Lembanyutha 22:19 - The Holy Bible In Alur (Lur) Revised Orthography

¹⁹ man tek ng’atu moko bikabu kum lembe mi kitabu mi lembila maeni, Mungu de bikabu maka pare kud i yen mi kwo, man kud i adhura ma leng’, ma pire gore i kitabu maeni.

Lembanyutha 22:19 ပူးပေါင်းရင်းမြစ်များ

Zaburi 69:28

Wek juyweigi woko ku i kitabu mi kwo, Man ku jugorgi karacelo ku weg bedopwe.

Ai 32:33

E Yehova wacu ni Musa kumae, Ng’atu ma tek udubo ira, abikabu en kud i kitabu para.

Lembrieko 30:6

Kud imed wi lembe pare, Emaru juki, man junweng’i jandra.

Luka 11:52

Can i wiwu jueuthecik! kum wukabu kifungula mi ng’eyong’ec: wun giwu wumondo ngo, man wucero ju m’ubemondo.

Poi Mi Cik 12:32

Gin ceke ma tek ang’olo iwu, wuketh cwiny wu mi time: kud imed kume, kadi kud ikab kume.

Poi Mi Cik 4:2

Kud wumed kum lembe m’ang’olo iwu, kadok kume moko de kud wukabi, kara wuwor lembang’ola pa Yehova Mungu mu m’ang’olo iwu.

Lembanyutha 1:3

Mugisa ni ng’atu m’usomo, man ni ju m’uwinjo lembila maeni man ni ju m’uworo gin m’ugore i ie de: kum nindone dhingo ceng’ni.

Lembanyutha 11:2

Man ponde ma yo woko kum hekalu weke woko, kud ipore; kum jumie ni thek: man gibinyono adhura ma leng’ dwi pier ang’wen wi ario.

Lembanyutha 13:8

Man dhanu ceke m’ubedo wi ng’om birwo ire, ma nying’gi kugore ngo i kitabu mi kwo pa Nyathi Rombo ma juthumo ugambre i thek ma ng’om uthekre ko.

Lembanyutha 14:13

Man awinjo dwal m’uai i polo wacu kumae, Kieu kumae, Mugisa ni ju m’utho m’utho i Rwoth ugambre kawono: eyo, Tipo wacu, kara giyom ni tic migi ma gimuli kudo; kum tic migi lubogi.

Lembanyutha 2:11

Ng’atu ma ithe nuti, dong’ ewinj lembe ma Tipo yero ni kanisa. Ng’atu m’uloyo ebinwang’u remo mi tho mir arionde ngo.

Lembanyutha 2:26

Man ng’atu m’uloyo, ku ng’atu m’ukuro tic para de cil i kajikne, abimie ng’ol wi thek:

Lembanyutha 2:7

Ng’atu ma ithe nuti, dong’ ewinj lembe ma Tipo yero ni kanisa. Ni ng’atu m’uloyo, abimie ecam kum yen mi kwo, ma ni i Paradis pa Mungu.

Lembanyutha 21:2

Man aneno adhura ma leng’, Yerusalem ma nyen, m’ebeloro m’eai kud i polo ba Mungu, ma juyike calu mugole m’urukre ni nico pare.

Lembanyutha 21:5

Man ng’atu m’ubedo wi komker uwacu kumae, Nen, adwoko gin ceke nyen. Man ewacu kumae, Kieu: kum lembe maeni gi mandha gin andha de.

Lembanyutha 22:12

Nen, abino pio; man sukulia para ni i bang’a, m’amio ni dhanu ceke kubang’gi nzu ng’atuman calku tic pare.

Lembanyutha 22:2

i die gengine. Man ng’et kulo kun ku kun yen mi kwo nuti, m’ecego nyinge ma tung’ tung’ apar wi ario, m’ecego ko nyinge ku ba dwi: man ith yende en e mi cangu thek.

Lembanyutha 22:7

Man nen, abino pio. Mugisa ni ng’atu m’uworo lembe mi lembila mi kitabu maeni.

Lembanyutha 3:12

Ng’atu m’uloyo, abikethe ni mbegi i hekalu pa Mungu para, man ebiwok woko ku keca kendo ngo: man abigoro nying’ Mungu para i wie, man nying adhura pa Mungu para, ma Yerusalem ma nyen, m’uai i polo ba Mungu para loro piny, ku nyinga ma nyen an gira.

Lembanyutha 3:21

Ng’atu m’uloyo, abimie ejany kuda i komker para, calu an bende aloyo, man ajany waku Vwa i komker pare.