Lembanyutha 22:17 - The Holy Bible In Alur (Lur) Revised Orthography

¹⁷ Man Tipo ku mugole giwacu, Bin. Man ng’atu m’uwinjo, dong’ ewac, Bin. Man ng’atu ma rieupi nege, dong’ ebin: man ng’atu m’uyenyo, dong’ egam pi mi kwo k’abamba.

Lembanyutha 22:17 ပူးပေါင်းရင်းမြစ်များ

Zaburi 34:8

A wubil wunen de ya Yehova e ber: Mugisa ni ng’atu m’upondo i bang’e.

Isaya 12:3

Ka kumeno wubitwomo pi kud i kulo m’atong’a mi both ku mutoro.

Isaya 2:3

Man kodhidhanu dupa bicidho man gibiwacu kumae, Wubin, man wek waidhu ba got pa Yehova, ba ot pa Mungu pa Yakobo; e ebiponjowa ku yo pare, man wabiwotho i yo pare: kum cik biwok kud i Sayuni, man lembe pa Yehova kud i Yerusalem.

Isaya 2:5

E ot pa Yakobo, wubin, man wek wawothu i der pa Yehova.

Yeremia 50:5

Gibipenjo pi Sayuni ku wang’gi ma yor i bang’e kumae, Wubin, man wuribru giwu kum Yehova i lembariba mi nja ma wijo biwil ungo pire.

Ezekiel 47:1

Man edwoka ba dhugola mi ot; man nen, pi wok woko ku the riu mi ot yo nyangu (kum yo dhu ot ni yo nyangu); man pi mol piny kud i there, kud i ng’et ot ma yor acwi, i ng’et pemblam ma yor ariwa ma piny.

Mika 4:2

Man thek dupa bicidho man gibiwacu kumae, Wubin, wacidhu waidhu ba got pa Yehova, man ba ot pa Mungu pa Yakobo; e ebiponjo wa ku yo pare, man wabiwotho i yo pare. Kum cik biwok kud i Sayuni, man lembe pa Yehova kud i Yerusalem;

Yohana 1:37

Man julubne ario giwinjo kan eyero, e gilubo ng’ei Yesu.

Yohana 4:10

Yesu dwoko lembe ewacu ire kumae, Tek ing’eyo giramia pa Mungu, ku ng’atu m’uwacu iri kumae, Mi ira amadhi; kuno di ipenje, man kuno di emio iri pi mi kwo.

Yohana 4:11

Dhakune wacu ire kumae, Rwoth, gin moko mbe i beng’i m’itwom ko, man kulone de thuth: ka kumeno inwang’u pi mi kwo maeni kani?

Yohana 4:14

ento ng’atu ma tek umadhu pi m’amio ire rieu binege kendo ki ngo; ento pi m’abimio ire bidoko ni kulo ma dhenyni i ie ni kwo ma rondo ku rondo.

Yohana 4:29

Wubin, wunen ng’atu m’uyero ira pi gin ceke ma naka atimo: maeni copo bedo Kristu?

Yohana 7:37

Nie i kajikceng’, ma en e ceng’ ma dwong’ mir agba Yesu cungo ekok akoka, ewacu kumae, Tek rieu nego ng’atu moko, dong’ ebin i bang’a emadhi.

Jurumi 3:24

ma jugonyo lembe m’i wigi mananu ni kum berone ni kum war ma ni i Kristu Yesu:

1 Jukorinto 2:12

Ento wajolo, tipo m’i ng’om ungo, ento tipo m’uai ba Mungu; kara wang’ei gin ma Mungu mio iwa k’abamba.

Lembanyutha 14:13

Man awinjo dwal m’uai i polo wacu kumae, Kieu kumae, Mugisa ni ju m’utho m’utho i Rwoth ugambre kawono: eyo, Tipo wacu, kara giyom ni tic migi ma gimuli kudo; kum tic migi lubogi.

Lembanyutha 2:7

Ng’atu ma ithe nuti, dong’ ewinj lembe ma Tipo yero ni kanisa. Ni ng’atu m’uloyo, abimie ecam kum yen mi kwo, ma ni i Paradis pa Mungu.

Lembanyutha 21:2

Man aneno adhura ma leng’, Yerusalem ma nyen, m’ebeloro m’eai kud i polo ba Mungu, ma juyike calu mugole m’urukre ni nico pare.

Lembanyutha 21:6

Man ewacu ira kumae, Gidaru timbri. An a Alfa kud Omega, ma thangambere ku kajik. Abimio kum pi ma dhenyni mi kwo k’abamba ni ng’atu ma rieupi nege.

Lembanyutha 21:9

Man acel ma kind malaika abiro ma gi weg tabu abiro, ma ginur ku masendi abiro macen ubino; man eweco kuda, ewacu kumae, Bin kue, abinyutho iri mugole, ma dhaku pa Nyathi Rombo.

Lembanyutha 22:1

Man enyutho ira kulo mi pi mi kwo, ma rieny calu kidi ma ie pelele, m’eai kud i komker pa Mungu man pa Nyathi Rombo,

Lembanyutha 22:16

An a Yesu aoro malaika para nituco iwu gin maeni ni kanisa. An a ulag man nyakwar Daudi, cero ma rieny, mi rupiny.

Lembanyutha 7:17

kum Nyathi Rombo ma ni i kind komker ebibedo jakwac migi, man ebitelo wigi ba pi mi kwo ma dhenyni: man Mungu biyweyo piwang’ pet kud i wang’gi.