Lembanyutha 22:3 - The Holy Bible In Alur (Lur) Revised Orthography

³ Man kwong’o kwong’ bidong’ bedo umbe kendo: man komker pa Mungu ku pa Nyathi Rombo bibedo i ie: jumiru pare de gibitimo ire;

Lembanyutha 22:3 ပူးပေါင်းရင်းမြစ်များ

Zaburi 16:11

Ibinyutho ira yo mi kwo: Udul mi mutoro ni i weng’i; Mutoro mi nja ni i cingi ma yor acwic.

Zaburi 17:15

An re, abineno weng’i i bedopwe; Cwinya bikwio, kinde m’aceu, ku neno ayini.

Isaya 12:6

Lwong’ ma tek man ikoki, in i ng’atu m’ubedo i Sayuni; kum Ng’atu Maleng’ mir Israel e dwong’ i kindi.

Isaya 51:11

Man ju ma juwaru pa Yehova gibidwogo, man gibibino ku wer i Sayuni; man anyong’a mi nja bibedo i wigi: gibinwang’u mutoro kud anyong’a; e can ku gamucwiny biringo.

Ezekiel 37:27

Hema para bende bibedo karacelo kugi; man abibedo Mungu migi, man gibibedo dhanu para.

Ezekiel 48:35

Ebibedo bol rubanga apar wi abora gbur: man nying adhurane ugambre i ceng’ maeca bibedo kumae, Yehova ni kuca.

Zekaria 14:11

E dhanu bibedo i ie, man kwong’ bibedo mbe kendo; ento Yerusalem bibedo museme.

Matayo 25:21

Rwoth pare loko ire lembe kumae, Itimo dre, i jatic ma ber mandha de: ibedo mandha i gin ma nyanok, abikethi wi gin dupa; mond i mutoro pa rwoth peri.

Matayo 25:41

Ebilund wacu ni ju ma ni yo ku cinge ma yor acam bende kumae, Wuai woko kud i vuta, wun ma wubedo akwong’a, i mac ma rondo ku rondo m’ubedo ayika ni wonabali ku malaika pare:

Yohana 12:26

Tek ng’atu moko timo ira, wek elub ng’eya; man ka m’ani ie, jatic para bende bibedo keca: tek ng’atu moko timo ira, Vwa biyunge.

Yohana 13:32

man Mungu bidwoke dwong’ i ie gire, e ebidoko dwong’ de pio.

Yohana 14:3

Man tek acidho niyiko kabedo iwu, abibino kendo, abijolowu de i bang’a gira; kara ka m’ani ie, wun bende wubed keca.

Yohana 17:24

Vwa, ayenyo nia gin bende m’imio ira wabed kugi karacelo ka m’ani ie, kara ginen dwong’ para, m’imio ira: kum imara ma fodi ng’om ku thekre ngo.

Poi Mi Cik 27:26

Kwong’ ubed wi ng’atu m’ukwero ketho lembe mi cik maeni ucungi kara etimgi. E dhanu ceke biwacu kumae, Amen.

Lembanyutha 7:10

man gikok ku dwandgi ma dit, giwacu kumae, Both ubed ni Mungu mwa m’ujany wi komker, man ni Nyathi Rombo.

Lembanyutha 7:9

Yo ng’ei gin maeni aneno, man nen, udul dhanu ma dit, ma ng’atu moko mbe ma copo kwanu, m’uai kud i thek ceke kubang’gi nzu man kud i suru ceke man kodhidhanu ku dhok, gicungo wang’ komker man i wang’ Nyathi Rombo, ma gironyo kendi ma tar ma lot, ku ndhendhe i cing’gi;