng’o ju ma kec unegogi ku gin ma ber; Man eketho julonyo gidok mananu.

Luka 6:24

Ento can i wiwu wu ju ma wulony! kum wumaku juk mu.

Jurumi 11:20

Ber; juturo gi woko ni kum yioyic migi m’umbe, man ni kum yioyic peri icungo. Kud ibed ku pidoic mi tingri, endre ilwor:

Jurumi 11:25

Kum ayenyo ngo, umego, ya wubed cobo ni giramung’a maeni, kara kud wubed riek i weng’wu giwu, nia ng’et nwang’cwiny upodho wi Israel, cil ma pong’ mi Thekdhanumange wok ko;

Jurumi 12:3

Kum ayero, ni kum bero m’umire ira, ni dhanu ceke ma ni i kindwu kubang’gi kubang’gi, ng’atuman ie kud upid pire gire ma sagu ma maku ie pidi; ento ie pid kumeni calu pidoie bedo nger, calu mukero mi yioyic ma Mungu daru mio ni dhanu ceke kubang’gi kubang’gi.

Jurumi 7:24

Ei an a ng’atu ma ng’ic ng’a ma biwodha kud i kum mi tho maeni?

2 Petro 1:9

Kum ng’atu ma gin maeni mbe kude en e abinga, m’eneno ko gin ma ceng’ni kende, ma wie wil kum lwok mi dubo pare ma con.

Lembanyutha 16:15

(Nen, abino va jakwo. Mugisa ni ng’atu m’ukio, m’ugwoko kendi pare de, kara kud ewoth muneru, man ginen lewic pare.)

Lembanyutha 2:9

Ang’eyo masendi peri, ku canpiny m’unegi (ento ilony), ku lembacidi mi ju m’uwacu ya gi Juyahudi, man gi kumeno ngo, endre gi cokri pa Jok.

Lembanyutha 3:16

Kum kumeno kum i tang’, man i lieth kadi ng’ic de ngo, abing’uli woko kud i dhoga.