Lembanyutha 3:14 - The Holy Bible In Alur (Lur) Revised Orthography

¹⁴ Man ni malaika mi kanisa m’i Laodikia kieu kumae: Ng’atu ma Amen, m’e jamulembe mandha ma andha de, m’e thangambere mi giracwia pa Mungu, ewacu gin maeni:

Lembanyutha 3:14 ပူးပေါင်းရင်းမြစ်များ

Thangambere 49:3

Ruben, in i kayu para, tek para thangambere mi tego para de; Dit mi yung, man dit mi tego.

Lembrieko 14:5

Jamulembe mi bedo mandha bicwayu ndra ngo; Ento jamulembe mi ndra weco ndra.

Lembrieko 8:22

Yehova bedo kuda i thekri mi yo pare, Ku kwong’a ni tic pare ma con.

Isaya 55:4

Nen, amie ni mulembe ni kodhidhanu, jatelwic man jego ni kodhidhanu.

Isaya 65:16

ketho nia ng’atu m’umio mugisa ire gire i ng’om bimio mugisa ire gire ni kum Mungu mi lemandha; man ng’atu m’ukwong’o kwong’ i ng’om bikwong’o kwong’ ni kum Mungu mi lemandha; kum wijo wil kum can ma kwong’a, man kum gibedo apana ni wang’a.

Yeremia 42:5

Gilund giwacu ni Yeremia kumae, Yehova bed jamulembe andha man mandha i kindwa, tek watimo ngo calku lembe ceke ma Yehova Mungu peri biori ko i bang’wa.

Yohana 1:3

Gin ceke cwire ni kume; man gin moko mbe m’ucwire ma kucwire ni kume ngo.

Yohana 8:14

Yesu dwoko lembe ewacu igi kumae, Kadok anyuth lembe pira gira, nyutholembe para en e andha; kum ang’eyo ka m’aai i ie, ku ka m’acidho i ie de; ento wun wung’eyo ngo ka m’aai i ie, kadi ka m’acidho i ie de.

2 Jukorinto 1:20

Kum kadok lembang’ola pa Mungu gi dupa, e eyo ni i ie: kum kumeno amen bende ni i kume, ni dwong’ pa Mungu ni kumwa.

Poi Mi Cik 21:17

ento ebiyio kayu, ma wod ng’atu m’edagu, ku mio ire makapiny wang’ ario mi gin ceke m’ebedo ko; kum en e thekri mi tego pare; ng’ol mi kayu en e pare.

Jukolosai 1:15

ma en e ayi Mungu ma nen ungo, kayu mi giracwia ceke pa Mungu;

Jukolosai 1:18

Man en e wie mi kum, ma en e kanisa: ma en e thangambere, en e kayu mi cer ma kud i kind ju m’utho; kara ebed jawipiro i gin ceke.

Jukolosai 2:1

Kum ayenyo wung’ei maram aii ko aiia piwu, man pi ju ma Laodikia, man pi ju ma fodi gikuneno wang’a mi kum ungo;

Jukolosai 4:16

Man tek judaru somo waraga maeni i kindwu, wuketh jusome i kanisa mi Julaodikia bende; man wun bende wusom waraga m’uai i Laodikia.

Lembanyutha 1:11

m’uwacu kumae, Gin m’ineno, gor i kitabu man iore ba kanisa abiro: bang’ Efeso, ba Smurna de, ba Pergamo de, ba Thuatera de, ba Sardi de, ba Filadelfia de, man ba Laodikia bende.

Lembanyutha 1:5

m’uai de ba Yesu Kristu, ma en e jamulembe mandha, m’e kayu mi ju m’utho, man jabim mir ubimo m’i ng’om. Ire m’emaruwa, m’egonyowa kud i dubo mwa ku rimbe;

Lembanyutha 19:11

Man aneno polo yabre; man nen, riuni ma tar, ku ng’atu m’ubedo i wie ma julwong’e Mandha man Andha; man i bedopwe epoko lembe man etimo lwiny.

Lembanyutha 2:1

Ni malaika mi kanisa ma ni i Efeso kieu kumae: Ng’atu m’umaku cero abiro i cinge ma yor acwic, en e ng’atu m’uwotho i kind thethala abiro mi mola ma kwar ewacu gin maeni kumae:

Lembanyutha 21:6

Man ewacu ira kumae, Gidaru timbri. An a Alfa kud Omega, ma thangambere ku kajik. Abimio kum pi ma dhenyni mi kwo k’abamba ni ng’atu ma rieupi nege.

Lembanyutha 22:13

An a Alfa kud Omega, ma kwong’a man ma cen, thangambere man kajik.

Lembanyutha 22:6

Man ewacu ira kumae, Lembe maeni gi mandha gin andha de: man Rwoth, Mungu mi tipo mi jubila, eoro malaika pare unyuth ni jumiru pare gin ma fodi nyanok bikotimbre be.

Lembanyutha 3:7

Man ni malaika mi kanisa ma i Filadelfia kieu kumae: Ng’atu m’e leng’, ng’atu ma en e andha, ng’atu ma kifungula pa Daudi ni i bang’e, ng’atu ma yabu man ng’atu moko mbe ma ciko, ma ciko de man ng’atu moko mbe ma yabu, uwacu gin maeni: