Lembanyutha 22:5 - The Holy Bible In Alur (Lur) Revised Orthography

⁵ Man diewor bidong’ bedo umbe kendo; man can der mi thala, kadok mi ceng’ de binegogi ngo; kum Rwoth Mungu bimio igi der: man gibibimo bim rondo ku rondo.

Lembanyutha 22:5 ပူးပေါင်းရင်းမြစ်များ

Zaburi 36:9

Kum kulo mi kwo ni i beng’i: I der peri wabineno der.

Zaburi 84:11

Kum Yehova Mungu en e ceng’ man ban: Yehova bimio bero man dwong’: Gin moko ma ber umbe m’ebicero ni ju m’uwotho atira.

Isaya 24:23

Cwiny dwi bilund ng’abre, man lewic bimaku ceng’: kum Yehova mir udul bicamu ker wi got Sayuni, man i Yerusalem; man dwong’ bibedo nuti wang’ judongo pare.

Isaya 30:26

Mange ke der mi dwi bibedo calu der mi ceng’, man der mi ceng’ jubimedo wang’ abiro, calu der mi ceng’ abiro, i ceng’ ma Yehova twio ie wang’ lero mi dhanu pare, man m’ecangu ie goc mi rem migi.

Daniel 7:18

Ento jumaleng’ pa Ng’atu ma Malu Ngbir bijolo ker, man gibibedo wi ker nja, cil mi rondo ku rondo.

Daniel 7:27

Man ker ku bimobim, ku dwong’ mi ker ma the polo dho, jubimio ni dhanu mi jumaleng’ pa Ng’atu ma Malu Ngbir: ker pare en e ker ma rondo ku rondo, man bimobim ceke gibitimo ire man gibiwore.

Zekaria 14:7

ento ebibedo ceng’ acel m’ung’eire ni Yehova; dieceng’ ungo, man diewor de ngo; ento ebitimbre, nia i kinde mir uthieno der bibedo nuti.

Matayo 19:28

E Yesu wacu igi kumae, Andha awacu iwu, Nia wun ma wulubo ng’eya, i nyol ma nyen ka Wod dhanu bijany wi komker mi dwong’ pare, wun bende wubijany wi komker apar wi ario, ma wupoko ko lembe ni suru apar wi ario mir Israel.

Matayo 25:34

Ubimo bilund wacu ni ju ma yo ku cinge ma yor acwic kumae, Wubin wu ju ma Vwa dwokowu jumugisa, wucam pacu mi ker m’ubedo ayika iwu ugambre i thekri mi ng’om:

Matayo 25:46

E joni gibicidho migi i masendi ma rondo ku rondo: ento weg bedopwe i kwo ma rondo ku rondo.

Jurumi 5:17

Kum tek, ni kum kier pa ng’atu acel nica, tho bimo ni kum ng’atu acel; e ju ma gijolo sagri mi bero man mi giramia mi bedopwe e ma gibibimo bim i kwo ma sagu dit ni kum ng’atu acel, en e Yesu Kristu.

2 Timoteo 2:12

tek wamula ku cani, wabicamu ker wakugi: tek wabikwere, en bende ebikwerowa:

Lembanyutha 11:15

Man malaika mir abirone kudho agwara; m’ulubo maeno dwal ma dit i polo, man giwacu kumae, Ker m’i ng’om udoko ker pa Rwoth mwa, man pa Kristu pare: man ebibimo bim rondo ku rondo.

Lembanyutha 18:23

man der mi thala birieny kendo ki ngo ii; man ba dwand won ambadha ku pa mugole de biwinjre kendo ki ngo ii; kum jukuloka peri naka gi juker m’i ng’om; kum thek ceke bombre ni kum ajoga peri.

Lembanyutha 20:4

Man aneno komker, ku ju m’ujany i wigi, man pokolembe mire igi: man aneno kwo mi ju ma juthumo wigi pi lembatuca pa Yesu, man pi lembe pa Mungu, man wagi ju ma girwo ngo ni yedi, kadok ni ayine, ma gijolo kiedo ngo ternyimgi kud i cing’gi de; man gibedo, gibimo de giku Kristugi rundi rubanga acel.

Lembanyutha 20:6

Ng’atu m’ubedo ku maka pare i cer ma kwong’ane mugisa kwanye e leng’ de: tho mir arionde mbe ku tego wi ju maeni; endre gibibedo julam pa Mungu ku pa Kristu, man gibibimo gikugi rundi rubanga acel.

Lembanyutha 21:11

m’ebedo ku dwong’ pa Mungu: derne calu mi kidi ma pire tek hai, calu en e kidi ma jukite ma pii pii, ma leng’ calu kidi ma ie pelele:

Lembanyutha 3:21

Ng’atu m’uloyo, abimie ejany kuda i komker para, calu an bende aloyo, man ajany waku Vwa i komker pare.