Lembanyutha 3:10 - The Holy Bible In Alur (Lur) Revised Orthography

¹⁰ Kum igwoko lembe mi twiocwiny para, an bende abigwoki ni saa mir abidhe, saa maeno ma bibino wi ng’om ngung’, nimulo i ju m’ubedo wi ng’om.

Lembanyutha 3:10 ပူးပေါင်းရင်းမြစ်များ

Isaya 24:17

Lworo, ku vur, man uwic, gini i wii, E ng’atu m’ubedo i ng’om.

Daniel 12:10

Dhanu dupa gibidwokri leng’, man gibidwokri tar, man jubimulo igi; ento judubo gibitimo dubo; man ng’atu moko mbe ma kind judubo ma bing’eyo thelembe; ento ju ma gi riek gibing’eyo thelembe.

Zekaria 13:9

Man abikelo ng’ete mir adege i mac, e abidwokogi leng’ calu judwoko mola ma tar leng’, man abiponjogi calu juponjo mola ma kwar. Gibilwong’o nyinga, man abiwinjogi: abiwacu kumae, En e dhanu para; man gibiwacu kumae, Yehova en e Mungu para.

Matayo 24:14

Man lembanyong’a maeni mi ker jubiyero i ng’om ngung’ ni lembatuca ni thek ceke; e kajik bilund wok.

Matayo 26:41

Wukur wurwo de, kara kud wumond i abidhe: cwiny uyenyo andha, ento kum re bedo ng’ic.

Matayo 6:13

Kud iterwa i abidhe, ento ilarwa ni ng’atu ma rac.

Marko 14:9

Andha awacu iwu kumae, Ka ceke ma tek jubiyero ie lembanyong’a ma juboth ko i ng’om ngung’, maeno bende ma dhaku maeni timo biyere ni poi pare.

Luka 2:1

Nie etimbre i ceng’ maeno, nia ng’ol uai ba Kaisari Augusto, nia jugor nying’ dhanu ngung’ m’i ng’om.

Yohana 17:6

Anyutho nyingi ni ju m’imio ira kud i ng’om: gi peri, man imiogi ira: man gidara woro lembe peri.

Jurumi 1:8

Ku kwong’a, afoyo Mungu para ni kum Yesu Kristu piwu ceke, kum yioyic mu yik i ng’om ngung’.

1 Jukorinto 10:13

Abidhe moko mbe m’uwok i kumwu ma jukucop bedo ko ngo; ento Mungu en e mandha, m’ebiyio ngo y a jubidhwu ma sagu ma wucopo bedo ko: ento karacelo kud abidhe nica ebiketho yojboth bende, kara wucopo cire.

Juefeso 6:13

Kum kumeno ting’ jamtho pa Mungu kpo, kara wubin wucung kr i ceng’ maeni ma rac, man, ma wudaru timo ceke, wucungi.

2 Timoteo 2:12

tek wamula ku cani, wabicamu ker wakugi: tek wabikwere, en bende ebikwerowa:

Yakobo 3:12

juwada, ulam copo cego ulemo, kadi ulok ke ulami? kadok pi mi kadu de copo wodho pi ma mit ungo.

1 Petro 4:12

Jumer, iwu kud uwang’ kum muloic ma calu mac ma ni i kindwu, m’ubino i beng’wu, nimulo iwu, calu nia gin moko ma tung’ utimbre i kumwu:

2 Petro 2:9

Rwoth ung’eyo maram elar ko ju ma ayi Mungu ni i kumgi ku i abidhe, m’egwok ko weg gondri de the masendi mi cing’ pokolembe;

Lembanyutha 1:9

An a Yohana, m’umegwu man jarib wakudu i masendi ku ker ku twiocwiny ma gini i Yesu, nwang’u ani i cula ma julwong’o Patmo, kum lembe pa Mungu man kum lembatuca pa Yesu.

Lembanyutha 11:10

Man ju m’ubedo wi ng’om anyong’a negogi i kumgi, man giketho mutoro; man gibioro giramia man ni wadi man ni wadi; kum jubila ario maeni gimio ndiba ni ju m’ubedo wi ng’om.

Lembanyutha 13:10

Tek ng’atu moko en e jathebkol, e ecidho i kol: tek ng’atu moko binego ku palamularu, en de jubikonege be ku palamularu. Twiocwiny ku yioyic mi jumaleng’ ni keni.

Lembanyutha 13:14

Man ebombo ju m’ubedo wi ng’om ni kum giranyutha ma jumio ire etim i wang’ yedi; m’ewacu ko ni ju m’ubedo wi ng’om, ya gitim ayi yedi m’ubedo ku rem ma jutong’e ko ku palamularu man ebedo kwo.

Lembanyutha 13:8

Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko.

Lembanyutha 14:12

Keni en e twiocwiny mi jumaleng’, gi ju ma giworo lembang’ola pa Mungu, ku yioyic pa Yesu.

Lembanyutha 14:6

Man aneno malaika mange m’uberingo i kor polo, m’e won lembanyong’a ma nja m’eyero ni ju m’ubedo wi ng’om, man ni thek ceke ku suru ku dhok man dhanu;

Lembanyutha 16:14

kum gi tipo pajogi, ma gibetimo giranyutha; ma gicidho woko bang’ ubimo m’i ng’om ngung’, nicokogi karacelo ni lwiny mi ceng’ ma dwong’ pa Mungu, ma Jategokpo.

Lembanyutha 17:2

m’ubimo m’i ng’om gitimo kugi tarwang’, man ju m’ubedo wi ng’om jumerogi ku pigulok mi tarwang’ pare.

Lembanyutha 17:8

Yedi m’ineno yang’ enuti, man embe: man edhingo ai i longro ma there mbe, m’ecidho ko i kanyothri. E ju m’ubedo wi ng’om igi biwang’ lii, gi ju ma nying’gi kugore ngo i kitabu mi kwo ugambre i thek ma ng’om uthekre ko, ka gineno yedi, maram yang’ enuti, man embe, man ebibino.

Lembanyutha 2:10

Lworo kud unegi kum gin ma fodi nyanok ibisendri kudo: nen, wonabali ni ceng’ni bayu kindwu moko i odkol, kara jumul ko iwu; man wubibedo ku masendi ceng’ apar. Dong’ ibed mandha cil i tho, man abimio iri jamkermiwic.

Lembanyutha 3:8

Ang’eyo tic peri (nen, aketho dhugola m’ubedo ayaba i weng’i, ma ng’atu moko mbe ma copo ciko), ya nyathi tego moko ni i beng’i, man igwoko lembe para, man ikwero nyinga de ngo.

Lembanyutha 6:10

man gikok ku dwandgi ma dit, giwacu kumae, Rokani, E Rwoth, m’i leng’ andha de, ipoko lembe man iculo wang’ rimbwa wi ju m’ubedo wi ng’om ungo?

Lembanyutha 8:13

E aneno, man awinjo acur acel, m’eberingo i kor polo, m’ebewacu ku dwal ma dit kumae, Can, can, can, ni ju m’ubedo wi ng’om, kum dwal mange mir agwara mi malaika adek, ma gibikudho agwara macen.